Categories: maqedoni

Delegacioni i Komisionit të Venecias viziton Shkupin për ndryshimet në provimin e jurisprudencës

Një delegacion i Komisionit të Venecias do të jetë në Shkup më 26 dhe 27 nëntor, për të analizuar ndryshimet e propozuara në Ligjin për Provimin e Jurisprudencës. Në qendër të shqyrtimit do të jetë mundësia e përdorimit të gjuhëve gjatë zhvillimit të provimit.

Gjatë vizitës dyditore, raportuesit do të zhvillojnë konsultime me institucione, ekspertë dhe studentë, me qëllim mbledhjen e të dhënave dhe argumenteve që do të shërbejnë për hartimin e opinionit juridik.

Të lidhura

None found

Pjesë e delegacionit janë Janneke Gerards nga Holanda, Mārtiņš Mits nga Letonia, Andreas Paulus nga Gjermania dhe eksperti Mattia Zeba. Në programin e tyre përfshihen takime me Ministrinë e Drejtësisë dhe anëtarët e Komisionit për Provimin e Jurisprudencës, si edhe me përfaqësues të shumicës parlamentare dhe opozitës. Përfaqësuesit e dy blloqeve politike do të dëgjohen veçmas, në mënyrë që të gjitha grupet parlamentare të shprehin qëndrimet e tyre.

Raportuesit do të vizitojnë gjithashtu Gjykatën Kushtetuese, Këshillin Gjyqësor, Akademinë për Gjykatës dhe Prokurorë Publikë dhe Odën e Avokatëve. Në axhendë janë parashikuar biseda me Agjencinë për Zbatimin e Gjuhëve, Inspektoratin për Përdorimin e Gjuhës Zyrtare Maqedonase dhe Institutin e Gjuhës Maqedonase “Krste Misirkov”. Takime do të zhvillohen edhe me Avokatin e Popullit dhe Komisionin për Parandalimin dhe Mbrojtjen nga Diskriminimi.

Delegacioni do t’i kushtojë vëmendje të veçantë edhe universiteteve dhe studentëve të drejtësisë. Për këtë qëllim, do të takohet me dekanët dhe përfaqësuesit e studentëve të pesë fakulteteve juridike: Universitetit “Shën Kirili dhe Metodi” në Shkup, Universitetit të Tetovës, Universitetit të Evropës Juglindore, Universitetit Ndërkombëtar Vizion dhe Universitetit Ndërkombëtar Ballkanik. Studentët do të mund të paraqesin drejtpërdrejt shqetësimet dhe argumentet e tyre për organizimin e provimit dhe gjuhën në të cilën zhvillohet ai.

Konsultimet vijnë pas nismës së Ministrisë së Drejtësisë për ndryshimin e legjislacionit, me synimin që pjesa teorike e provimit të jurisprudencës të mund të zhvillohet edhe në gjuhën shqipe. Kjo nismë ka nxitur debat mbi të drejtat gjuhësore, barazinë e kandidatëve dhe ruajtjen e standardeve profesionale në sistemin e drejtësisë.

Gjatë qëndrimit në kryeqytetin maqedonas, përfaqësuesit e Komisionit të Venecias do të takohen edhe me organizata të shoqërisë civile dhe organizata ndërkombëtare. Këto takime do të mbështeten nga Zyra Programore e Këshillit të Evropës në Shkup.

Pas vizitës dhe përfundimit të konsultimeve, Komisioni i Venecias do të vijojë punën për hartimin e opinionit lidhur me ndryshimet e propozuara në ligj.

të fundit

Zgjerohet polemika për punësimet në familjen e Granit Osmanit: Kunati Jusuf Sopi në krye të Radiodifuzionit me pagë rreth 2 mijë euro

Thellohet skandali në familjen e Granit Osmanit, drejtorit të VLEN-it. Pasi vetë është drejtor i Agjencisë për Zbatimin e Gjuhës,…

23 minutes ago

Naser Zyberi mbështet propozimin e VLEN-it për provimin e jurisprudencës në shqip: hap me rëndësi

Naser Zyberi, njëri nga juristët më të njohur shqiptarë në Maqedoninë e Veriut, i cili ishte pjesë e delegacionit të…

24 minutes ago

The “Balluku” case goes to trial / Andi Bushati: SPAK backed down to avoid causing trouble for Rama

Analisti Andi Bushati, i ftuar në emisionin “Të Paekspozuarit” në Vizion Plus, deklaroi se me hetimet për Ballukun, SPAK e…

6 hours ago

Be men, tell us why you expelled them!” Hoxha debates Klosi over the expulsion of Spiropali and Ndreca

Gazetari Artan Hoxha debatoi në emisionin “Të Paekspozuarit” në Vizion Plus me sekretarin e Përgjithshëm të PS-së, Blendi Klosi për…

6 hours ago

Norway rejects Moscow’s claims to dictate NATO’s movements

Ministri norvegjez i Jashtëm tha se Rusia nuk mund të ketë të drejtë vetoje mbi aktivitetet ushtarake të NATO-s, as…

6 hours ago

Ship carrying 3,400 tonnes of gas capsizes in the Black Sea; entire crew rescued

Një anije transportuese gazi është përmbysur në Detin e Zi, pranë brigjeve të Bullgarisë, pasi dyshohet se është goditur nga…

7 hours ago