Shefi i Politikës së Jashtme të BE-së, Josep Borrell, i cili ka folur në emër të Bashkimit Evropian, ka këmbëngulur se zgjedhjet në Rusi nuk ishin “të lira dhe të drejta” duke theksuar se nuk kishte opozitë të vërtetë dhe nuk kishte as vëzhgues ndërkombëtarë të pranishëm.

“Këto zgjedhje janë bazuar në represion dhe frikë”, ka theksuar Borrelli.

Ai tha se zgjedhjet presidenciale të mbajtura në Rusi më 15-17 mars u zhvilluan në një mjedis shumë të kufizuar të përkeqësuar edhe nga lufta e paligjshme e agresionit të Rusisë kundër Ukrainës.

The post BE reagon pas fitores se Putinit: Zgjedhjet nuk ishin të lira dhe demokratike appeared first on Albeu.com.

Një tjetër sondazh nga anketuesi FOM tregoi se Putin fitoi 87.8% . Rezultatet e para zyrtare treguan se sondazhet ishin të sakta. Putin ishte kundër tre kandidatëve nga partitë që nuk e kanë kritikuar sundimin e tij dhe as pushtimin e tij në Ukrainë.

Qytetarë të shumtë rusë u rreshtuan pranë qendrave të votimit nëpër gjithë Rusinë për aksionin “Mesdita kundër Putinit”, një protestë kundër zgjedhjeve presidenciale. Një numër i madh i rusëve, të cilët nuk duan që Putini të vazhdojë të jetë në pushtet, shkuan te qendrat e votimit në të njëjtën kohë në mesditë, disa prej të cilëve edhe ndërmorën hapa për t’i prishur fletëvotimet e tyre.

Dhjetëra njerëz janë arrestuar në gjithë vendin gjatë votimit që u zhvillua nën masa të rrepta sigurie. Rusia pretendoi se Ukraina, të cilën e akuzoi se kreu një valë sulmesh ajrore që arritën deri në Moskë, u përpoq ta pengojë procesin zgjedhor.

Fitorja e Putinit në këto zgjedhje është pothuajse e sigurt, meqë kundërshtarët e tij janë në burgje, në mërgim apo të vdekur. Lufta e pamëshirshme, që i ka shtypur mediat e pavarura dhe grupet për të drejtat e njeriut, nisi para se Moska të fillonte pushtimin e Ukrainës në shkurt 2022, por ajo është bërë edhe më e ashpër prej atëherë.

Protestat u shoqëruan nga një prani e madhe e policisë dhe nga kërcënimi me dënime të rënda me burg për ata të cilët shihen si pengues të procesit të votimit.

Për ditën e fundit të zgjedhjeve, autoritetet ruse u përgatitën për protesta të pazakonta në mesditë në qendrat e votimit, dhe paralajmëruan se ata që e pengojnë procesin e votimit do të përballen me dënime të rënda me burg.

The post Dita e fundit e zgjedhjeve presidenciale në Rusi, 87.97% e njerëzve në zonat e numëruara votuan për Putinin appeared first on Albeu.com.

“Putin i sëmurë nga pushteti”, kështu është shprehur presidenti ukrainas, ndërsa ka theksuar se zgjedhjet në Rusi nuk janë legjitime.

Ai gjithashtu shton se Putin duhet të jetë në gjyq në Hagë.

“Nuk ka legjitimitet dhe nuk mund të ketë në këto zgjedhje. Putin është i sëmurë nga pushteti. Por ky person duhet të jetë në gjyq në Hagë dhe ne do të sigurohemi për këtë”, ka thënë mes të tjerash Zelensky.

Votimi tani është mbyllur në të gjithë Rusinë, por rusët që jetojnë jashtë vendit do të vazhdojnë të votojnë në ambasadat e vendit të tyre deri në orën 20:00 me orën lokale. BBC shkruan se sondazhet paraprake po i japin Vladimir Putin një fitore dërrmuese të parashikueshme.

