Si ndikojnë temperaturat e larta në shëndetin mendor?

Fakti është se nxehtësia e lodh trupin dhe ju duhet kohë për t’u rikuperuar më pas. Përveç ndikimit të madh në shëndetin fizik, temperaturat tepër të larta ndikojnë edhe në psikikën në disa mënyra.

Nervozizmi, ankthi, mendimet depresive, mbingarkesa janë vetëm disa nga gjërat që ndodhin gjatë periudhës së verës. Një studim i fundit i kryer në Holandë tregoi se depresioni, trishtimi dhe nervozizmi janë më të shpeshtat në verë, shkruan albeu.com.

Nga djersitja, për shkak të nxehtësisë, trupi nxjerr shumë lëngje dhe kripë. Humbja e natriumit nuk është një problem serioz sepse kjo kripë është zakonisht e pranishme në trup në një sasi të madhe, por kur ka humbje të kaliumit, magnezit dhe litiumit, problemet mund të bëhen serioze. Pastaj sistemi i reaksioneve kimike në organizëm është i shqetësuar, kështu që ka ndryshime në nivelin psikologjik dhe ndryshime në sjellje.

Vera rrit nervozizmin

Edhe pse shumica e njerëzve janë në humor më të mirë kur vjen pranvera, pas një dimri të gjatë dhe të ftohtë, për shkak të diellit, gjelbërimit dhe ngrohtësisë, kur vera vjen me vapë të madhe , shfaqet një nervozizëm i shtuar. Në verë, për shkak të temperaturave të larta, ne bëhemi më negativë dhe të trishtuar, thonë shkencëtarët holandezë.

Stina më e nxehtë e vitit shkakton emocione të stuhishme dhe nervozizëm tek shumë njerëz, gjë që shpjegohet me faktin se vapa nxit agresionin. Përveç temperaturës dhe intensitetit të rrezatimit diellor, disponimi ynë ndikohet edhe nga lagështia e ajrit. Kur lagështia është shumë e lartë, ne bëhemi më të përgjumur, më të lodhur dhe e kemi të vështirë të përqendrohemi.

Temperaturat mbi 33 gradë Celsius më së shumti ndikojnë:

1. Sjellja e njerëzve – konfliktet janë më të shpeshta, kemi më pak durim dhe gjërat e zakonshme si pritja në radhë të çojnë në nervozizëm dhe agresivitet.

2. Motivimi – shkaktojnë inat, prandaj puna është e vështirë, sidomos nëse është e natyrës fizike dhe bëhet jashtë.

Temperaturat mbi 40 gradë inkurajojnë:

1. Nervozizëm

1. Agresiviteti

Pagjumësia, djersitja, humbja e përqendrimit, rraskapitja, konsumimi i pijeve alkoolike ndikojnë në gjendjen e keqe mendore gjatë vapës ekstreme. ./albeu.com/