Kryeministri Hristijan Mickoski bëri të ditur se inflacioni vjetor në Maqedoninë e Veriut gjatë korrikut ishte 2,3 për qind, ndërsa çmimet me pakicë u rritën me 1,8 për qind.
None found
Sipas tij, mesatarja e inflacionit në Bashkimin Evropian ishte 2,93 për qind, çka, siç theksoi Mickoski, e vendos Maqedoninë e Veriut nën nivelin mesatar evropian. Ai shpjegoi se BE-ja është partneri më i madh tregtar i vendit, ndaj kjo shifër është e rëndësishme për krahasim.
Mickoski iu referua edhe situatës së vitit 2022, kur vendi drejtohej nga qeveria e LSDM-së dhe BDI-së. Ai tha se në atë periudhë inflacioni ishte dyshifror dhe herë pas here arrinte deri në 20 për qind, ndërsa në korrik ishte mbi 14 për qind, përkatësisht rreth 14,7 për qind. Sipas tij, në atë kohë mesatarja e BE-së ishte dy herë më e ulët se inflacioni në Maqedoninë e Veriut.
“Në korrik, inflacioni në Maqedoni, pra rritja vjetore e çmimeve, ishte 2,3%, ndërsa çmimet me pakicë në markete u rritën me 1,8%. Në Bashkimin Evropian mesatarja ishte 2,93%. E përmend Evropën sepse BE-ja është partneri ynë më i madh tregtar. Ju kujtohet viti 2022, kur qeverisnin LSDM-ja dhe BDI-ja dhe kur inflacioni me dy shifra arrinte herë pas here deri në 20%; atëherë na thoshin se ishte i importuar. Në atë periudhë, mesatarja evropiane ishte dy herë më e ulët se inflacioni në vendin tonë. Sot, te ne ai është gjysma e mesatares evropiane”, deklaroi Mickoski.
Ai shtoi se renditja e Maqedonisë së Veriut në rajon ka ndryshuar ndjeshëm. Duke krahasuar 12 vende — Slloveninë, BeH-në, Kroacinë, Malin e Zi, Kosovën, Shqipërinë, Serbinë, Rumaninë, Bullgarinë, Greqinë, Turqinë dhe Maqedoninë — kryeministri tha se në korrik të vitit 2022 vetëm Turqia, Rumania dhe Bullgaria kishin rezultate më të dobëta, ndërsa vendi renditej i nënti. Tani, sipas tij, Maqedonia e Veriut është e dyta, me të gjitha vendet e tjera pas saj. “Kjo është diferenca mes kësaj qeverie dhe asaj. Në atë kohë inflacioni ishte mbi 14%, mendoj 14,7% ose diçka e tillë, ndërsa tani është 2,3%”, përfundoi Mickoski.
Kryeministri Edi Rama ka reaguar në platformën “X” pas incidentit në New York, ku u përball me protestues shqiptarë që…
Aktorja e famshme, Dakota Johnson, ka tërhequr vëmendjen në premierën e filmit “Verity” në Londër, ku u shfaq me një…
Rolando MaranDitën e nesërme, nis edhe zyrtarisht kapitulli i Rolando Maran te Kombëtarja shqiptare [...]Read More...
Austria e nisi me fitore aventurën e re në Ligën e Kombeve, por Ralf Rangnick nuk dëshiron që skuadra e…
Deputetja Marjana Koçeku ka reaguar pas një videoje të shpërndarë në rrjetet sociale nga shqiptarë në New York, të cilët…
Një burrë nga një fshat në Koçan pagoi 18.000 euro për të hequr magjinë e zezë nga shtëpia e tij,…