Me 130 vota pro dhe 17 kundër, Asambleja e Përgjithshme e Kombeve të Bashkuara miratoi kundërshtimin ndaj embargos ekonomike të Shteteve të Bashkuara ndaj Kubës. Ky ishte viti i 34-të radhazi që Asambleja kërkon përfundimin e këtyre kufizimeve, ndërsa Maqedonia e Veriut votoi përsëri kundër heqjes së embargos.
Në mesin e vendeve të rajonit, përveç vendit tonë, kundër heqjes së embargos votuan edhe Sllovenia dhe Bosnja dhe Hercegovina. Shqipëria e Kroacia abstenuan, ndërsa Serbia mbështeti heqjen e embargos.
None found
Edhe Hungaria, Sllovenia, Letonia, Kolumbia dhe Republika Çeke u rreshtuan kundër rezolutës.
Një vit më parë, rezoluta kishte marrë mbështetjen e 165 vendeve, ndërsa shtatë votuan kundër dhe 12 abstenuan. Votimi i këtij viti u zhvillua pas një përpjekjeje të shtuar diplomatike të Uashingtonit për të bindur më shumë shtete që ta kundërshtonin dokumentin ose të mos merrnin qëndrim.
Rezoluta nuk ka karakter detyrues dhe nuk e obligon Uashingtonin të ndryshojë politikën e sanksioneve. Megjithatë, ajo pasqyron qëndrimin e komunitetit ndërkombëtar ndaj embargos./Telegrafi/
Maqedonia përballet me një shkallë të ulët fertiliteti, pothuajse identike me mesataren evropiane, por ndryshimet midis rajoneve janë të mëdha,…
Asambleja e Përgjithshme e Kombeve të Bashkuara e kundërshtoi embargon ekonomike të Shteteve të Bashkuara kundër Kubës me 130 vota…
Dy persona të mitur, janë arratisur nga Qendra Edukative Korrektuese për të Mitur në fshatin Grackë e Vjetër të Lipjanit.…
Një projektligj për ndryshimin dhe plotësimin e ligjit për ndarjet buxhetore për vitin 2026 parasheh ndarjen e mjeteve për pagën…
Drejtoresha e Përgjithshme e Burgjeve, Sadleva Bodo, ka firmosur urdhrin për transferimin e Ergys Agasit nga burgu u Bradasheshit, ku…
Grupi parlamentar i PD-së, nuk do të marrë pjesë në mbledhjen e Konferencës së Kryetarëve, pasi pretendon se deputetëve nuk…