Lideri i Bashkimit Demokratik për Integrim, Ali Ahmeti, u takua sot me ambasadoren e Mbretërisë së Holandës, Özlem Canel.
None found
Sipas BDI-së, biseda u përqendrua te nevoja që vendi të rikthehet sa më shpejt në drejtimin që mundëson vijimin e procesit të anëtarësimit në Bashkimin Evropian.
Ahmeti vlerësoi se zvarritja e mëtejshme e integrimit e largon vendin nga e ardhmja evropiane, dobëson institucionet dhe shton pasigurinë në rrafshin politik, ekonomik dhe shoqëror.
Një tjetër çështje e ngritur prej tij ishte shqetësimi serioz për goditjet e vazhdueshme ndaj Marrëveshjes së Ohrit dhe arritjeve që sigurojnë barazinë, kohezionin ndëretnik dhe stabilitetin e vendit.
Kreu i BDI-së deklaroi se kjo marrëveshje përbën bazën e paqes dhe të funksionimit demokratik të shtetit, duke paralajmëruar se cenimi i saj ndikon drejtpërdrejt në stabilitetin e përgjithshëm dhe në raportet ndëretnike.
Në takim u trajtuan gjithashtu zhvillimet e fundit politike, sundimi i ligjit, çështjet e sigurisë dhe sfidat me të cilat përballet rajoni. Ahmeti theksoi se partnerët ndërkombëtarë duhet ta dëgjojnë qartë alarmin për situatën në vend.
“Integrimi evropian dhe Marrëveshja e Ohrit përbëjnë dy bazat ku mbështeten demokracia, qëndrueshmëria dhe e ardhmja e vendit”, deklaroi Ahmeti.
Gjykata Themelore në Prishtinë ka caktuar një muaj paraburgim ndaj Gani Gecit, i dyshuar për veprën penale të kanosjes. Sipas…
Dukagjini dhe Vushtrria takohen në kuadër të javës së nëntë të Superligës së Kosovës, në një përballje ku dy ekipet…
Aleanca Kombëtare për Integrim (AKI) në Tetovë ka akuzuar pushtetin komunal se po tenton të privatizojë stacionin e zjarrfikësve përmes…
MPB-ja dhe FBI-ja kanë realizuar një operacion të përbashkët kundër krimit kibernetik, duke zbuluar administratorin e platformës ilegale “OLVX“, përmes…
Zhvillime të reja në protestën që po zhvillohet në Tiranë, ku protestuesit, me thirrjet “Ta djegim Parlamentin”, kanë lënë Rrugën…
Mikel Merino ka deklaruar se synimi i Arsenalit këtë sezon është të fitojë çdo trofe të mundshëm, duke besuar se…