Nëntë emigrantë të identifikuar në Bogorodicë, dy persona në pranga

Forcat e rendit në Maqedoninë e Veriut kanë arrestuar një burrë 39-vjeç me banim në Shkup dhe një të mitur 17-vjeç me origjinë egjiptiane, pas dyshimeve se kishin përfshirje në kontrabandimin e emigrantëve në zonën e Gjevgjelisë.

Ngjarja ka ndodhur më 11 tetor, rreth orës 16:50, kur patrullat e policisë kanë ndaluar për kontroll një makinë „Shkoda” me targa shkupjane, e drejtuar nga i dyshuari 39-vjeçar. Në brendi të automjetit, pranë fshatit Bogorodicë, janë konstatuar shtatë persona pa dokumente – pesë shtetas afganë dhe dy egjiptianë.

Pak orë më vonë, rreth orës 18:30, strukturat policore kanë lokuar edhe dy emigrantë të tjerë nga Egjipti, të cilët dyshohet se bënin pjesë në të njëjtin grup, por nuk kishin mundur të hipnin në veturë në pikën e njohur si Kravarski Pat.

Kështu, totali i emigrantëve të verifikuar në këtë rast shkon në nëntë persona.

Më 12 tetor, në ora 00:05, u ndalua gjithashtu një adoleshent 17-vjeç nga Egjipti, i cili qëndronte përkohësisht në Greqi, i dyshuar si pjesëmarrës në veprimtarinë kriminale të përcaktuar me nenin 418-B të Kodit Penal.

Grupi i nëntë emigrantëve është përcjellë drejt Qendrës së Pranimit dhe Tranzitit në Gjevgjeli, ndërsa të dy të dyshuarit – burri 39-vjeç dhe i mituri – janë mbajtur për pyetje në stacionin e policisë.

Pas përfundimit të procedurave hetimore dhe dokumentimit të plotë të çështjes, organet kompetente do të vazhdojnë me masat ligjore ndaj personave në prangosje.