zgjedhjet ne Maqedonine e Veriut Archives - Albeu.com

Dha dorëheqjen, kush pritet ta zëvendësojë Zoran Zaevin?

admin — Mon, 01 Nov 2021 18:11:51 +0000

Kush mund ta zëvendësojë Zoran Zaev në qeveri dhe kush në parti?

Përmenden disa emra në qeveri si pasardhës të mundshëm, duke përfshirë ministrin e Brendshëm Oliver Spasovski, ministrin e Shëndetësisë Venko Filipçe dhe zëvendëskryeministrin për Çështje Ekonomike Fatmir Bytyçi.

Fitorja e Maksim Dimitrievskit, i cili si kandidat i pavarur ishte kundërshtar i kandidatit të LSDM-së në Kumanovë, konsiderohet si disfatë jo vetëm e kundërshtarit të tij Oliver Ilievski, por edhe e Oliver Spasovskit, gjë që i zvogëlon dukshëm shanset e tij, shkruan Veçer i Shkupit.

Portali i gazetës së Shkupit shkruan se pas zjarrit në qendrën e COVID-it në Tetovë, ku u dogjën 14 persona, rejtingu dhe besueshmëria e Venko Filipçe, papritur ra, gjë që dobëson pozitën e tij si pasardhës i mundshëm i Zaevit.

Zgjedhja e Bytyçit, i cili është pjesë e lidershipit të lartë partiak të LSDM-së, do të reflektonte, thonë ata, multietnicitetin e partisë, por atij i mungon përvoja e gjatë dhe lidhjet e forta me strukturën partiake.

Veçer i përmend Sanja Lukarevskën dhe zëvendëskryeministrin Ljupço Nikolovski si zgjidhjen e fundit të mundshme për postin e kryeministrit.

Partia, thonë ata, është e kënaqur me punën që ka kryer Lukarevska si drejtoreshë e Drejtorisë së të hyrave publike, por pyetja është nëse kjo do të ishte më mirë për pozitën udhëheqëse në Qeveri apo për postin e kryeministrit.

Nikolovski, shtojnë ata, suksesin më të madh në parti e ka arritur me ardhjen e Zaevit në krye të LSDM-së, kur u bë shef i kabinetit dhe njeri me besim të madh, ndaj vlerësohet se shanset e tij janë mjaft solide./NOA/

The post Dha dorëheqjen, kush pritet ta zëvendësojë Zoran Zaevin? appeared first on Albeu.com.

“I fiku” karrierën Zaevit, kush është kryebashkiakja e re e Shkupit?

admin — Mon, 01 Nov 2021 17:32:45 +0000

Kandidatja Danela Arsevska, arriti të fitojë bindshëm ditën e djeshme në Shkup përballë kundërshtarit të LSDM-së.

Që kur Maqedonia e Veriut ka fituar pavarësinë, do të jetë hera e parë që kryeqytetin do e drejtojë një kryetare grua.

Arsovska arriti që në raundin e dytë të zgjedhjeve lokale të fitojë kundër kandidatit Petre Shilegovit.

Kjo fitore shkaktoi edhe dorëheqjen e kryeministrit Zoran Zaev, pasi LSDM humbi Shkupin dhe një celulë tjetër të Ohrit, Manastirin dhe Đevđ.

42-vjeçarja Danela Arsovska, ishte e mbështetur nga partia opozitare e krahut të djathtë VMRO-DPMNE (e cila fitoi 20 komuna) dhe partnerët e saj shqiptarë “Aleanca për Shqiptarët” dhe Besa.

Arsovska është anëtare e Këshillit Nacional për Integrime Evropiane dhe dikur ishte kryetarja e parë grua e Odës Ekonomike të Maqedonisë. Juristja dhe ekonomistja e re, përveçse në Maqedoni, ka studiuar në Oksford dhe në Universitetin e Sheffield-it dhe ka një karrierë mbresëlënëse ndërkombëtare. Që nga viti 2016 ajo është anëtare e komisionit ICSID të Bankës Botërore në Uashington, ndërsa nga viti 2017 në Gjenevë./albeu.com/

The post “I fiku” karrierën Zaevit, kush është kryebashkiakja e re e Shkupit? appeared first on Albeu.com.

