A mund ta imagjinoni se si ishte jeta pa teknologjinë e sotme që është kaq e nevojshme për gjërat bazike që bëni çdo ditë?
Të lidhura
None found
Epo sigurisht mund të jetë paksa e vështirë, por jo për të gjithë, shkruan lajmi.net. Prindërit dhe gjyshërit sigurisht e mbajnë mend kohën kur nuk kishte telefona dhe videolojra, por as ata nuk mund ta imagjinojnë jetën para shpikjeve bazike si p.sh. frigoriferi.
Si ja kanë dalë më parë të ruajnë ushqimin pa pajisjet elektronike?
Frigoriferi i parë është shpikur në vitin 1913. Në zonat më të ftohta, njerëzit e kishin shumë më të lehtë sepse mund ta ngrinin ushqimin që ta ruanin për përdorim të më vonshëm, sidomos gjatë dimrit.
Ndërsa vendet më të nxehta zakonisht e linin ushqimin të thahet në diell që të mund ta përdorin edhe më vonë.
Një prej metodave më të avancuara vjen nga Persia, dhe u shpik rreth vitit 400 para erës sonë, shkruan lajmi.net. Ruajta e ushqimit bëhej në disa struktura të quajtura Yakhchal, që ishin ndërtesa të bëra nga tullat dhe balta, dhe në to ruhej akull i mbledhur gjatë dimrit.
Edhe në ditët e nxehta të verës, akulli mbetej i ngritë brenda sepse muret ishin deri në 2 metra të trasha.
Ndërsa gjatë mesjetës, njerëzit shpesh e konservonin mishin, pra në krip, ose e thanin në tym. Gjithashtu edhe drithërat thaheshin, ndërsa perimet ruheshin në formë të turshive.
Ky ushqim ruhej në vende më të ftohta, si p.sh. në qilarë ose shpella.
Rreth fundit të shekullit 19, njerëzit i mbanin ushqimet e tyre në kuti të mbushura me akull. Këto kuti ishin të punuara nga druri dhe të izoluara me zink ose alumin.
Në vitin 1930, njerëzit veçse filluan me përdorimin e frigoriferëve, dhe që atëherë është bërë një teknologji vazhdimisht në rritje.