The post Zgjedhjet presidenciale në Rusi, Zelensky për Putin: Është i sëmurë nga pushteti, duhet të ishte në Hagë! appeared first on Albeu.com.

Ministria e Jashtme ruse gjithashtu ka akuzuar Kievin për rritjen e aktiviteteve terroriste gjatë zgjedhjeve presidenciale ruse, duke pretenduar se kjo bëhet për të siguruar më shumë ndihmë dhe armë nga Perëndimi.

Në një deklaratë, ministria tha: Është e qartë se regjimi i korruptuar në Kiev ka intensifikuar aktivitetet e tij terroriste në lidhje me zgjedhjet presidenciale të vazhdueshme në Rusi, në mënyrë që të demonstrojë aktivitetin e tij te mbajtësit e tij perëndimorë dhe të lutet për më shumë ndihmë financiare dhe armë vdekjeprurëse.

Aktivitetet në qendrat e votimit kanë shkaktuar përçarje, ndërsa rusët votojnë për një president të ri, për të cilin lideri aktual Vladimir Putin është pothuajse i sigurt se do të fitojë. Putin u zotua të ndëshkojë Ukrainën për ato që ai i quajti përpjekje për të ndërhyrë në procesin zgjedhor rus.

The post Putin akuzon Ukrainën për hedhjen e predhave në qendrën e votimit appeared first on Albeu.com.

Komisioni tha se ka pasur “gabime në dokumentet” e dorëzuara nga Yekaterina Duntsova, ish-gazetare dhe këshilltare komunale, e cila ka bërë fushatë “për paqe dhe procese demokratike”, raportuan mediat ruese.

Shefja e Komisionit, Ella Pamfilova, tha se anëtarët e komisionit, në mënyrë unanime refuzuan aplikimin e Duntsovas për garim në zgjedhje, të cilat pritet që presidenti Vladimir Putin t’i fitojë me lehtësi.

Komisioni tha se Duntsova nuk mund të kalojë në fazën e re për të mbledhur nënshkrimet e mijëra mbështetësve të saj.

Pamfilova i tha asaj: “Jeni grua e re, keni gjithçka para vetes”.

Duntsova, 40 vjeçe, kishte dorëzuar dokumentet për pjesëmarrje në zgjedhjet e marsit si kandidate e pavarur.

Pamfilova tha të shtunën se 29 persona deri më tani kanë aplikuar për të garuar në zgjedhjet presidenciale.

Moska për vite me radhë ua ka mohuar pjesëmarrjen në zgjedhje dhe në jetën politike figurave opozitare, shtypje që është intensifikuar pasi Kremlini urdhëroi dërgimin e trupave në Ukrainë në fillim të vitit 2022.

The post Rusia nuk e lejon kandidaten e pavarur të marrë pjesë në zgjedhje: Jeni grua e re, keni gjithçka para vetes appeared first on Albeu.com.

Megjithatë, zëdhënësi i Kremlinit Dmitry Peskov, i pyetur për publikimin, tha se presidenti rus nuk ka bërë asnjë njoftim nëse do të kandidojë për një mandat të ri dhe se ende nuk është njoftuar se do të zhvillojë një fushatë zgjedhore.

“Presidenti nuk ka bërë asnjë njoftim” për këtë, tha Peskov.

“Dhe fushata ende nuk është shpallur zyrtarisht ,” tha ai.

Putin, i cili mori detyrën nga Boris Yeltsin në ditën e fundit të vitit 1999, ka shërbyer tashmë si president më gjatë se çdo lider tjetër rus që nga Joseph Stalin, madje duke tejkaluar mandatin 18-vjeçar të Leonid Brezhnev.

Putini mbushi 71 vjeç më 7 tetor.

Burimet, të cilët folën për Reuters në kushte anonimiteti për shkak të ndjeshmërisë së çështjeve që rrethojnë politikën e Kremlinit, thanë se lajmet për vendimin e Putinit kishin filluar të dilnin nga lart dhe se këshilltarët e tij tani po përgatiteshin për fushatën dhe (rizgjedhjen e tij).