Zgjedhjet në Maqedoninë e Veriut, Sherifi: “Pazari” për Tetovën, për të shpëtuar qeverinë (VIDEO)

E B — Mon, 18 Oct 2021 20:53:32 +0000

Zgjedhjet lokale në Kosovë dhe Maqedoni në dielën ishin në fokus të emisionit “LOG” sonte në “ABC”. Opozita maqedonase “VMRO-DPMNE” ka fituar 19 komuna, “LSDM” 9, 3 BDI ndërsa Partia Demokratike Turke (TDP) një. Pedagogu Idaver Sherifi me origjinë nga Kumanova, njohës i mirë i zhvillimeve politike në Maqedoni u shpreh se zgjedhjet e së dielës prodhuan një rritje të “BDI”-së dhe opozitës maqedonase, ndërsa “LSDM”-ja dhe opozita shqiptare kanë pësuar një rënie.

“Në fakt nuk është se ka ndonjë surprizë të madhe. Pavarësisht se unë, mbroj idenë që “BDI” është partia kryesore që ka nevojë për një reformim, rezultatet tregojnë të kundërtën. Ne kemi një fitore dhe rritje të votave të “BDI”-së dhe rritje të opozitës maqedonase dhe rënie të “LSDM”-së dhe opozita shqiptare një rënie, kanë 23-24 mijë vota më pak. “BDI” ka një rritje të lehtë të votave” tha ai.

Balotazhi pritet që të sjellë një përballje të fortë në raundin tjetër. Pedagogu Idaver Sherifi u shpreh se beteja kryesore do të bëhet për Tetovën, të cilën e shikon kombinim me Gostivarin duke folur për një “pazar” të madh që mund të bëhet për të mos prishur qeverinë.

View this post on Instagram

A post shared by ABC News Albania (@abcnewsal)

“Beteja kryesore kam përshtypjen se do të bëhet për Tetovën, unë e shikoj si kombinim të rezultatit për Gostivarin. Do të ketë një “pazar” të madh. Dy kandidatët që janë në balotazh në Tetovë, “BDI” dhe “BESA” janë pjesë e koalicionit qeverisës me “LSDM”. “BESA” ka 4 deputetë, “LSDM” duhet të mbështesë njërin prej tyre, që janë në garë. “LSDM” është element përcaktues. Kemi Gostivarin ku zoti Taravari prin nga “Aleanca për Shqiptarët” me një diferenca nga “BDI” dhe kam përshtypjen që “BDI” do të përdorë të gjitha mekanizmat ndoshta duke rrezikuar edhe Tetovën me synimin për të marrë Gostivarin.

Nëse teorikisht në aspektin matematik i del llogaria për të marrë Gostivarin unë mendoj se “BDI” do të sakrifikojë Tetovën nëse i nevojitet. Për të mos prishur edhe qeverinë, pasi në rast prishjes së këtyre balancave mes “BESES”, “LSDM”-së dhe “BDI”-së mund të çojë në zgjedhje. Mendoj se gjithë lufta do të bëhet rreth Tetovës dhe kombinimet dhe “pazaret” do të bëhen rreth kësaj komune” tha ai.

Rënien e “LSDM”-së, Sherifi ia faturon politikës qendrore, pasi sipas tij pasi populli nuk është i kënaqur. “Në Kumanovë kemi një situatë tjetër, “LSDM” është në balotazh si e dyta, por i pari është ish-kryetari që ka qenë nga “LSDM”. Kemi në balotazh dy persona me vota të majta dhe përcaktuese ndoshta do të jetë “VRMO” dhe shqiptarët nuk e di sa të fuqishëm që do të jenë. Por rënia e “LSDM”-së është e ndjeshme. Do të mundohet të fitojë Shkupin me votat e shqiptarëve” tha ai. / abcneës.al

The post Zgjedhjet në Maqedoninë e Veriut, Sherifi: “Pazari” për Tetovën, për të shpëtuar qeverinë (VIDEO) appeared first on Albeu.com.

