Njëqind mijë ekzemplarë të vegjël të troftës së Ohrit u hodhën sot në liqen. Peshqit kanë peshë mesatare prej 4,2 gramësh dhe lëshimi i tyre shënon përfundimin e ripopullimit për këtë vit, bëri të ditur ministri i Bujqësisë, Pylltarisë dhe Ekonomisë së Ujërave, Borçe Serafimovski, gjatë vizitës në Institutin Hidrobiologjik në Ohër.
None found
Serafimovski tha se puna për rimëkëmbjen e popullatës së troftës së Ohrit po jep rezultate më shumë se të kënaqshme. Në gusht dhe shtator, zonat e peshkimit në liqen u pasuruan me gjithsej 6,5 tonë peshq të rinj të kultivuar, ose 1,6 tonë më shumë se sasia prej 4,9 tonësh e parashikuar në fillim.
Gjatë këtij viti në liqen janë lëshuar edhe 100 mijë trofta më të mëdha, të riprodhuara vitin e kaluar, me peshë mesatare prej 16 gramësh. Sipas ministrit, ky hap ndihmon në kompensimin e mungesës së ripopullimit në vitet 2019–2023, kur u ndërpre riprodhimi artificial i troftës së Ohrit.
Për të vijuar përpjekjet për rimëkëmbjen e popullatës, është lidhur marrëveshje me Institutin Hidrobiologjik për ciklin e ardhshëm të riprodhimit artificial dhe ripopullimit të liqenit, që do të zhvillohet në vitin 2027. Plani parashikon lëshimin e 1.550.000 ekzemplarëve të rinj të troftës së Ohrit.
Instituti Hidrobiologjik do të zbatojë aktivitetet dhe do të ndjekë rezultatet e tyre, me mbështetjen institucionale të Ministrisë së Bujqësisë, Pylltarisë dhe Ekonomisë së Ujërave.
Zhvillimet e fundit në diplomacinë evropiane kanë rikthyer në vëmendje çështjen e njohjes së Kosovës nga pesë shtetet e Bashkimit…
Kryeministri i Maqedonisë së Veriut, Hristijan Mickoski, ka marrë pjesë në Berlin në takimin e Koalicionit të të Vullnetshmëve, kushtuar…
Në Ministrinë e Bujqësisë, Pylltarisë dhe Ekonomisë së Ujërave u mbajt një takim koordinues me përfaqësues të institucioneve kompetente dhe…
Numri i të sëmurëve nga gripi sezonal në këtë periudhë kohore është tri herë më i lartë se në të…
Një skandal i pazakontë ka dalë në dritë në një burg të Britanisë së Madhe, ku një ish-punonjëse e sigurisë…
Qytetarët janë mbledhur sot më 19 nëntor para Kryeministrisë, ku vijojnë protestën me kërkesën për dorëheqjen e Edi Ramës. Protestuesit…