Nëse jeni mbi 40 vjeç dhe zgjoheni në mëngjes të djersitur, duhet të shqetësoheni për këto 3 sëmundje

Nëse jeni mbi 40 vjeç dhe vëreni që çarçafët janë qull kur zgjoheni ose pëllëmba e dorës është gjithmonë e djersitur, edhe kur nuk jeni në diell, mos mendoni që është faji i kondicionerit apo jorganit të trashë që keni hedhur sipër, madje mos i injoroni këto dy situata pasi mund të jeni duke vuajtur nga ndonjë problematikë shëndetësore.

Për shembull mund të jeni duke hyrë edhe në fazën e perimenopauzës, duke qenë se gratë fillojnë të përjetojnë afshe të nxehta gjatë të 40-ave për shkak të ndryshimeve hormonale. Por përtej kësaj, tre janë gjendjet që mund të shpjegojnë djersitjen e tepërt:

1. Vuani nga diabeti

Niveli i ulët i sheqerit në gjak (hipoglicemia) është një nga shkaktarët më të zakonshëm të djersitjes tek grate pas moshës 40 vjeç. Nëse nuk kryeni mjaftueshëm aktivitet fizik dhe keni fituar shumë peshë rreth belit, gjasat janë më të larta për zhvillimin e diabetit të tipit 2 – pa përmendur faktin se të qenët mbipeshë bën që njerëzit të djersinë më shumë.

2. Keni probleme me gjumin

Çrregullimet e gjumit shkaktojnë gjithashtu djersitje të tepërt gjatë natës. Djersitja e tepërt është një simptomë e zakonshme e apnesë së gjumit, që shkakton bllokim të rrugëve të frymëmarrjes kur flini. Sipas statistikave kjo gjendje është e përhapur si tek meshkujt dhe tek femrat, megjithatë këto të fundit janë më të rrezikuara prej saj pas të 40-ve.

3. Tiroidja është jashtë kontrollit

Hipertiroidizmi (ose një tiroide tepër aktive) përshpejton metabolizmin dhe mund të shkaktojë rënie në peshë, çrregullim të rrahjeve të zemrës dhe djersitje të tepërt. Çrregullimet e tiroides që nisin kur gratë janë rreth 40 vjeç mund të shkaktojnë simptoma të ngjashme me ato të menopauzës, madje mund të përshpejtojnë edhe kalimin në fazën e menopauzës.