Categories: maqedoni

BDI kërkon përgjigje pas katër muajsh për humbjen 19,3 milionë euro në MEPSO dhe hetimet e institucioneve

BDI deklaron se kanë kaluar gati katër muaj prej kur e denoncuan publikisht rastin e MEPSO-s dhe kërkuan llogari nga drejtori Burim Latifi.

Të lidhura

None found

Sipas kësaj partie, MEPSO ka humbur në procedurën paraarbitrale pranë DAB-it një shumë prej rreth 19,3 milionë eurosh, me vendim në favor të kompanisë së mëparshme “Energoinvest”. Rasti tashmë pritet të kalojë në arbitrazh, ku ndërmarrja shtetërore do të duhet t’i mbrojë qëndrimet dhe kërkesat e saj, pas epilogut negativ në fazën paraprake.

Në të njëjtën periudhë, sipas BDI-së, MEPSO ka nënshkruar një kontratë të re në vlerë milionëshe me konsorciumin e drejtuar nga “Dalekovod”, ku përfshihen edhe “Kodar Energomontaža” nga Beogradi dhe “Elnos BL” nga Banja Luka. Për këtë të fundit, thonë nga BDI, në opinion janë paraqitur pretendime për lidhje të afërta me qarqe të ndërlidhura me Milorad Dodikun.

“Për këtë arsye shtrojmë publikisht pyetjen: përse VLEN-i po lejon që një tjetër pjesë strategjike e sektorit të energjisë të lidhet me kompani nga Serbia dhe Republika Serpska, në kohën kur qytetarët po bartin pasojat financiare të vendimeve të drejtuesve të tyre? Kush vendosi të ndërpritet kontrata e mëparshme, kush e analizoi rrezikun financiar dhe juridik dhe kush do të përgjigjet nëse shteti pëson dëme shtesë në arbitrazh?”, deklarojnë nga BDI.

Partia opozitare kërkon gjithashtu përgjigje nga Prokuroria Publike dhe Komisioni Shtetëror për Parandalimin e Korrupsionit. Sipas tyre, kërkesa për hetimin e rastit është bërë publikisht katër muaj më parë, ndërsa opinioni duhet të informohet nëse është formuar lëndë, çfarë hapash janë ndërmarrë dhe nëse po hetohen kontratat, vendimet dhe përgjegjësia e mundshme për dëmin financiar.

“Burim Latifi mund të zgjedhë të heshtë, por kundërkërkesat prej 19,3 milionë eurosh të rrëzuara në procedurën paraarbitrale, si edhe kontrata e re milionëshe me një konsorcium ku janë kompani nga Beogradi dhe Banja Luka, nuk mund të kalojnë në heshtje”, thonë nga BDI.

Tags: BDIMEPSO

të fundit

New details from the suspicious death of the 38-year-old on the Skopje ring road – what was found on his body?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

37 minutes ago

How much the price of electricity is expected to rise from January 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

37 minutes ago

Detaje të reja nga vdekja e dyshimtë e 38-vjeçarit në unazën e Shkupit – çfarë u konstatua në trupin e tij?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

51 minutes ago

Sa pritet të rritet çmimi i energjisë elektrike nga janari 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

51 minutes ago

Pronari i Milanit sinjalizon interes për yllin e Real Madridit: “Ndër më të mirët në botë, ndoshta më i miri

Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…

7 hours ago

According to Wall Street Journal, Kim Jong Un is expanding North Korea’s nuclear capabilities – what satellite images revealed

Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…

7 hours ago