Rregulli 4-2-4: Sekreti i japonezëve për një fytyrë pa pore dhe imperfeksione

Arritja e një lëkure të shëndetshme dhe të pastër kërkon kohë dhe japonezët krijuan ritualin e tyre se si të duken dhe të shpëtojnë nga problematikat e lëkurës. Teknika zgjat 10 minuta dhe ka 3 hapa kryesorë që mund ta bëjnë fytyrën tuaj të shkëlqejë.

Metoda 4-2-4 është një sistem i veçantë i ndarë në faza sipas kohës.

Ju filloni duke larë fytyrën me vaj për 4 minuta.

Vetëm pas kësaj mund të përdorni një pastrues kremoz për 2 minuta.

Dhe hapi i fundit është shpëlarja për 4 minuta.

Një specialist thotë se nëse përdorni këtë metodë pastrimi, nuk keni nevojë të lani fytyrën në mëngjes, vetëm natën. Plus, nuk keni pse ta bëni çdo ditë. Mjaftojnë 4 herë në javë.

-Faza e vajit ka për qëllim të përmirësojë qarkullimin duke masazhuar lëkurën për 4 minuta. Ju gjithashtu zbutni atë shtresë të sipërme dhe ndihmoni në lirimin e poreve të bllokuara. Është e rëndësishme të zgjidhni vajin e duhur që i përshtatet fytyrës suaj.

Dhe nëse keni fytyrë me yndyrë duhet të flisni me dermatologen tuaj sepse ndoshta nuk ju lejohet të përdorni vajin si pastrues.

-Pasi të keni masazhuar fytyrën, vendosni pak pastrues shkumë ose kremoz sipër vajit. Specialistët thonë se ata preferojnë pastruesit e kremrave në vend të llojeve të shkumës ose xhelit sepse nuk e thajnë lëkurën aq shumë. Pastroni fytyrën tuaj për 2 minuta me lëvizje të buta që të mos e dëmtoni atë.

-Filloni me ujë të ngrohtë për 2 minuta, pastaj përfundoni me ujë të ftohtë për 2 minuta të tjera. Uji i ngrohtë mund të ndihmojë për të shpëlarë vajin e tepërt nga lëkura juaj dhe për të rritur rrjedhjen e gjakut në sipërfaqe.

Uji i ftohtë mund të ndihmojë në zvogëlimin e poreve. Kjo teknikë ndihmon për të hidratuar lëkurën në mënyrë që pas procedurës, fytyra juaj të duket me shkëlqim.