Categories: maqedoni

LSDM paralajmëron shtrenjtim të energjisë dhe ngrohjes: familjet pritet të përballen me kosto më të larta nga janari

LSDM deklaron se qytetarët mund të përballen me një tjetër valë rritjeje të çmimeve, përmes faturave më të larta të energjisë elektrike dhe ngrohjes duke nisur nga Viti i Ri.

Sipas kësaj partie, MEPSO ka kërkuar rritjen e tarifës së transmetimit të energjisë elektrike nga janari 2027. Në të njëjtën kohë, është paralajmëruar edhe një shtrenjtim i ri i ngrohjes, që do të ishte i treti brenda këtij viti.

Të lidhura

None found

LSDM thekson se shpenzimet e jetesës janë rritur me 4,000 denarë që nga janari.

Në tetor, shporta totale e konsumatorit e kaloi vlerën prej 70,000 denarësh, ndërsa bashkë me qiranë shuma u rrit mbi 90.000 denarë.

Partia vlerëson se as tre paga nuk mjaftojnë për të përballuar shpenzimet bazë të jetesës.

“Punëtorët në Maqedoni mezi po ia dalin, ndërsa pagat e tyre mbeten ndër më të ulëtat në Evropë”, shprehen nga LSDM.

Nga 540,000 punonjës gjithsej, rreth 180,000 prej tyre marrin më pak se 31,200 denarë në muaj. Paga minimale vazhdon të jetë 26 mijë denarë, ndërsa 33% e punonjësve në Maqedoni kanë të ardhura nën vijën e varfërisë.

LSDM thotë se qytetarët po jetojnë në kushte të vështira: punojnë dhe përpiqen të përballojnë shpenzimet, por varfërohen gjithnjë e më shumë.

“Mickoski i çoi në këtë gjendje. Ai refuzoi ta rrisë pagën minimale në 600 euro dhe hodhi poshtë çdo masë të LSDM-së që do t’i ndihmonte qytetarët të përballonin goditjet e çmimeve”, thuhet në reagim.

Partia akuzon Mickoskin se, në vend të rritjes së pagave, po shqyrton importimin e punëtorëve ekonomikë si fuqi punëtore me kosto të ulët. Nikolovski ka përmendur 50,000 punëtorë ekonomikë, ndërsa Mickoski e ka rritur këtë shifër në mbi 100.000.

“Edhe në rishikimin e ri të buxhetit mungon rritja e pagës minimale, mungojnë 600 euro për punëtorët, nuk ka masa dhe as ndihmë për bujqit”, deklarojnë nga LSDM./Telegrafi/

Tags: LSDM

të fundit

New details from the suspicious death of the 38-year-old on the Skopje ring road – what was found on his body?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

12 minutes ago

How much the price of electricity is expected to rise from January 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

13 minutes ago

Detaje të reja nga vdekja e dyshimtë e 38-vjeçarit në unazën e Shkupit – çfarë u konstatua në trupin e tij?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

27 minutes ago

Sa pritet të rritet çmimi i energjisë elektrike nga janari 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

27 minutes ago

Pronari i Milanit sinjalizon interes për yllin e Real Madridit: “Ndër më të mirët në botë, ndoshta më i miri

Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…

7 hours ago

According to Wall Street Journal, Kim Jong Un is expanding North Korea’s nuclear capabilities – what satellite images revealed

Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…

7 hours ago