Të bërit make up është kthyer në një rutinë të përditshme të shumë femrave. Është një ritual që na bën të ndihemi mirë fizikisht, i jep tjetër shprehi fytyrës sonë, por edhe emocionalisht. Por në botën e të bukurës qarkullojnë mite të cilat shpeshherë në bëjnë të ngremë dyshime rreth asaj që po bëjmë. Zbuloni cilat janë mitet më false në botën e kozmetikës.
- Buzëkuqi i kuq nuk u shkon të gjithave: Ky është një mit fals. Të gjitha femrat mund të përdorin buzëkuq, mjafton të zgjidhni nuancën e duhur.
- Vetullat duhet të jenë dy tone më të errëta sesa flokët: Ky rregull vlen vetëm për ato femra që kanë flokë në ngjyrë mjalti ose krem karameli. Femrat brune duhet të shmangin vetullat shumë të errëta pasi i bëjnë të duken më të egra në fytyrë.
- Buzët tuaja do të duken më të plota nëse i mbikonturoni disa herë me laps buzësh: Mbikonturimi me laps buzësh i bën buzët të duken shumë artificiale. Provoni të aplikoni fondatinë ose shkëlqyes buzësh në zonën që njihet si harku i Kupidit të buzës. Buzët tuaja do të duken më të plota dhe shumë sensuale.
- Nuk keni përse t’i lani furçat e make up-it nëse i përdoni vetëm ju: Pavarësisht ‘’pronares’’ së ligjshme ose jo të furçave të make up-it , ju duhet t’i lani ato. Përdorimi i gjatë në kohë dhe kontakti me lëkurën bën që të akumulojnë shumë baktere. Ju mund t’i lani me ujë dhe sapun të lëngshëm që i përshtatet pH-t të lëkurës suaj. Një mënyrë shumë ekonomike është dhe larja tradicionale me ujë të vakët dhe të verdhe veze.
- Produktet kozmetike nuk skadojnë kurrë: Kjo është mëse e gabuar. Edhe produktet kozmetike ‘’vdesin’’ një ditë. Prandaj mundohuni të ripërtërini herë pas here çantën tuaj të bukurisë dhe të hidhni produktet që mbani prej kohësh.
Këto janë disa nga kohëzgjatjet e përdorimit të një produkti kozmetik :
- Pluhurat (tonet, tonet e vetullave) 2 vjet
- Korrektori 12-18 muaj
- Rimeli 3 muaj
- Lapsi i vetullave 2 vjet
- Toni i mollëzave 12-18 muaj
- Buzëkuqi/lapsat e buzëve 1 vit
- Fondatina 1 vit
- Kremi poshtë fondatinës 18 muaj
Lajme të ngjashme:
Nëse jeni të pakënaqur me formën e vetullave tuaja, me siguri jeni duke bërë diçka të gabuar gjatë mirëmbajtjes së tyre. Shikoni 8 gabimet e zakonshme që bëjnë femrat gjatë heqjes së vetullave dhe zbuloni se ku jeni duke gabuar. Shumë shpesh i hiqni vetullat Të heqësh vetullat çdShumë o…
Janë disa ushqime që i kemi ngritur në piedestal dhe disa të tjera të cilave u kemi rënë në qafë kot. Këto 3 mite që ju ende i besoni mbi ushqimin e shëndetshëm, duhet t'i hidhni në 'plehra'. Eliminimi i karbohidrateve ju bën më të shëndetshëm - Keni dëgjuar për…
Vetullat vendosin standarde bukurie dhe kanë një ndikim shumë të madh në estetikën e njerëzve. Ndikojnë shumë tek pamja e njeriut dhe ato mund të bëjnë atë të duket më bukur apo më shëmtuar. Ato duhet të mbahen në mënyrë natyrale duke i lënë të plota dhe të trasha. Kjo…