Studimi që s’duam ta pranojmë: Macet duan personat që “s’ja varin shumë”

Një studim i ri ka konfirmuar diçka që mund ta kemi ditur gjithmonë si të vërtetë, por kurrë nuk kemi dashur ta pranojmë.

Macet në fakt kënaqen duke qenë rreth njerëzve që “nuk i duan” ato. Studimi zbuloi se kur macet janë rreth njerëzve që thjesht i tolerojnë, atyre u jepet kontrolli dhe pavarësia që kërkojnë.

Shkencëtarët e sjelljes së kafshëve në Universitetin Nottingham Trent dhe Universitetin e Nottingham anketuan 120 njerëz dhe matën ndërveprimet midis secilës mace dhe njeriut.

Ata vlerësuan se sa rehat ishte macja, si sillej personi dhe cilat sjellje u pëlqenin më shumë maceve.

Shkencëtarët zbuluan se njerëzit që jetonin (ose kishin jetuar) me mace ishin të prirur që të shqetësoheshin dhe t’i falnin dashuri maceve të tyre më shumë se sa u pëlqente maceve.

Macet treguan më tepër dashuri kundrejt pjesëmarrësve të cilët u kushtuan atyre vëmendje “pasive” dhe u ofruan “prekje minimale”.

Pra, mbase kjo është gjëja më e mirë. Nuk është se macja juaj nuk ju do, por ndoshta ajo thjesht ka nevojë për hapësirën e saj!

Kur bëhet fjalë për dashurinë, macja e preferon atë sipas kushteve të saj!