MPJ kërkon sqarime dhe hetim nga autoritetet e Sofjes për publikimin e notës mbi udhëtimin e familjes Mickoski

Ministria e Jashtme e RMV-së ka thirrur ambasadorin e Bullgarisë pas publikimit të një note diplomatike që lidhet me udhëtimin dimëror në Pamporovo të Bullgarisë të gruas dhe djalit të kryeministrit Hristijan Mickoski.

Ministri Mucunski deklaroi se nga institucionet bullgare janë kërkuar sqarime për këtë rast, por deri tani, sipas tij, nuk është kthyer asnjë përgjigje.

Ai nënvizoi se, po të kishte ndodhur një situatë e tillë në Maqedoni, si ministër do të kishte kërkuar falje.

Në notën diplomatike jepen hollësi për itinerarin e ndjekur nga gruaja dhe djali i Mickoskit, përfshihen të dhënat e tyre personale, si edhe informacion mbi eskortën policore që i ka shoqëruar dhe armët që ajo posedonte. Po ashtu, në dokument kërkohet që Bullgaria të ofrojë siguri policore në Pamporovo dhe, nëse paraqitet nevoja, edhe mbrojtje gjatë gjithë qëndrimit./Telegrafi/