Para apo pas mëngjesit? Kur duhet të lahen dhëmbët sipas ekspertëve

Larja e dhëmbëve është thelbësore, por jo shumë njerëz e dinë që larja e tyre shumë shpesh mund të dëmtojë smaltin tuaj. Ose që vendosja e një kapaku në furçën tuaj të dhëmbëve është në të vërtetë një ide e keqe.

Ka gjëra të vogla që bëjmë çdo ditë dhe që në të vërtetë nuk i bëjnë mirë higjienës sonë të dhëmbëve. Ndër të tjera, ka shumë debate nëse duhet t’i lani para ose pas vaktit më të rëndësishëm të ditës: mëngjesin.

Në mënyrë që të mbajnë një rutinë, shumë njerëz caktojnë një kohë specifike për të larë dhëmbët e tyre çdo ditë, më e zakonshmja është larja çdo mëngjes pas zgjimit dhe çdo natë para gjumit. Por a duhet të lahen para apo pas mëngjesit?

Shoqata Amerikane e stomatologjisë pohon se duhet t’i lani dhëmbët gjithmonë përpara se të konsumoni mëngjesin.

Kur flini, bakteret në gojën tuaj shumëfishohen. Po këto baktere janë përgjegjëse për pllakat dhe kjo është arsyeja pse ju gjithmonë zgjoheni me një shije të keqe në gojën tuaj dhe erën e keqe të gojës. Nëse lani dhëmbët menjëherë pas zgjimit, dhëmbët tuaj marrin një shtresë fluori para se të hani, diçka që ju ndihmon të shmangni këtë pllakë dhe bakteret nga marrja e ushqimit të mëngjesit që do të hani.

Pse nuk duhet ti lani dhëmbët pas mëngjesit?
Shoqata nuk rekomandon të lani dhëmbët për të paktën 30 minuta pasi sapo keni konsumuar diçka që ka acid pasi larja e dhëmbëve pas konsumimit të ushqimit mund të ndikojë në smaltin e tyre dhe kjo është arsyeja pse sugjerohet që larja para mëngjesit është më e mirë.

Nëse larja e dhëmbëve pas ngrënies përshtatet më mirë me rutinën tuaj, të paktën sigurohuni të ndiqni disa këshilla nga Shoqata amerikane e stomatologjisë në mënyrë që të ruani shëndetin tuaj dentar dhe oral:

Prisni 30 minutash deri në një orë pasi të keni ngrënë para se ti lani.

Për të pastruar dhëmbët dhe për të pasur një shije më të mirë në gojën tuaj, pini një gotë ujë ose hani çamçakëz pa sheqer.

Kini kujdes me ushqimet dhe pijet acidike (bukë, ëmbëlsira, fruta të thata, agrume dhe lëng portokalli) dhe nëse i konsumoni gjatë mëngjesit, sigurohuni që të prisni edhe pak para se të lani dhëmbët.