Zaev: Qytetarët po kërkojnë mobilizimin tonë

E B — Mon, 18 Oct 2021 17:51:22 +0000

Kryeministri i Maqedonisë së Veriut dhe kryetari i LSDM-së, Zoran Zaev njoftoi sonte se qytetarët kërkojnë mobilizimin e partisë.

“Njerëzit duan të shohin rezultate më të mira, por përkundrazi, e keqja kërcënon. Ne jemi lufta kundër së keqes. Të gjithë ne, secili prej nesh. Qytetarët po kërkojnë mobilizimin tonë dhe ata do të marrin mobilizimin tonë”, tha Zaev.

Më tej, Zaev njoftoi se ata po hyjnë në raundin e dytë dhe po luftojnë për çdo qytet.

“Unifikimi është më i rëndësishmi tani”, theksoi Zaev.

Nga të zgjedhurit në raundin e parë, OBRM-PDUKM ka më së shumti kryetarë komunash – 21 kryetarë, ndërsa LSDM ka nëntë, BDI ka tre dhe DPTM ka një.

The post Zaev: Qytetarët po kërkojnë mobilizimin tonë appeared first on Albeu.com.

Zgjedhjet në Maqedoninë e Veriut, 32 komuna tashmë me kryetar, 42 komuna do të ketë raund të dytë më 31 tetor! Fiton opozita maqedonase

admin — Mon, 18 Oct 2021 11:12:53 +0000

Në Maqedoninë e Veriut dje u zhvilluan zgjedhjet lokale për të zgjedhur krerët e komunave. Sipas rezultateve paraprakle në 32 komuna tashmë janë zgjedhur kryetarët ndërkohët që ndërsa në 42 komuna do të ketë raund të dytë më 31 tetor.

Në raundin e parë janë zgjedhur kryetarët e komunave në Bogdanc, Berovë, Bosillovë, Vallandovë, Veles, Vinicë, Gazi Babë, Butel, Gradsko, Dellçevë, Zërnoc, Dojran, Ilinden, Jegunoc, Kavadar, Kriva Pallankë, Krivogashtan, Karbinc, Krushevë, Likovë, Mogillë, Negotinë, Novaci, Petrovec, Pllasnicë, Prilep, Saraj, Sveti Nikollë, Sopisht, Strumicë, Qendër Zhupë dhe Shtip.

Deri më tani, VMRO-DPMNE-ja ka fituar 19 kryetar komunash, LSDM 9 kryetarë komunash, BDI 3 ndërsa Partia Demokratike Turke (TDP) 1.

The post Zgjedhjet në Maqedoninë e Veriut, 32 komuna tashmë me kryetar, 42 komuna do të ketë raund të dytë më 31 tetor! Fiton opozita maqedonase appeared first on Albeu.com.

5 ditë nga zgjedhjet lokale në Maqedoninë e Veriut, kandidatët ashpërsojnë retorikën

E B — Tue, 12 Oct 2021 09:00:55 +0000

Më pak se një javë deri në zgjedhje, partitë dhe kandidatët për kryetarë i vazhdojnë aktivitetet parazgjedhore në përpjekje t’i fitojnë votat e qytetarëve. Në premtimet parazgjedhore me transport falas, asfaltim të rrugëve, rikonstruktime dhe ndërtim të kopshteve, shkollave, sallave sportive, ndërsa paralajmërohet edhe zhvillimi i turizmit eko dhe rural, digjitalizim të shërbimeve që i ofrojnë komunat dhe transparencë të plotë ndaj qytetarëve.

