“Instagram” sjell risi të reja, çfarë pritet të ndodhë me story-t

“Instagram” pritet që shumë shpejt të ndryshojë veçorinë e ndarjes së lidhjeve në InstaStory. Deri tani të drejtën mbi shpërndarjen e “link-eve” në story e kanë pasur llogaritë e verifikuara apo ato që kanë mbi 10 mijë ndjekës në këtë rrjet social. Mësohet se tani po testohet për të gjithë përdoruesit.

Nga drejtuesit kryesorë të “Instagram” po thuhet se do të ketë monitorim të vazhdueshëm nëse përdoruesit po shpërndajnë mashtrime apo lajme të rreme dhe se shpërndarja e lidhjeve do të jetë e limituar vetëm tek “Story-t”.

Është thënë po ashtu nuk është në plan që kjo veçori të bëhet edhe për postimet normale në çfarëdo hapësire tjetër të aplikacionit.

Kujtojmë se para pak kohësh kompanitë e rrjeteve sociale, Facebook dhe Instagram njoftuan se po planifikojnë që të lejojnë përdoruesit të fshehin pëlqimet në një postim. Të dyja platformat do t’i lejojnë përdoruesit të shmangin plotësisht butonin like (pëlqej) ose thjesht t’i mbajnë shifrat e pëlqimeve për vete, tha shefi i Instagram-it, Adam Mosseri.

“Njerëzve do t’ju mundësohet të vendosin nëse dëshirojnë t’i bëjnë publike pëlqimet apo jo”, tha Mosseri në një konferencë pë media, raporton AFP.

Ai tha se pret që publikuesit e rinj të kundërshtojnë më shumë këtë masë, pasi ata zakonisht përpiqen të rrisin popullaritetin e tyre, duke treguar se sa njerëz i pëlqejnë postimet e tyre.

Instagram e ka testuar këtë opsion që shumë kohë.

“Më 2019, ne u lejuam një grup njerëzish që të fshehin pëlqimet, për të kuptuar nëse kjo zvogëlon disa presione kur poston në Instagram”, tha një zëdhënës i Facebook-ut, për AFP në muajin prill.

“Disa njerëz e panë si të dobishme, por disa ende dëshironin që të mund të gjurmonin kush është i famshëm”, tha Facebook, që ka në pronësi edhe rrjetin Instagram.