Përmes një postimi në rrjetet sociale, Presidentja e Komisionit deklaroi se imirëpresin të gjitha përpjekjet që çojnë drejt qëllimit të përbashkët për paqe të drejtë dhe të qëndrueshme që ruan sovranitetin dhe integritetin territorial të Ukrainës.

“Kjo forcon aftësitë e sigurisë dhe mbrojtjes së vendit, si një pjesë integrale e sigurisë së kontinentit tonë. Në vitin 2026, Komisioni Evropian do të vazhdojë të ushtrojë presion mbi Kremlinin, të ruajë mbështetjen tonë për Ukrainën dhe të punojë intensivisht për ta shoqëruar Ukrainën në rrugën e saj drejt anëtarësimit në BE,” tha ajo.

The post Von der Leyen për takimin Trump-Zelensky: Mirëpresim përpjekjet drejt qëllimit tonë të përbashkët appeared first on Albeu.com.

Donald Trump theksoi se do t’i kërkojë Putinit një takim trepalësh me qëllim për t’i dhënë fund luftës në Ukrainë. Më herët, Donald Trump, deklaroi se do të vazhdojnë mbështetjen ndaj popullit ukrainas.

Sakaq, Trump theksoi se SHBA-të prodhojnë armët më të mira dhe ia shesin NATO-s. Pas kësaj, armët amerikane përfundojnë në duart e ukrainasve të cilët përballen me agresionin rus.

The post Trump në sy të Zelenskyt: Tani do marr Putin në telefon! T’i japim fund kësaj lufte në Ukrainë appeared first on Albeu.com.

Në një ceremoni të posaçme në qytetin Lviv, të shtunën, Presidenti Zelenskky i cilësoi heronj ish komandantët që luftuan në Mariupol. Ai shprehu mirënjohje ndaj palës turke dhe ndaj Presidentit Erdogan për ndihmën e tij në lirimin e ish komandantëve.

Ish komandantët udhëhoqën vitin e kaluar luftimet për mbrojtjen e portit të Mariupolit, qyteti më i madh që rusët kanë vënë nën kontroll gjatë agresionit të tyre.

Forcat mbrojtëse ukrainase rezistuan në tunele dhe bunkere poshtë uzinës së Azovastalit, derisa në maj morën urdhër nga Kievi që të dorëzoheshin.

Më shumë se dy mijë prej tyre u zunë robër luftë nga Rusia.

Moska liroi disa prej forcave ukrainase në shtator, pas një marrëveshjeje për shkëmbimin e robërve të luftës, të ndërmjetësuar nga Ankaraja, sipas së cilës, ish komandantët duhet të qëndronin në Turqi deri në përfundim të luftës.

Deri më tani nuk ka një shpjegim të qartë nga Ankaraja apo Kievi se përse ata u lejuan të ktheheshin në Ukrainë.

Një ditë më parë, pasi lajmi u bë i ditur, zëdhënësi i Kremlinit, Dmitry Peskov tha se Turqia kishte shkelur kushtet e marrëveshjes dhe nuk e kishte informuar Moskën.

Ndërkohë, po të shtunën, presidenti ukrainas Volodymyr Zelenskyy mori pjesë në meshën e mbajtur për të shënuar ditën e 500 të luftimeve të ukrainasve përballë trupave ruse.

Sipas një njoftimi të Presidencës ukrainase, përfaqesues të komuniteteve fetare u lutën për paqe, për fitore dhe çlirimin e vendit.

The post Zelensky falenderon Erdoganin për kthimin në atdhe të ish komandantëve ukrainas appeared first on Albeu.com.

Është planifikuar që të hënën Rusia të kryesojë një takim të Këshillit të Sigurimit për herë të parë që nga fillimi i luftës në shkallë të gjerë në Ukrainë pothuajse 14 muaj më parë.

Roli është kryesisht ceremonial, i marrë për një muaj në një kohë sipas rendit alfabetik nga secili prej 15 anëtarëve të këshillit, shkruan NYT.

Ajo ka ardhur në Moskë disa javë pasi Presidenti Vladimir V. Putin u akuzua për krime lufte nga Gjykata Penale Ndërkombëtare.

Situata është një kujtesë se Ukraina dhe aleatët e saj, veçanërisht Shtetet e Bashkuara dhe Evropa, nuk kanë qenë gjithmonë të suksesshme në izolimin ekonomik dhe politik të Rusisë për të ndëshkuar Kremlinin për luftën.

“Dje, ushtria ruse vrau një tjetër fëmijë ukrainas, një djalë 5 muajsh të quajtur Danylo”, tha Presidenti i Ukrainës Volodymyr Zelensky në fjalimin e tij të natës të shtunën.

“Dhe në të njëjtën kohë, Rusia kryeson Këshillin e Sigurimit të OKB-së. Është e vështirë të imagjinohet diçka evidente që vërteton falimentimin e plotë të institucioneve të tilla”.

Tre nga 15 anëtarët aktualë të Këshillit të Sigurimit, Kina, India dhe Emiratet e Bashkuara Arabe, kanë shmangur fajësimin e hapur të Rusisë për luftën, në vend të kësaj duke bërë thirrje që të dyja palët të ndërpresin armiqësitë.  Zelensky u kërkoi atyre vendeve që të ndryshojnë qëndrim.

“Është e rëndësishme kur shtetet që janë neutrale në kuptimin ushtarako-politik megjithatë marrin një qëndrim të qartë moral ndaj terrorit rus, ndaj shkatërrimit të rendit global nga Rusia bazuar në rregulla”, tha Zelensky.

Zyrtarët perëndimorë kanë thënë se nuk ka asnjë rrugë ligjore për largimin e Rusisë nga vendi i saj i përhershëm në Këshillin e Sigurimit.

Zyrtarët ukrainas thonë se më shumë se 450 fëmijë janë vrarë në luftë dhe pothuajse dy herë më shumë janë plagosur. Ata gjithashtu akuzojnë Rusinë se ka zhvendosur me forcë pothuajse 20,000 fëmijë ukrainas në territorin e saj.

Javën e kaluar, aleatët e Ukrainës njoftuan se do të ngarkonin Organizatën për Siguri dhe Bashkëpunim në Evropë, një grup ndërqeveritar, për të hetuar zyrtarisht raportet e përhapura të dëbimeve të detyruara të fëmijëve, të cilat gjithashtu përbënin një pjesë kyçe të akuzave të Gjykatës Penale Ndërkombëtare kundër Rusisë.

“Ky krim i kryer nga Rusia është një nga krimet më cinike dhe antinjerëzore të kohës sonë”, tha Zelensky./Albeu.com/

The post Zelensky: Absurde dhe shkatërruese që Rusia të kryesojë Këshillin e Sigurimit appeared first on Albeu.com.