Categories: maqedoni

Dimitrieska-Koçoska: Në buxhet u arkëtuan 170 miliardë denarë, me rritje të të ardhurave dhe zgjerim të investimeve

Gjatë periudhës janar–qershor, në Buxhet janë mbledhur gjithsej 170 miliardë denarë (169,9 miliardë denarë), çka nënkupton një rritje prej 8,6% në raport me të njëjtën periudhë të vitit të kaluar dhe një realizim të planit mbi 45%.

Të lidhura

None found

Në Kuvend, gjatë debatit në komision për ribalancin e Buxhetit për vitin 2026, ministrja e Financave Gordana Dimitrieska‑Koçoska deklaroi në ekspozenë e saj se financat publike mbeten të qëndrueshme, se të ardhurat po ecin në përputhje me pritjet dhe se shpenzimet janë fokusuar te zbatimi i detyrimeve ligjore dhe politikave prioritare për zhvillim.

Sipas saj, pjesa dërrmuese e të ardhurave sigurohet nga aktiviteti i rregullt ekonomik. Të ardhurat tatimore kanë arritur në 96,7 miliardë denarë, ndërsa nga kjo shumë, 43,3 miliardë denarë vijnë nga TVSH, e cila zë rreth 44,7% të totalit të të ardhurave tatimore. Nga tatimi mbi të ardhurat personale janë mbledhur 17,5 miliardë denarë, nga tatimi mbi fitimin 13,8 miliardë denarë, ndërsa nga akcizat janë realizuar 13,9 miliardë denarë.

Të dhënat tregojnë se të ardhurat nga tatimi mbi të ardhurat personale janë rritur me 11,7%, ato nga tatimi mbi fitimin me 14,5%, nga TVSH me 16,4%, si edhe detyrimet doganore të importit kanë shënuar rritje prej 8,3%.

Ministrja theksoi se këto lëvizje janë tregues i vazhdimësisë së aktivitetit ekonomik, i funksionimit të kompanive, i rritjes së pagave dhe i mbledhjes më efikase të të ardhurave, paralelisht me uljen e ekonomisë gri.

Në të njëjtën periudhë, kontributet sociale, si burim thelbësor për financimin e sistemit pensional dhe atij shëndetësor, kanë arritur në 58,8 miliardë denarë, ose 7,5% më shumë krahasuar me vitin e kaluar.

Sa u përket shpenzimeve, realizimi i buxhetit ka arritur në 205,9 miliardë denarë, me fokus në përmbushjen e rregullt të detyrimeve ligjore ndaj qytetarëve dhe ekonomisë.

Për kthimin e mjeteve nga tatimi solidar janë paguar 1,2 miliardë denarë. Për pensione janë alokuar 58,1 miliardë denarë, për shëndetësi 25,5 miliardë denarë dhe për mbrojtje sociale 7,6 miliardë denarë. Ndërkohë, komunave u janë transferuar 15,1 miliardë denarë përmes bllok‑dotacioneve, si edhe 2,4 miliardë denarë shtesë nga TVSH‑ja.

Në gjysmën e parë të vitit, shteti i ka shlyer të gjitha detyrimet ndaj kreditorëve vendorë dhe të huaj. Për interesa janë paguar 12 miliardë denarë, ndërsa për kthimin e principalit 60,7 miliardë denarë, gjë që, sipas ministres, ka rëndësi për ruajtjen e besimit të investitorëve dhe të institucioneve financiare ndërkombëtare.

Ajo nënvizoi se disiplinimi financiar dhe shlyerja e rregullt e detyrimeve vazhdojnë të jenë prioritet.

Shpenzimet kapitale për këtë periudhë kanë arritur në 19,4 miliardë denarë, duke shënuar rritje vjetore prej 53,5%. Këto fonde janë drejtuar për infrastrukturë, shkolla, çerdhe, objekte shëndetësore, energjetikë dhe zhvillim lokal. Për Korridoret 8 dhe 10‑d janë realizuar 6,3 miliardë denarë, ndërsa për projektet infrastrukturore komunale 2,1 miliardë denarë.

të fundit

Tension në Poloni pasi raketa dhe droni rus shkelën hapësirën ajrore, kreu i NATO-s viziton Varshavën të shtunën

Sekretari i Përgjithshëm i NATO-s, Mark Rutte, do të vizitojë Varshavën të shtunën, pas incidentit të fundit me dy raketa…

55 seconds ago

Skënderbeu e nis me gol të shpejtë, Lagonidis shtang Egnatian pas vetëm 2 minutash (VIDEO)

Skënderbeu - EgnatiaSKËNDERBEU 1-0 EGNATIA (Lagonidis 2')“Abissnet Superiore”: Java 12Stadiumi: “Stadiumi Skënderbeu”Arbitër: Olsion Yzeiraj FORMACIONET ZYRTARE:SKËNDERBEU: Dobjani; Amadou, Lagonidis, Shaqe, Shkëmbi,…

6 minutes ago

Pochettino synon t’i marrë Tottenhamit sulmuesin që do të transformojë Manchester Unitedin

Trajneri i ri i Manchester United, Mauricio Pochettino, thuhet se është i gatshëm të rrëmbejë përpjekjen e Tottenham Hotspur për…

11 minutes ago

Njoftimi zyrtar për nisjen e edicionit të ri të Big Brother VIP Albania

Fansat e spektaklit “Big Brother VIP Albania”, me sa duket, nuk do të duhet të presin edhe shumë gjatë për…

14 minutes ago

Shqipëria e Maran lë pas Spanjën dhe Francën në notat e “SofaScore

Mbappe, Muçi dhe YamalShqipëria e mbylli Grupin 1 në Ligën C, Liga e Kombeve, në vendin e parë, e konvertuar…

23 minutes ago

Xavi Espart rinovon me Barcelonën deri në vitin 2030

Mbrojtësi i Barcelonës, Xavi Espart, ka nënshkruar rinovimin e shumëpritur të kontratës deri në vitin 2030.Ndërsa një marrëveshje u konfirmua…

25 minutes ago