Për Putinin, i cili sondazhet tregojnë se gëzon një vlerësim prej 80% brenda Rusisë, zgjedhjet janë një formalitet pasi ai është kandidat me mbështetjen e shtetit, medias shtetërore dhe pothuajse asnjë mospajtim publik në skenën kryesore politike, është e sigurt që do të fitojë.

“Vendimi është marrë, ai do të jetë kandidat ,” tha një nga burimet.

Një burim tjetër i njohur me mendimin e Kremlinit konfirmoi se vendimi është marrë dhe se këshilltarët e Putinit po përgatiten për pjesëmarrjen e tij në zgjedhje. Tre burime të tjera thanë se vendimi është marrë: Putin do të kandidojë.

“Bota që ne shohim është shumë e rrezikshme”, tha një nga burimet.

Një burim i huaj diplomatik, i cili gjithashtu kërkoi anonimitetin, tha se Putini e mori vendimin kohët e fundit dhe se njoftimi do të bëhet së shpejti.

Ndërsa shumë diplomatë të huaj, spiunë dhe zyrtarë thonë se presin që Putini të mbetet në pushtet për gjithë jetën, deri më tani nuk ka pasur një konfirmim specifik të planeve të tij për të kandiduar në zgjedhjet presidenciale të marsit 2024.

Zëdhënësi i Kremlinit Dmitry Peskov tha në shtator se nëse Putin vendos të kandidojë, atëherë askush nuk do të mund të kandidojë kundër tij.

Kremlini ka hedhur poshtë raportet se Putini nuk është mirë, si dhe dezinformatat e përhapura nga Perëndimi./albeu.com

The post Putin nuk heq dorë! 71-vjeçari dëshiron të qëndrojë në pushtet deri në vitin 2030 appeared first on Albeu.com.

Të hënën ndërsa janë numëruar 98% e votave, Komisioni Qendror i Zgjedhjeve tha se “Rusia e Bashkuar” kishte fituar rreth 50 për qind të votave dhe se e dyta pas saj renditej, “Partia Komuniste”, me rreth 20 për qind të votave. Në zgjedhjet e fundit, ato të 2016, “Rusia e Bashkuar” fitoi 54 për qind të votave.

Bazuar në rezultatin e zgjedhjeve “Rusia e Bashkuar” pritet të ketë më shumë se dy të tretat e deputetëve në dhomën e ulët të parlamentit me 450 vende, që njihet si Duma Shtetërore. Kjo do t’i japë asaj mundësi të miratojë çdo ligj pa pasur nevojë të mbështetet tek partitë e tjera.

Kremlini e përshëndeti rezultatin, duke thënë se “Rusia e Bashkuar”, për themelimin e së cilës ka ndihmuar vetë zoti Putin, kishte vërtetuar rolin e saj si parti kryesore. Zgjedhjet, sipas Kremlinit, kishin qenë konkurruese, të hapura e të ndershme.

“Komunistët kanë përmirësuar rezultatin e tyre dhe ka parti të reja që kanë përparuar gjithashtu”, tha zëdhënësi i Kremlinit Dmitry Peskov, i cili vlerësoi mënyrën se si ishin zhvilluar zgjedhjet.

Kritikët e Kremlinit flasin për manipulim në shkallë të gjerë të votave. Ata thanë se zgjedhjet ishin një mashtrim dhe se sistemi elektronik i ri i votimit që u zbatua në këtë proces, ishte përdorur për të penguar kundërshtarët e “Rusisë së Bashkuar” që të fitonin në Moskë.

Disa komunistë me qendër në Moskë, të cilët mendojnë se pati manipulime, bënë thirrje për një protestë në kryeqytetin rus të hënën në mbrëmje. Sheshi qendror ku ata thanë se do të mbahej protesta u mbyll nga policia të hënën pasdite.

Autoritetet elektorale thanë se kishin anuluar rezultatet e atyre qendrave të votimit ku kishte patur parregullsi të dukshme dhe se procesi përgjithësisht kishte qenë i rregullt.

