Studiuesit rrëzojnë mitin, të ecësh nuk ju rrit jetëgjatësinë

Nëse jeni një nga ata që duhet të përmbushni me çdo kusht objektivin e 10 mijë hapave në ditë, për të ruajtur shëndetin tuaj, ka një lajm të mirë.

Hulumtimi i publikuar në revistën “JAMA Netvork Open” zbulon se nuk është e nevojshme të ecësh kaq shumë çdo ditë.

Ata sugjerojnë se ecja vetëm 8.000 hapa një ose dy herë në javë mund të jetë e mjaftueshme për të zvogëluar rrezikun e vdekjes.

“Për personat që nuk arrijnë të ushtrojnë rregullisht për shkak të punës apo detyrimeve familjare, ecja është ideale, për të ruajtur shëndetin”, tha autori i studimit Dr. Kosuke Inoue.

Ja çfarë duhet të dini për numrin e hapave që duhet të ndërmerrni çdo ditë për të përmirësuar shëndetin tuaj:

Ajo që studiuesit zbuluan ishte se njerëzit që bënin 8000 ose më shumë hapa në ditë një ose dy herë në javë kishin shkallë më të ulët të vdekjes gati sa ata që bënin të njëjtin numër hapash çdo ditë. Me fjalë të tjera, ata zbuluan se njerëzit që bënin 8,000 hapa një deri në dy ditë në javë kishin një rrezik 15% më të ulët për të vdekur gjatë 10 viteve të ardhshme, ndërsa njerëzit që arritën pikën 8,000 hapa tre deri në shtatë ditë në javë kishin 16, 5% rrezik më të ulët.

“Studimi ynë sugjeron se ecja, edhe disa herë në javë, ka përfitime të rëndësishme shëndetësore. Çelësi është të lëvizësh. Nëse jeni këmbëngulës, numri i hapave që mund të bëni do të rritet me kalimin e kohës.”

Si ndikon numri i hapave në shëndetin tuaj?

Numërimi i hapave është bërë i zakonshëm për njerëzit që përpiqen të përmirësojnë shëndetin e tyre. Hulumtimet kanë treguar se është shumë më tepër sesa thjesht një frazë e përdorur nga entuziastët e fitnesit – numri i hapave që ndërmerrni në fakt mund të ketë një ndikim të madh në shëndetin dhe mirëqenien tuaj të përgjithshme.

Sa hapa duhet të bëjmë në ditë për të qëndruar të shëndetshëm?

Studimi tregon gjithashtu se ecja vetëm është e dobishme, ndërsa shpejtësia me të cilën ecim nuk është e rëndësishme.

Disa studime kanë shqyrtuar lidhjen midis numrit të hapave dhe rrezikut të demencës, kancerit dhe sëmundjeve kardiovaskulare.

“Edhe 2000 hapa në ditë mund të zvogëlojnë rrezikun e vdekjes së parakohshme me pothuajse 10% sipas një studimi të JAMA Internal Medicine”, thotë kardiologu Bradley Server.

“Një studim i Neurologjisë JAMA që shqyrtoi më shumë se 78,000 pacientë të moshës 40 deri në 79 vjeç, të cilët mbanin pedometra dore, zbuloi se ata që ishin në gjendje të bënin gati 10,000 hapa në ditë kishin një rrezik dukshëm më të ulët të demencës sesa grupmosha e tyre, tha Dr. Server.

Ecja e rregullt zvogëlon rrezikun e: sëmundjeve kardiovaskulare, diabetit, obezitetit dhe shtypjes së lartë.