Categories: maqedoni

Filipçe paralajmëron rritje të borxhit publik në 12 miliardë euro: Ekonomia nuk e përballon këtë nivel huamarrjeje

Në një konferencë për shtyp lidhur me ribalancimin e dytë të buxhetit për vitin 2026, kryetari i LSDM-së, Venko Filipçe, tha se borxhi publik është rritur nga 8 miliardë në gati 12 miliardë euro brenda dy vjetësh e gjysmë.

Sipas Filipçes, qeveria e Mickoskit ka marrë 4 miliardë euro borxh të ri, por qytetarët nuk kanë përfituar prej tij, ndërsa interesat do të rëndojnë edhe brezat e ardhshëm.

Të lidhura

None found

“Në rreth dy vjet e gjysmë, borxhi i përgjithshëm shtetëror është rritur me 50 për qind, nga 8 në gati 12 miliardë euro. Pjesa më e madhe e kësaj rritjeje, gati 4 miliardë euro, vjen nga borxhet e reja. Ky është niveli më i lartë i borxhit që nga pavarësia e vendit, në vitin 1991. Qytetarët nuk kanë parë asgjë të mirë”, u shpreh Filipçe.

Ai tha se, po të ishin përdorur këto shuma për përmirësimin e jetës së njerëzve, qytetarët do të shihnin paga më të larta, ndihmë më të madhe për bujqësinë, mbështetje për studentët dhe të rinjtë, si dhe shërbime më cilësore në shëndetësi e arsim. Megjithatë, sipas tij, rritja e borxhit nuk ka sjellë përfitime të dukshme.

“Duhet të kishte standard më të mirë dhe paga më të larta, subvencione më të mëdha për bujqësinë dhe rritje të të ardhurave për studentët, përmes ushqimit apo burimeve të tjera. Duhej të kishte masa që t’i nxisnin të rinjtë të qëndronin në vend, si dhe përmirësime cilësore në shëndetësi e arsim. Por asgjë nga këto nuk po ndodh. Askush nuk ka parë ndonjë përfitim nga kjo rritje e madhe; ka vetëm borxhe dhe interesa, që do t’i paguajnë kush e di sa breza të ardhshëm”, deklaroi ai.

Kryetari i LSDM-së paralajmëroi se borxhi publik do të arrijë në 12 miliardë euro. Nëse llogariten edhe detyrimet e ndërmarrjeve publike, përfshirë Ndërmarrjen Publike për Rrugët Shtetërore, borxhi do të tejkalojë 63% të produktit të brendshëm bruto.

Filipçe shtoi se ekonomia nuk është në gjendje ta përballojë një nivel të tillë huamarrjeje.

Ai vuri në dukje se ribalancimi i dytë i buxhetit shton pikëpyetjet mbi rezultatet e huamarrjes: investimet kapitale po ulen, ndërsa deficiti mbetet i lartë. Sipas tij, në vend që paratë të shkojnë për projekte zhvillimore dhe përmirësimin e standardit, ribalancimi përdoret edhe për të mbuluar mungesat në buxhet./Telegrafi/

të fundit

Tahiraj accuses PDK of hypocrisy over Special Court: you are playing power games

Veprimtari Saim Tahiraj ka kritikuar Partinë Demokratike të Kosovës lidhur me qëndrimet e saj për Gjykatën Speciale, duke e akuzuar…

4 minutes ago

Responsibility for The Hague: former soldier Hafir Hoxha demands accountability from institutions

Ish-ushtaraku Hafir Hoxha ka reaguar lidhur me procesin gjyqësor ndaj krerëve të UÇK-së në Hagë, duke ngritur pikëpyetje për përgjegjësinë…

4 minutes ago

MINTI launches ‘Gift Made in Kosova’ campaign to promote local products

Ministria e Industrisë, Ndërmarrësisë, Tregtisë dhe Inovacionit ka lansuar kampanjën “Dhuro Made in Kosova”, me qëllim të promovimit të produkteve…

4 minutes ago

Protest outside the Ministry of Education/ police form security cordon, prevent road blockage

Këtë të shtunë, studentë dhe qytetarë janë mbledhur në protestë para Ministrisë së Arsimit, në Rrugën e Durrësit, ku kërkojnë…

4 minutes ago

VIDEO/ Driblim elegant dhe përfundim vrastar: sulmuesi i Shqipërisë shpërthen në Turqi

Goli i Taulant SeferitNdërsa po luhet pjesa e dytë e ndeshjes Kayserispor – Sariyer, 3-0, e vlefshme për javën e…

8 minutes ago

Man City ngec ndaj Fulhamit dhe shkon katër ndeshje pa fitore

Manchester City është ndalur me barazim 1-1 ndaj Fulhami në ndeshjen e vlefshme për javën e 11-të në Ligën Premier.Ekipi…

9 minutes ago