Qeveria hungareze nën drejtimin e Péter Magyar do të shqyrtojë dyshimet për keqpërdorim të fondeve publike në rastin e huasë një miliardë euro që banka shtetërore “Eximbanka” i akordoi Maqedonisë së Veriut.
None found
Njoftimi u bë dje nga vetë Magyar, i cili sipas raportimeve të mediave hungareze bëri të ditur se kredia për Maqedoninë e Veriut bën pjesë në katër rastet problematike të lidhura me “Eximbank”-un. Për këto çështje, Ministria e Ekonomisë dhe Energjetikës ka depozituar tashmë kallëzimet përkatëse.
“Të enjten, Ministria e Ekonomisë dhe Energjetikës ngriti katër padi për mashtrim të dyshuar me një vlerë totale që arrin një mijë miliardë forinta, në katër episode të veçanta. Të gjitha kanë në qendër veprimtarinë e ‘Eximbank’-ut,” deklaroi Magyar.
Ai vuri në dukje se financimi u sigurua në kushte jashtëzakonisht të leverdisshme, me një normë interesi prej vetëm 3,25 për qind.
Sipas tij, për shkak të diferencës së interesit, kjo hua do t’i rëndojë arkës së shtetit hungarez me 90 miliardë forinta, shifër që konvertohet në rreth 248 milionë euro.
“Bëhet fjalë për një ngarkesë prej 90 miliardë forintash mbi buxhetin e Hungarisë, teksa shteti hungarez, nën drejtimin e ekzekutivit të Orbanit, mori përsipër një garanci të plotë 100 për qind për kredinë,” theksoi Magyar.
Ai shtoi gjithashtu se interesi i ofruar Maqedonisë nga “Eximbanka” shtetërore është dukshëm më i ulët se normat me të cilat bizneset dhe qytetarët hungarezë marrin hua në vend./INA/
Prokurori i SPAK, Ols Dado, ka deklaruar se sipas informacionit që disponon institucioni, gjendja shëndetësore e kryebashkiakut të Tiranës Erion…
Kombëtarja e Kosovës do të përballet sonte (e martë) me Irlandën në Dublin me fillim nga ora 20:45, në kuadër…
Jurgen Klopp ka vlerësuar lart cilësitë e mesfushorit të Liverpoolit, Florian Wirtz, duke e cilësuar atë si një “futbollist të…
Eugen Cakolli nga KDI ka reaguar pas dënimit të ish-presidentit Hashim Thaçi me 17 muaj burgim shtesë për pengim të…
Agjencia për Siguri Kombëtare (ASK) dhe Byroja për Siguri Publike (BSP) pranë Ministrisë së Punëve të Brendshme, në bashkëpunim me…
Thellësisht shqetësuese mbetet trajtimi ligjor dhe penal i simboleve kombëtare nga organet e drejtësisë në vend, njofton agjencia e lajmeve…