Tifozat e Kombëtares të përcarë? Flet tifozi që çmendi europianët. Sërish incidente?

Sabina Mete, Bledar Kuka dhe Besmir Lumani këtë të enjte ishin në programin “Abc e Pasdites” me Ermal Peçi, ku diskutuan për tifozerinë në stadiume, festimet dhe incidentet që ndodhin. Në ndeshjen shqipëri-Poloni ndodhi po ashtu incident mes tifozëve, për të cilën gazetrja tha se ishte incident i provokuar nga tifozët polak.

“Ka pasur një provokim si fillim nga tifozët polak. Por kjo nuk e justifikon absolutisht atë skemë të shëmtuar që ne pamë. Nuk jemi për të gjetur fajtorin, këto janë incidente dhe probleme që ndodhin kudo”, tha Sabina.

Ndalur tek ngjarja mes tifozeve shqiptar dhe atyre polak, Sabina nënvizoi se kishte një mungëse organizmi, pasi tifozët u lejuan që të futen me shishe uji. Këto të fundit, sipas saj gjendeshin edhe brenda në ambjentet e stadiumit ku edhe shiteshin.

“Nuk lejoheshin sende metalike, çelësa, bidona uji, as çakmakë. Mesa kemi parë gjithandej, edhe në denoncime te ndryshme në faqe jo fitimprurëse; kemi parë teksa denoncojnë që brenda ambjenteve të stadiumit janë shitur shishe uji. Këtu kemi problem organizative”, shtoi gazetarja.

Gazetari i Abc News Bledar Kuka theksoi se sa herë ka ndeshje kombëtarja grupi gjithmonë ndodh që ka incidente.

“Duke u zhvilluar shqipëria, unë mendoj që në të ardhmen mund të kemi dhe më teprë shfaqje dhunë se ne të kaluarën. Tifozeria ka anën e bukur të organizimit, por kuptiohet por janë edhe më të gatshëm për t’u përplasur”, pohoi Bledi.

Besmiri po ashtu pohoi se tifozet shqiptar u provokuan nga tifozët polakë, madje këto të fundit u treguan dinak sepse e panë që ishte një ndeshje shumë e fortë.

“Mendoj që lojëtarët e polonisë luajtën një rol tepër dinak, të cilët e panë që ndeshjen nuk do ta fitonin aq lehtë dhe pas shënimit të golit e bën atë gjest me qëllim për ta provokuar publikun që të ndërpritet ndeshja”.

Ai shtoi se kush e ndjek futbollin dhe tifozerinë është një atmosferë që nuk kanë kombësi. Megjithatë i dhemb që ndonjëherë tifozët janë të ndarë.

“Mua më dhëmb çdo herë kur i shoh të ndarë në staduime grupimet. Sepse dikush individ nga çdo grup mund të arrijnë shumë gjëra, por nëse bëhemi bashkë i arrijmë të gjitha”, tha Besmiri.