Në emisionin “Opinion”, Ministrja për Marrëdhëniet me Parlamentin, Elisa Spiropali tregoi se si u arrit kontakti me presidentin ukrainas.

Spiropali tha se kontakti është vendosur përmes ambasadorit të Ukrainës në Tiranë.

“Në një komunikim me ambasadorin ukrainas këtu vendosëm të komunikojmë me ta për një lidhje të Presidentit. Ishte dhe kërkesë e tyre dhe dëshirë e jona. Vëmendja e Shqipërisë ka qenë e padiskutuar për çështjen e Ukrainës dhe Shqipëria ka marrë një rol që është dhe përtej përmasës sonë”, u shpreh ministrja Spiropali./ Opinion.al

The post Si u vendos kontakti me Zelensky? Spiropali: Ishte kërkesa e tyre appeared first on Albeu.com.

Balla në një prononcim për mediat përpara Kuvendin të Shqipërisë, është shpreur se Berishës i ka mbaruar koha.

Kreu i grupit socialist theksoi se kryeministri Edi Rama e ka shprehur qartë pozicionin e Shqipërisë dhe se ata janë të gjithë me Ukrainën që po përballet me agresionin rus.

“Kuvendi i Shqipërisë sot kishte një seancë të posaçme me tepër rëndësi. Për të gjithë ishte e qartë edhe pozicioni i Shqipërisë i shprehur nga kryeministri Rama. Dhe po ashtu i qartë ishte edhe vlerësimi nga zoti Zelensky.

Në këtë aspekt kashtë mbi tjegulla mund të pretendojë të vendosë gjithkush. Nuk është momenti që politikanë të caktuar që e kanë mbyllur kapitullin e tyre të vijnë me propozime që as nuk kanë vlerë. Agresioni i pajustifikueshëm rus e ka bërë botën më të bashkuar se kurrë. Shqipëria do të ndërmarrë të gjitha hapat. Të merremi me gjëra serioze dhe jo me tollumbase populiste të ndonjë politikani që koha i ka mbaruar me kohë. Zoti Berisha nuk ekziston për mua.

Në fjalën e kryeministrit Rama keni një përgjigje të saktë për të gjitha hapat që do të marrë. Ne jemi të gjithë me Ukrainën”, tha Balla.

Gjatë mesazhit të tij në Kuvendin e Shqipërisë presidenti ukrainas vlerësoi mbështetjen e Shqipërisë, ndërsa kërkoi që të mbyllen portet për anijet ruse si dhe të kufizohen gjithashtu turistët rusë./albeu.com/

The post “Hiqini vizat rusëve”, Balla për Berishën: Pretendon të vendosë kashtë mbi tjegulla appeared first on Albeu.com.

Berisha mes të tjerash ka kërkuar që të anulohen vizat për të gjithë rusët që duan të vijnë në Shqipëri.

Gjithashtu me tone të ashpra Berisha kërkoi largimin e ambasadorit rus nga vendi ynë dhe tërheqjen e ambasadorit tonë në Moskë.

“Imagjinoni ju të vinë e të dynden në plazhet tona rusë të marrin veten.

Një fyerje e rëndë për shqiptarët, ishte edhe një kërkesë e Zelenskyt. Cfarë ishte ky gjest mes kësaj barbarie. Kjo ftesë për rusët që po bëjnë luftën më të padrejtë në historinë e tyre të gjatë ndaj edhe kërkoj me urgjencë që të anulohen vizat për cdo qytetar rusë që kërkon të hyjë në Shqipëri.

Kërkoj largimin e ambasadorit rus nga vendi ynë, dhe terheqjen e ambasadorit tonë nga Moska dhe ndërprerjen e të gjitha marrëdhenieve”, është shprehur Berisha.

Kujtojmë se Berisha që nga nisja e luftës në Ukrainë ka mbajtur një qëndrim të ashpër kundër Rusisë./albeu.com/

The post Zelensky në Kuvendin tonë, Berisha bën propozimin ekstrem kundër Rusisë (VIDEO) appeared first on Albeu.com.

Berisha është shprehur se kryeministri Edi Rama e ka turpëruar vendin tonë ditën e sotme, me dyzimin në qëndrimin e tij për luftën në Ukrainë.

“Qëndresa e kombit ukrainas është një frymëzim i madh për të gjithë ata që e duan lirinë dhe besojnë te vlerat e saj. Që në ditët e para të agresionit kemi ngritur zërin tonë në këtë parlament për ndihma konkrete të gjithanshme ndaj këtij kombi. Shqipëria është e rreshtuar në anën e NATO-s, OKB ka dhënë ndihmesën e vet. Ajo që na turpëroi sot është qëndrimi i dyzyar i Edi Ramës gjatë këtyre muajve të këtij agresioni barbar”, është shprehur Berisha./albeu.com/

The post Zelensky në Parlamentin shqiptar, flet Berisha: Si na turpëroi Rama sot (VIDEO) appeared first on Albeu.com.

Rama u shpreh se Shqipëria e ka përjetuar vetë atë që po përjeton sot Ukraina.

Rama shtoi gjithashtu se Shqipëria është modeste në dhënien e ndihmës./albeu.com

The post Rama “ngushëllon” Zelenskyn LIVE: E kemi përjetuar vetë historinë tuaj appeared first on Albeu.com.

Zelensky përmes një video-mesazhi është shprehur se që nga nisja e ofensivës ruse në Ukrainë, kombi i tyre nuk ka parë asnjë ditë të paqtë.

“Është një qytet me gjysmë milionë banorë që nuk iu është lejuar as uji, as ilaçet, dhe kanë qenë në sulme të vazhdueshme. Skenat e zhvendosjes me forcë janë të zakonshme kudo, të mbijetuarit që iu shpëtuan dy pushtimeve, thonë që nuk kanë parë asnjëherë diçka të tillë më parë, ushtria ruse gjuan fëmijët në fytyrë.

Pushtuesit nuk i lënë që mjekohen, njerëzit janë gjetur me duar të lidhura, me brinjë të thyera, me plagë pas koke, ushtria ruse ka lënë shumë njerëz të vdekur në rrugë, nuk janë lejuar që të varrosen”, u shpreh Zelensky./albeu.com/

The post LIVE/ Zelensky flet në Kuvendin e Shqipërisë: Rusët po gjuajnë fëmijët në fytyrë, na kanë ndaluar edhe ujin (VIDEO) appeared first on Albeu.com.