Lideri i LSDM-së, Zoran Zaev në tubimin e mbrëmshëm qendror në Karposh tha se udhëheqësia e VMRO-DPMNE-së është vendosur si armik i brendshëm i Republikës së Maqedonisë së Veriut dhe popullit. Dhe derisa kjo parti nuk reformohet- asnjëherë nuk do të lejojmë të kthehet në pushtet. Ndërsa ne vazhdojmë bashkë me ju përpara, me më të mirën.

“Përcaktimet e tyre për ‘të ardhme të re’ nuk janë gjë tjetër veçse dëshirë e kotë për pushtet, për kthimin e regjimit të vjetër në të cilën ata do të vjedhin, ndërsa të tjerët do të përgjigjen. Nuk janë shumë larg ato ngjarje nga regjimi i Gruevskit në të cilat ishin pjesë edhe Hristijan Mickoski dhe Aleksandar Nikollovski: për mendim të lirë burgosën gazetarë dhe mbyllën media, rrahën studentë, larguan nga puna; zhvatnin kompani, ndërsa atyre që nuk e lejuan këtë – ju vendosën dry dyerve, inskenonin konflikte ndëretnike, minuan bashkëjetesën dhe e mbajtën shtetin në izolim, që të mund të vidhnin miliona para të popullit për veten. Gënjyen për ndonjë federalizim dhe kantonizim, për kinse ndonjë tradhti me Marrëveshjen e Prespës ose Marrëveshjen për Fqinjësi të Mirë me Bullgarinë. Edhe sot janë kreatorët kryesorë të lajmeve të rreme të cilët minojnë përparimin e Republikës së Maqedonisë së Veriut”, tha Zaevi.

Bashkimi Demokratik për Integrim ka vazhduar sot tubimet zgjedhore në Komunën e Çairit me prezantimin e kandidatit të saj Visar Ganiu, listën e këshilltarëve për Qytetin e Shkupit të kryesuar nga Ardijan Muça, listën e këshilltarëve komunal në krye me Sermine Purrinin si dhe programin e punës për mandatin e ardhshëm të bazuar në përbetimet e agjendës së blertë.

Kryetari i BDI-së, Ali Ahmeti në fjalimin e tij ka falënderuar banorët e Çairit për përkrahjen dhe mundësinë që u japin kuadrove cilësor të saj në përmbushjen e misionit për më tepër zhvillim dhe për jetë cilësor si imperativ të kohës. Ai poashtu elaboroi edhe për rëndësinë e zbatimit të agjendës së blertë si mision në përputhje të plotë me vlerat e larta evropiane.

“Bashkimi Demokratik për Integrim merr përsipër të jetësojë e materializojë tanimë një kapitull të hapur për 10 vitet e ardhshme. Ka pasur që s’kanë besuar për shumë çështje që kemi hapur. Ju kujtohet s’është larg shumë kryeministri shqiptar. Skepticizëm, bëhet s’bëhet. Bëhet. Nuk ka gjë që nuk bëhet po filloi nga zemra. Po thyhen barrikada, siç u thyen barrikadë pas barrikade, mur pas muri, ministër të mbrojtjes po, ministër të brendshëm po, kryetar kuvendi po, ministër të jashtëm po, zëvendëskryeministër i parë po. Barrikada e radhës kryetarin e shtetit edhe atë. Pse duhet të votohet Bashkimi Demokratik për Integrim? Pikërisht për shkak të investimit që ka bërë në kuadër profesionistësh. Pse duhet të votohet BDI? Sepse del me agjendë, me agjendë që e pasuron, që e begaton dhe që e afirmon vlerën evropiane dhe na afron më afër Evropës”, potencoi kreu i BDI-së Ali Ahmeti.

Në këto zgjedhje vendoset për të ardhmen. Për këtë duhet dalje masovike. Nëse ka dalje masive, pushteti është i pafuqishëm dhe nuk mund të blejë aq vota, ka thënë lideri i VMRO-DPMNE-së, Hristian Mickoski në tubimin parazgjedhor në Krivogashtani.

