Categories: maqedoni

ASK-ja zbulon rrjetin propagandistik pro-rus në Maqedoni, dyshohet për përhapje të materialeve raciste dhe ksenofobike

Agjencia për Siguri Kombëtare (ASK), së bashku me Ministrinë e Punëve të Brendshme (MPB) dhe Prokurorinë Themelore Publike (PTHP), ka nisur veprime për identifikimin dhe ndalimin e një rrjeti propagandistik në Maqedoni. Sipas ASK-së, ky rrjet ndjek një agjendë destruktive dhe keqdashëse, që synon të ndikojë në debatin publik në përputhje me interesa të huaja.

Të lidhura

None found

Në kuadër të hetimeve është përfshirë një shtetas maqedonas, i cili dyshohet se ka lidhje me struktura të huaja që kanë krijuar një aparat propagandistik dhe një grup portalesh të pranishme në hapësirën mediatike të vendit. Në banesën e tij është zhvilluar kontroll, gjatë të cilit janë gjetur dhe sekuestruar prova që tani po i nënshtrohen ekspertizës së mëtejshme.

Autoritetet vlerësojnë se personat që qëndrojnë pas këtij rrjeti, i cili vepron në funksion të interesave ruse, fshihen pas pseudo-portaleve të klonuara me domene maqedonase. Nëpërmjet tyre publikohen lajme të rreme dhe dezinformata, ndërsa ngjarjet aktuale paraqiten përmes narrativave të ndryshuara, duke dëmtuar besimin te institucionet dhe duke nxitur urrejtje e intolerancë etnike dhe kombëtare, raporton “TV21”.

ASK-ja bëri të ditur se aksioni i përbashkët me MPB-në dhe PTHP-në u zhvillua më 18.09.2026, kur u ndërmorën masa hetimore ndaj shtetasit maqedonas të lidhur me krijuesit e këtij aparati propagandistik. Veprimet janë ndërmarrë për shkak të dyshimeve se ai mund të ketë kryer vepra penale që lidhen me ndikimin e paligjshëm në diskursin publik.

Dyshimet përfshijnë veprat penale “Shkaktimi i urrejtjes, përçarjes dhe jotolerancës kombëtare, racore dhe fetare”, të parashikuar në nenin 319 të Kodit Penal, “Zbulimi i sekretit zyrtar”, sipas nenit 360, si dhe “Përhapja e materialeve raciste dhe ksenofobike përmes sistemit kompjuterik”, sipas nenit 394-g të Kodit Penal.

Agjencia deklaron se veprimtaria e këtij rrjeti është pjesë e aktiviteteve hibride proruse të evidentuara edhe më herët. Në një rast të mëparshëm, ndaj një shtetasi maqedonas të lidhur me këto struktura ishte paraqitur kallëzim penal për veprën “Përhapja e materialeve raciste dhe ksenofobike përmes sistemit kompjuterik”, bazuar në nenin 394-g të Kodit Penal.

ASK-ja njofton se do të vijojë punën për zbulimin dhe parandalimin e veprimeve subversive dhe propagandistike që kryhen përmes portaleve të lidhura me struktura politike rajonale proruse. Sipas agjencisë, këto aktivitete synojnë të dëmtojnë drejtpërdrejt proceset strategjike të integrimit evropian të vendit.

të fundit

Alarm në Turqi! Të gjithë në pritje të Ernest Muçit pas supergolit me Kombëtaren

Supergoli i Ernest Muçit ndaj Finlandës ka bërë xhiron e rrjetit dhe ka kthyer në vëmendje edhe me fanellën e…

6 minutes ago

SHBA synon të kufizojë pajisjet optike kineze në qendrat e të dhënave, kundërshtojnë Google, Amazon dhe Meta

Administrata amerikane po avancon me një nismë për të kufizuar importin e modeleve të reja kineze të transmetuesve optikë, pajisje…

9 minutes ago

Meta vë në provë aplikacionin “Direct”, mesazhet në Instagram mund të përdoren edhe pa llogari

Kompania Meta ka nisur testimin e një aplikacioni të ri të quajtur Direct, i cili synon të veçojë komunikimin me…

9 minutes ago

Fadil Fazliu lirohet pas vendimit të Hagës, mesazhi i të birit: Idealet nuk mposhten nga burgu

Gjykata Speciale në Hagë ka dënuar Fadil Fazliun me 12 muaj burgim në rastin që lidhet me pengimin e drejtësisë.…

9 minutes ago

Limaj kërkon reagim institucional pas dënimit të Hashim Thaçit në Hagë

Kryetari i Nismës Socialdemokrate, Fatmir Limaj, ka reaguar pas aktgjykimit të Gjykatës Speciale në Hagë ndaj ish-presidentit Hashim Thaçi, duke…

9 minutes ago

Erion Veliaj kërkoi shtyrjen e seancës në GJKKO, Prokurori Ols Dado: Kryebashkiaku ka kërkuar leje të marrë pjesë në evente të tjera, në gjyq thotë s’vij dot

Prokurori i SPAK, Ols Dado, ka deklaruar se sipas informacionit që disponon institucioni, gjendja shëndetësore e kryebashkiakut të Tiranës Erion…

13 minutes ago