Bastisje në Veles dhe rrethinë, sekuestrohen armë e municion, përfundojnë në ndalim dy persona

Në Veles, më 17.06.2026 në orën 03:20, zyrtarë policorë nga SPB Veles arrestuan G.A. (49), banues në këtë qytet. Gjatë kontrollit të kryer me urdhër gjykate në shtëpinë e tij dhe në objektet ndihmëse, policia gjeti dhe konfiskoi një pistoletë të tipit “Zastava”, një karikator me 13 fishekë pa dokumentacionin e nevojshëm, si edhe një shumë të konsiderueshme parash.

Më herët, në SPB Veles ishte raportuar se G.A. për një periudhë të caktuar kishte ushtruar keqtrajtim ndaj vajzës së tij, i kishte ndaluar asaj të dilte nga shtëpia dhe se mbante armë në posedim.

Me vendim gjykate, kontroll u zhvillua edhe në një shtëpi pushimi në fshatin Kapinovë, në komunën e Çashkës, pronë e babait të tij S.A. (74) nga Velesi. Në këtë lokacion u zbuluan dhe u sekuestruan dy pistoleta, 71 fishekë, pesë patronë dhe një kondak druri me rrip, gjithashtu pa dokumentacionin përkatës. Pas kësaj, edhe S.A. u privua nga liria.

G.A. dhe S.A. janë mbajtur në stacion policor. Për rastin është informuar prokurori publik, ndërsa pas sqarimit dhe dokumentimit të plotë të ngjarjes, ndaj tyre do të ngrihen kallëzimet përkatëse.