Ka paralajmëruar se do të ketë përgjegjësi për gjithë ata që kanë bërë krim dhe ka premtuar më shumë se 200 milionë euro në vit për bujqit. Ka theksuar se populli është gjithnjë e më i varfër dhe se gjysmë milionë qytetarë jetojnë me 150 denarë në ditë.

“Pse kjo qeveri nuk gjeti mundësi të realizojë atë që premtoi për prodhuesit e duhanit dhe sot përsëri gënjen. Kjo po ndodhë tani, ndërsa pas 17 tetorit pason realitet i ri politik dhe qeveri e VMRO-DPMNE-së se si duhet punuar. Për bujqit obligohemi se më shumë se 200 milionë euro në vit qeveria e ardhshme do t’i destinojë për bujqit”, ka thënë Mickoski.

Kandidati i Aleancës për Shqiptarët, Vullnet Murseli sot ka pritur në takim përfaqësueset e Shoqatës joqeveritare “CORTEX”-Tetovë Sema Halili dhe Nebahat Imeri. Ata nga afër e kanë njoftuar dhe prezantuar Analizën e vlerësimit të nevojave të grave viktima të dhunës familjare.

Kjo analizë është përgatitur në kuadër të projektit “Institucionalizimi i shërbimeve cilësore për rehabilitimin dhe integrimin e grave viktima të dhunës” në zbatimin e rrjetit Nacional kundër Dhunës ndaj Grave dhe Dhunës në Familje të mbështetur nga Agjencia Austriake për Zhvillim i cili implementohet në nivel lokal nga OJQ CORTEX-Tetovë.

“Në takim bashkëbiseduam për rekomandimet dhe përfundimet nga analiza, ku OJQ Cortex më prezantoi situatën reale të problemeve me të cilat përballen gratë viktima të dhunës, veçanërisht në periudhën kur ato vendosin të largohen nga partneri i dhunshëm. Në mandatin e qeverisjes sime me Komunën e Tetovës do të ketë buxhet të posaçëm për këtë kategori të ndjeshme sociale si dhe në bashkëpunim me institucionet tjera do ta ndihmojnë procedurën e ndërtimit të një qendre strehimi për femrat të cilat janë viktima të dhunës në familje dhe do t’ju sigurojmë mbështetje psikologjike dhe ndihmë juridike pa pagesë!”, thuhet në kumtesë.

Kryetari i Lëvizjes BESA, njëherësh kandidat për kryetar të Tetovës, Bilall Kasami së bashku me këshilltarët dhe bashkëpunëtorët e tij organizuan debat publik me temë “Arsim cilësor, mundësi e barabartë për të gjithë”.

Duke shpalosur ofertën zgjedhore, njëkohësisht debatuan me të ftuarit: Prof. Florim Ajdini, prof. Besa Kadriu, prof. Bekim Hoxha, prof. Hatije Etemi, prof. Ilvije Jashari, prof. Jetmir Shabani, me të cilët konstatuan se kryetari i ardhshëm i komunës së Tetovës duhet të ketë prioritet problemet bazike me të cilat ballafaqohet arsimi fillor dhe i mesëm.

“Bilall Kasami do të angazhohet për pavarësi të plotë dhe depolitizim të skajshëm të institucioneve të arsimit të mesëm dhe fillor duke pasur prioritet rritjen e cilësisë, instalimin e praktikave pozitive të BE-së. Prioritet do të jetë tërheqja e fondeve të BE, arsim inkluziv pa dallime, salla sporti për të gjitha shkollat fillore, pishinë olimpike për nevojat e shkollave të qytetit, zhvillimin e sporteve të ndryshme dhe zhvillimin e sporteve dimërore”, thuhet në kumtesën e Lëvizjes Besa./21 TV

The post 5 ditë nga zgjedhjet lokale në Maqedoninë e Veriut, kandidatët ashpërsojnë retorikën appeared first on Albeu.com.