Aleatët e kritikut të Kremlinit Aleksei Navalny kishin organizuar një fushatë taktike votimi të ideuar për të ulur mbështetjen ndaj “Rusisë së Bashkuar”, popullariteti i së cilës është më i ulët se dikur për shkak të një përkeqësimi të standardeve të jetesës. Autoritetet u përpoqën të bllokojnë të ashtuquajturën nisma për votim inteligjent në internet.

Rezultati i zgjedhjeve nuk ka gjasa të ndryshojë terrenin politik, në kushtet kur zoti Putin, i cili ka qenë në pushtet në pozitat e presidentit apo kryeministrit që nga viti 1999, vazhdon të jetë dominues para zgjedhjeve të ardhshme presidenciale që mbahen në vitin 2024. Zoti Putin nuk e ka bërë ende të ditur nëse do të kandidojë.

Në një reagim të tij Departamenti amerikan i Shtetit tha se zgjedhjet në Rusi u zhvilluan në kushte jo të favorshme për të qenë të lira dhe të drejta. Uashingtoni tha se përdorimi nga qeveria ruse i ligjeve sikurse ai për “organizatat ekstremiste”, “agjentët e huaj” dhe “organizatat e padëshiruara”, kufizuan tej mase pluralizmin politik dhe nuk lejuan që populli rus të ushtrojë të drejtat e tij civile e politike./VOA

The post Partia pro-Putinit fiton shumicën në zgjedhje. Rivalët: Manipulime të gjera appeared first on Albeu.com.

Rusët vazhduan votimet të dielën përmes mënyrave të ndryshme në ditën e fundit të zgjedhjeve tre-ditore për parlamentin e vendit.

Punonjësit e një spitali në qytetin Nizhny Novgorod ishin në gjendje të votonin në mjediset e punës. Grigory Vlasov është shef i departamentit të terapisë me rrezatim.

“Mjekët dhe infermierët shpesh punojnë ditë e natë ose deri në mbrëmje vonë. Ata nuk kanë gjithmonë mundësinë të shkojnë tek një qendër votimi. Kemi krijuar këtë mundësi për të votuar shpejt dhe në kushte të rehatshme pa ndërprerë procesin e punës ”.

Në një qendër votimi në Yekaterinburg votuesit gjithashtu ishin në gjendje të vaksinoheshin kundër COVID-19.

Zgjedhjet shihen gjerësisht si pjesë e rëndësishme e përpjekjeve të Presidentit Vladimir Putin për të forcuar kontrollin përpara zgjedhjeve presidencialeve të vitit 2024, në të cilat kontrolli i Dumës, ose parlamentit, do të jetë kyç.

Edhe pse sondazhet tregojnë se mbështeja është e ulët për partinë Rusia e Bashkuar e zotit Putin, partia në pushtet pritet të sigurojë një fitore dërrmuese./VOA

The post Zgjedhje “alla Putin”, rusët votojnë për parlamentin e vendit appeared first on Albeu.com.

Zgjedhjet parlamentare dhe lokale në vendin më të madh në botë, të shtrirë në 11 zona kohore, filluan në orën 8 të mëngjesit të së premtes. Kështu, ndërsa moskovitët përgatiteshin për të shkuar në shtrat, banorët e rajoneve të Lindjes së Largët, Chukotka dhe Kamchatka, po përgatiteshin për të hedhur votën e tyre.

“Shkojmë”, tha Ella Pamfilova, shefe e Komisionit Qendror të Zgjedhjeve, në një paraqitje të drejtpërdrejtë. “Jemi shumë të emocionuar”, tha ajo.

Periudha para zgjedhjeve parlamentare u shoqërua nga një goditje e paparë ndaj kritikëve të Kremlinit dhe mediave të pavarura, me armikun kryesor të presidentit Vladimir Putin, Alexey Navalny të burgosur në janar dhe organizatën e tij të shpallur të jashtëligjshme.

Me shumë votues të frustruar nga rënia e të ardhurave të cilët nuk planifikojnë të hedhin votën e tyre, presidenti Putin u kërkoi rusëve të zgjedhin një parlament “të fortë”.

