Kryeministri maqedonas: Përballja me krizën energjetike është prioritet për qeverinë

“Me përgjegjësi dhe me përkushtim dhe me vëmendje të plotë u përqendrova në formimin dhe harmonizimin e ekipit të ri që t’i përgatisim dhe zbatojmë përgjigjet më përkatëse të sfidave serioze që na presin”, theksoi kryeministri Dimitar Kovaçevski në seancën e sotme tematike në të cilën pikë e vetme është shënimi i arritjeve të Qeverisë dhe të ministrive në 100 ditët e para të punës.

Kovaçevski i theksoi çështjet më të rëndësishme që janë bërë në këtë periudhë dhe potencoi se Qeveria aktuale mbetet në qëllimin e qartë – të sigurojë siguri dhe vazhdimësi në krijimin e kushteve për një jetë më të mirë, si dhe një të ardhme evropiane dhe prosperuese për qytetarët.

“Për këtë nevojitet qeverisje efikase, të ndershme dhe të përgjegjshme. Këto janë cilësitë që i kërkova nga të gjithë ministrat, që pranuan të jenë pjesë e ekipit, i cili së bashku synon t’u shërbejë interesave të të gjithë qytetarëve pa përjashtim”, tha Kovaçevski.

Prioritet i parë kryesor, theksoi Kovaçevski, është përballja me krizën energjetike, që para së gjithash është krizë energjetike evropiane, ndërsa ndjehet edhe te ne, ndërsa mori dimensione shqetësuese shtesë me luftën në Ukrainë.

“Ballafaqimi me krizën energjetike është prioritet i parë kyç, i cili në radhë të parë është krizë energjetike evropiane dhe që ndjehet edhe në vendin tonë, kurse ka marrë dimensione shqetësuese shtesë me luftën në Ukrainë, deklaroi kryeministri Dimitar Kovaçevsk”

Kovaçevski theksoi se agresioni ushtarak në Ukrainë nuk u përball me sfida historike si anëtare e NATO-s, siç tha ai, së bashku me aleatët tanë për t’iu përgjigjur këtij akti anti-qytetërues, siç është shkelja brutale e së drejtës ndërkombëtare dhe e të gjitha konventave për paqe dhe sigurinë.

Kryeministri Kovaçevski theksoi se prioritet i radhës është mbrojtja e standardit jetësor të qytetarëve dhe përkrahja e kompanive në drejtim të krizës ekonomike, e cila rrjedh nga kriza energjetike dhe ushtarake.

Përmbushja e synimeve në lidhje me projektet e mëdha infrastrukturore, tha Kovaçevski, është gjithashtu prioritet dhe integrimi evropian është po aq i rëndësishëm sa edhe qëllimi ynë strategjik./alsat