Gjatë vitit 2024, më shumë se 26 mijë shtetas të Maqedonisë së Veriut pajisen për herë të parë me leje qëndrimi në shtetet e Bashkimit Evropian, megjithëse shifra pësoi rënie në raport me një vit më parë.
None found
Të dhënat e Eurostatit tregojnë se në vendet e BE-së u dhanë gjithsej 26.727 leje të para qëndrimi për shtetas maqedonas në vitin 2024. Krahasuar me 31.876 lejet e regjistruara gjatë vitit 2023, bëhet fjalë për një tkurrje prej afërsisht 16 për qind.
Gjermania mbeti destinacioni kryesor për shtetasit e Maqedonisë së Veriut. Rreth 49 për qind e të gjitha lejeve të para të qëndrimit të lëshuara për ta gjatë vitit 2024 u siguruan pikërisht në këtë shtet.
Pas Gjermanisë, Kroacia zuri vendin e dytë me 16 për qind, ndërsa Sllovenia përfaqësoi 9 për qind të lejeve. Italia kishte një pjesëmarrje prej 8 për qind dhe Austria prej 6 për qind.
Pjesa dërrmuese e lejeve të reja të qëndrimit për shtetasit maqedonas u përqendrua në këto pesë vende.
Ndërkohë, në vitin 2019, shtetet anëtare të Bashkimit Evropian lëshuan rreth 3 milionë leje qëndrimi për qytetarë nga vende jashtë BE-së. Statistikat e Eurostatit e pozicionojnë Maqedoninë e Veriut mes pesë shtetësive kryesore përfituese të lejeve në Kroaci, Slloveni dhe Bullgari.
Krahasuar me vitin 2018, numri i lejeve të dhëna në vitin 2019 u shtua me 5,8 për qind, përkatësisht me rreth 163 mijë. Kjo ishte shifra më e lartë e shënuar në periudhën dhjetëvjeçare 2009–2019.
Në Kroaci, gjatë vitit 2019, qytetarët e Maqedonisë së Veriut përfituan 4.295 leje qëndrimi. Ato përfaqësonin 8,5 për qind të numrit të përgjithshëm të lejeve të lëshuara në këtë vend, ndërsa më shumë se maqedonasit morën shtetasit e Bosnjë e Hercegovinës, Serbisë dhe Kosovës.
Sllovenia dha 2.112 leje qëndrimi për shtetas maqedonas, shifër që përbënte 6,7 për qind të totalit. Në Bullgari u regjistruan 813 leje për qytetarët e Maqedonisë së Veriut, ose 6 për qind e numrit të përgjithshëm.
Në të gjithë Bashkimin Evropian, Polonia kryesoi për numrin e lejeve të qëndrimit të lëshuara, me rreth 724 mijë. Më pas u renditën Gjermania me 460 mijë, Spanja me 320 mijë, Franca me 285 mijë dhe Italia me 176 mijë.
Punësimi ishte motivi kryesor për dhënien e lejeve, me rreth 1,2 milionë raste, ose 40,5 për qind të totalit. Bashkimi familjar pasoi me 810 mijë leje, ndërsa 546 mijë u dhanë për arsye të tjera dhe rreth 400 mijë për arsimim.
Sipas shtetësisë së përfituesve, ukrainasit morën numrin më të madh të lejeve gjatë vitit 2019, me rreth 757 mijë, ose 25,6 për qind të totalit. Në vijim u renditën qytetarët e Marokut, Indisë, Kinës dhe Brazilit.
Eurostati vlerëson se përzgjedhja e vendit të qëndrimit kushtëzohet nga disa elemente, mes tyre afërsia gjeografike, raportet historike dhe gjuhësore, si edhe rrjetet tashmë të ngritura të migrantëve. /INA/
Deputetët e Partisë Demokratike të Kosovës dhe Aleancës kanë kërkuar nga Lëvizja Vetëvendosje që të thërrasë vazhdimin e seancës konstituive…
Deputeti i Lidhjes Demokratike të Kosovës, Armend Zemaj, ka thënë se pas diskutimeve në Grupin Parlamentar do të vendosin se…
Miliona njerëz në Europë do të kenë mundësinë të vëzhgojnë sot një eklips diellor, ndërsa Spanja duket se do të…
Gazetari Aulon Kalaja në një intervistë në “News24” foli për situatën e zjarreve në vend, si edhe për Reformën Territoriale.…
Kryeministri në detyrë i Kosovës, Albin Kurti, ka folur për rëndësinë e shëndetit mendor dhe mbështetjes psikosociale për fëmijët dhe…
Kryeministri në detyrë i Kosovës, Albin Kurti, u ka dërguar mbrëmë sërish mesazhe liderëve të partive opozitare, me kërkesën për…