Nga data 16 deri më 22 nëntor 2026, policia rrugore e Maqedonisë së Veriut, e cila bën pjesë në Rrjetin Evropian të Policive Rrugore (ROADPOL), po zhvillon kontrolle intensive në rrugë, si pjesë e operacionit ndërkombëtar të quajtur “Truck & Bus”, i fokusuar te përmirësimi i sigurisë së autobusëve dhe mjeteve të rënda të transportit në qarkullim.
Sipas Ministrisë së Punëve të Brendshme, ky aksion ka si synim parandalimin e aksidenteve, identifikimin dhe ndëshkimin në kohë të shkeljeve, si dhe ngritjen e sigurisë për të gjithë përdoruesit e rrugës.
None found
Gjatë inspektimeve, theks i veçantë i jepet gjendjes teknike dhe pajisjeve të sigurisë së autobusëve e kamionëve, respektimit të kushteve ligjore për transportin e organizuar të fëmijëve, si dhe zbatimit të rregullave për ekskursionet shkollore, edukative dhe rekreative. Po ashtu, verifikohet gjendja psikofizike dhe aftësia e shoferëve për drejtim të sigurt, si dhe plotësimi i detyrimeve të tjera ligjore në fushën e transportit rrugor.
Njëkohësisht, efektivët e policisë po kryejnë kontrolle më të shpeshta edhe për përdoruesit e tjerë të trafikut, duke u ndalur posaçërisht te shkeljet e kufirit të shpejtësisë, drejtimi i mjetit nën efektin e alkoolit ose substancave narkotike, mospërdorimi i rripit të sigurimit, transporti i parregullt i pasagjerëve dhe shkelje të tjera që cenojnë rëndë sigurinë në rrugë.
Ministria e Punëve të Brendshme i bën thirrje çdo drejtuesi automjeti, kompanie transporti dhe pjesëmarrësi tjetër në qarkullim që të respektojë me përgjegjësi rregullat e trafikut dhe të tregojë kujdes maksimal gjatë lëvizjes në rrugë.
Prokuroria e Tiranës ka kërkuar 35 vite burg për shtetasin me inicialet V.K., të akuzuar për vrasjen me paramendim të…
Gjykata Ndërkombëtare e Drejtësisë në Hagë ka shpallur Mianmarin përgjegjës për gjenocidin ndaj pakicës myslimane Rohingya, në një vendim historik…
Ministrja e Ekonomisë, Artane Rizvanolli, tha se vendimi për ndalimin e tregtimit të energjisë elektrike me kompanitë serbe është marrë…
Presidentja e Republikës së Kosovës, Justina Shiroka Pula, priti në takim ambasadorin e Belgjikës në Kosovë, Arnaud Dusaucy. Presidentja Shiroka…
Ministrja e Mjedisit Fitore Pacolli dhe deputeti i Lidhjes Demokratike të Kosovës (LDK) Arben Gashi kanë diskutuar në seancën e…
Ministri i Shëndetësisë, Arben Vitia, ka deklaruar në Kuvendin e Kosovës se hetimi lidhur me problemet në furnizimin me barna…