“Unë llogaris në pozicionin tuaj qytetar të përgjegjshëm, të drejtpeshuar dhe patriotik”, tha presidenti rus në një fjalim televiziv.

Udhëheqësi 68-vjeçar rus aktualisht është i izoluar pasi Kremlini njoftoi këtë javë për një shpërthim të rasteve të koronavirusit në rrethin e tij të ngushtë. Ai tha të enjten se “dhjetëra” dolën pozitiv në testet për koronavirusin.

Në një mesazh nga burgu, zoti Navalny u bëri thirrje rusëve të lënë mënjanë apatinë dhe të votojnë për të lënë jashtë pushtetit kandidatët pro-Kremlinit.

“A nuk jeni të interesuar të provoni?” tha ai në një mesazh të postuar në Instagram, duke shtuar se edhe në burg ai mbetet optimist dhe u bëri thirrje rusëve të bëjnë të njëjtën gjë.

“Unë me të vërtetë nuk mendoj që nuk mund të ndryshoj asgjë”, tha 45-vjeçari, i cili mezi i mbijetoi një helmimi me agjentë nervorë, për të cilin ai ka fajësuar Kremlinin.

Aleatëve të politikanit opozitar u është ndaluar kandidimi dhe ekipi i tij ka vënë në zbatim strategjinë për Votim të Zgjuar – një projekt i krijuar për të mbështetur kandidatët që kanë më shumë gjasa të mposhtin kandidatët e Rusisë së Bashkuar të presidentit Putin.

Shumica e 225 kandidatëve të emëruar nga aleatët e zotit Navalny, po konkurrojnë në listën e Partisë Komuniste.

Rregullatori i mediave ka bllokuar dhjetëra faqe në internet të lidhura me zotin Navalny, përfshirë edhe faqen e “Votimit te Zgjuar” si dhe ka ushtruar trysni mbi kompanitë Google dhe Apple për të hequr aplikacionin e zotit Navalny.

Zëdhënësja e ministrisë së Jashtme, Maria Zakharova, tha se projektuesit e aplikacionit të zotit Navalny kanë lidhje me Pentagonin, dhe javën e kaluar Moska thirri ambasadorin amerikan John Sullivan në konsultime lidhur me pohimet për ndërhyrjen e gjigantëve të teknologjisë informative amerikane në zgjedhjet ruse.

Anketat e fundit të kryera nga agjencia shtetërore, VTsIOM, treguan që më pak se 30 për qind e rusëve që planifikonin të votonin për partinë në pushtet, nga 40 në 45 për qind në javët përpara zgjedhjeve të fundit parlamentare të vitit 2016.

Por, Rusia e Bashkuar, pritet të ruajë shumicën e dy të tretave të saj në Duma, shumicë e mjaftueshme për të ndryshuar kushtetutën, siç bëri vitin e kaluar me reformat që i lejuan Putinit të zgjasë sundimin e tij deri në vitin 2036.

Votimi po mbahet online por edhe me prani fizike, në një veprim që zyrtarët thanë se synon të kufizojë ekspozimin e mundshëm të votuesve ndaj koronavirusit.

Opozita thotë se votimi për disa ditë me radhë u jep zyrtarëve mundësi më të mëdha për të sajuar rezultatet.

Organizata për Siguri dhe Bashkëpunim në Evropë, tha në muajin gusht se nuk do të dërgonte vëzhgues për zgjedhjet parlamentare në Rusi, meqë Moska vendosi të kufizojë numrin e vëzhguesve.

Përveç Rusisë së Bashkuar, 13 parti të tjera po marrin pjesë në zgjedhje.

Më shumë se 108 milionë qytetarë kanë të drejtë të votojnë në Rusi dhe 2 milionë rusë të tjerë, mund të votojnë jashtë vendit. Në votime mund të marrin pjesë edhe ata që kanë pasaporta ruse në dy rajonet e trazuara të Ukrainës./VOA

The post Rusia mban zgjedhjet parlamentare pas shtypjes së pashembullt të opozitës appeared first on Albeu.com.