Dogana ndalon në Bogorodicë transportin e gjarpërinjve të mbrojtur dhe një hardhuce

Gjatë kontrollit të një automjeti në pikën kufitare të Bogorodicës, zyrtarët doganorë, në bashkëpunim me policinë, gjetën dhe sekuestruan shtatë gjarpërinj të vegjël, mes tyre katër pitonë, si edhe një hardhucë. Automjeti drejtohej nga një shtetas i Kosovës.

Ndër zvarranikët e konstatuar përfshihen kryesisht specie të mbrojtura: dy pitonë „Carpet Spilota”, një „Short-tailed”, një „Bredl’s Carpet”, një gjarpër „Chinese Ring Rat” dhe një „Reticulated Super Dwarf”. Në ngarkesë u gjet edhe gjarpri helmues „Baron Snake”.

Zvarranikët do t’u kalojnë institucioneve përgjegjëse, ndërsa ndaj personit të përfshirë do të ndiqen procedurat e parashikuara.

Drejtoria e Doganave rikujton se transporti i llojeve të mbrojtura rregullohet me kërkesa të posaçme dhe leje të detyrueshme, sipas Konventës për Tregtinë Ndërkombëtare të Llojeve të Rrezikuara të Florës dhe Faunës së Egër (CITES). Hyrja në vend e këtyre llojeve pa dokumentacionin përkatës përbën shkelje të ligjit.