Shpenzime të tepërta për kremra dhe serume? Zbuloni a mjafton vetëm uji për fytyrën

Në kërkim të një lëkure me shkëlqim, mund të përfundojmë duke blerë qindra produkte për kujdesin e lëkurës, pastrues, hidratues, maska, vajra. Megjithatë, ne zhgënjehemi shumë kur një krem ​​për të cilin kishim kaq shumë shpresa, shkatërron plotësisht lëkurën tonë. Por, ka një “produkt” që mund ta përdorni pa frikë: uji.

Ja pse jo gjithmonë shumë produkte bukurie rezultojnë në lëkurë të shëndetshme.

1. Keni lëkurë të lëmuar

Pastruesit mund të jenë shkaku i lëkurës së thatë. Ata i heqin lëkurës vajrat e saj natyralë, duke e lënë të thatë dhe ndonjëherë të keni kruarje. Në të tilla raste, mund të jetë më mirë të lini mënjanë pastruesin për ca kohë dhe të përdorni vetëm ujë për larje.

2. Do të keni më pak puçrra

Ju mund të mendoni se pastruesit ju ndihmojnë të zvogëloni yndyrën në fytyrën tuaj, është interesante që në fakt bën pikërisht të kundërtën. Kur lëkura juaj është e dehidratuar, ajo automatikisht prodhon më shumë vaj. Si pasojë, lëkura juaj shpërthen dhe poret tuaja zgjerohen. Në të kundërt, thuhet se uji i ftohtë redukton prodhimin e sebumit (vajit) dhe madje redukton inflamacionin.

3. Lëkura juaj do të duket më e re

Uji i ftohtë tonifikon lëkurën tuaj dhe ngadalëson procesin e plakjes. Sigurohuni që të mos përdorni ujë të nxehtë pasi mund të dëmtojë lëkurën tuaj dhe të shkaktojë më shumë probleme. Sapunët dhe pastruesit që janë përgjithësisht alkaline (pH midis 9-11) gërryejnë lëkurën tuaj dhe çojnë në humbjen e elasticitetit, në fund përfundoni me rrudha.

4. Nuk keni reaksione alergjike

Mund të jetë një sfidë e vërtetë gjetja e pastruesit të duhur për lëkura të ndjeshme dhe të prirura ndaj alergjive. Ekziston vetëm një mënyrë për të zbuluar nëse ju përshtatet, duke e testuar në lëkurën tuaj. Disa pastrues mund të shkaktojnë djegie kimike dhe reaksione alergjike, ndërkohë që uji nuk shkakton asnjë nga këto.

5. Lëkura juaj pushon

Grimi dhe produkte të tjera bukurie mund të kenë një ndikim negativ në lëkurën tuaj dhe të përkeqësojnë çdo gjendje ekzistuese. Kur kaloni në ujë, ju e lejoni lëkurën tuaj të pushojë dhe të bëjë punën e saj pa ndonjë ndihmë të jashtme nga kremrat ose hidratuesit.