Bettel ka potencuar se synim i vendeve evropiane është të shmanget çfarëdo lloj lufte në Ballkan.

“Jam këtu që për ta ndihmuar Kosovën në fusha të ndryshme dhe do të jenë rreth 25 milionë euro investime që do të këto projekte kreative e në sektorë të IT-së, sepse është e rëndësishme për situatën tuaj ekonomike”, ka thënë mes tjerash ai.

Ai ka shtuar se ky rajon ka vuajtur mjaft për vendimet që janë marrë nga të tjerë dhe ju e dini se unë do të kem përgjegjësinë edhe të Komitetit në Këshill të Evropës ku ju së bashku do të punoni për t’i dhënë Kosovës vendin që meriton dhe respektin që meriton dhe gjithashtu mundësinë për të qenë një storie suksesi siç e meriton.

“Për të qenë anëtar i BE-së është rrugë e gjatë për t’u kaluar”, ka shtuar Bettel.

The post Zëvendëskryeministri i Luksemburgut premton 25 milionë euro investime në Kosovë appeared first on Albeu.com.

Ai tha se qëllimi i vizitës së tyre është që të ndihmojnë në krijimin e urave mes fqinjëve, derisa kërkoi falje edhe për mungesën e kryeministrit të Belgjikës, Alexander De Croo, për të cilin tha se nuk mundi të vijë për shkak të çështjeve politike në vendin e tij.

“Jemi këtu sepse dëshirojmë që kur është planifikuar ky udhëtim nuk kemi pritur që këto tensione të jenë në rajon. I kemi thënë edhe Albinit që nuk jemi këtu për të gjykuar, por për të dëgjuar dhe të mundohemi të ndërtojmë ura, të cilat mes fqinjëve nganjëherë nuk janë shumë të lehta për t’i ndërtuar”.

Duke folur për procesin e anëtarësimit në BE për shtetet që duan t’i bashkohen Unionit, kryeministri i Luksemburgut tha se nuk ka procedurë të shpejtë për asnjë shtet, por se ka procedura.

“Nuk kemi rrugë speciale për asnjë shtet”.

“Zakonisht keni shumë miq kur jeni të suksesshëm, por keni shokë të vërtetë kur keni vështirësi dhe kur ju duhet përkrahje. Luksemburgu gjithmonë ka qenë në anën që të shohim se si mund t’i ndihmojmë të tjerët. Nuk jemi shteti më i madh dhe e dimë se duke punuar me të tjerët dhe të gjejmë personat të interesuar është shumë me rëndësi për të gjetur zgjidhje”.

Bettel foli edhe për mërgatën kosovare në Luksemburg.

“3 mijë kosovarë që kanë gjetur shtëpinë në Luksemburg. Ka qenë kohë e vështirë në Kosovë. kështu që kemi një pjesë të Kosovës në Luksemburg. Kjo është si i kremi krijuar raportet tona”.

Ai tha se pas takimit me Kurtin e Osmanin do të takohen me OJQ që punojnë në fushën e mediave dhe të drejtave e minoriteteve LGBT.

“Sot dëshirojmë që të ne të mësojmë dhe të shohim si është situata dhe të themi që shtylla kryesore e BE-së nuk është ekonomia, por janë të drejtat, vlerat me të cilat është e ndërtuar. Jeni pjesë e familjes sonë”.

The post Vizitë e planifikuar para tensioneve, Bettel: Nuk erdhëm për të gjykuar Kurtin, por për ta dëgjuar appeared first on Albeu.com.

Mëngjesin e së martës Kurti i ka pritur të dy në aeroportin e Prishtinës. Dy kryeministrat më pas janë takuar edhe me presidenten Vjosa Osmani.

Pas takimit me Kurtin do të mbajnë konferencë për medie.

Kjo vizitë e dy kryeministrave evropianë ishte planifikuar disa muaj më herët. Por, ata do ta shfrytëzojnë këtë udhëtim për të dërguar mesazhin e Bashkimit Evropian dhe bashkësisë ndërkombëtare për uljen e tensioneve në veri të Kosovës, për qetësimin e situatës në atë zonë dhe kthimin e Prishtinës dhe Beogradit në dialogun e Brukselit.

Në Beograd, Bettel tha se shpreson që në ditët dhe javët në vijim të arrihet përparim “dhe të ketë shtensionim të situatës”, duke shtuar se shpreson që nuk do të ketë nevojë që të flitet më për presione që duhet t’iu bëhen palëve për të zgjidhur këtë situatë.

Ndërakq, Rutte tha se është e rëndësishme që të përmbushen kërkesat e paraqitura nga BE-ja, pasi sipas tij, plotësimi i tyre është rruga më e shpejt që do të çojë drejt shtensionimit.

BE-ja po kërkon tërheqjen e njësive speciale të Policisë së Kosovës nga afërsia e ndërtesave komunale në veri, paralelisht me tërheqjen e protestuesve serb. Po ashtu, blloku evropian po kërkon tërheqjen e kryetarëve të rinj nga ndërtesat komunale, shpalljen e zgjedhjeve në veri dhe zotimin publik të serbëve se do të marrin pjesë në votime.

Në këtë vizitë ishte paraparë të merrte pjesë edhe kryeministri i Belgjikës, Alexander De Croo. Por, ai e ka anuluar pjesëmarrjen për shkak të një krize të brendshme politike.

Vizita e kryeministrit të Holandës dhe atij të Luksemburgut vjen në kohën kur tensionet mes Kosovës dhe Serbisë janë rritur.

Tensionet u rritën në fund të majit në Zveçan, Zubin Potok dhe Leposaviq – komuna të banuara me shumicë serbe – pasi serbët lokalë po kundërshtojnë kryetarët e rinj shqiptarë.

Kryetarët e rinj shqiptarë u zgjodhën në zgjedhjet e prillit, votime që u bojkotuan nga partitë dhe popullata lokale serbe.

The post Kurti pret në qeveri dy homologët nga Holanda e Luksemburgu appeared first on Albeu.com.

Rutte dhe Bettel udhëtojnë të martën në Kosovë për takime me zyrtarët e lartë të atjeshëm. “Ne nuk mund të theksojmë sa e rëndësishme është që

Serbia dhe Kosova ndërmarrin hapa drejt de-përshkallëzimit dhe përfundimisht normalizimit të marrëdhënieve të tyre nëpërmjet dialogut të udhëhequr nga BE,” tha Rutte.

“Kjo është vendimtare për vetë dy vendet, së pari dhe para së gjithash, por edhe për të gjithë rajonin dhe Evropën në tërësi,” shtoi ai. “Me një luftë të tërbuar midis Rusisë dhe Ukrainës në kontinentin tonë, është më e rëndësishme se kurrë që të veprojmë së bashku.”

Presioni ndaj palëve

SHBA dhe BE po i bëjnë presion Serbisë dhe Kosovës që të ndërmarrin hapa për uljen e tensioneve. Normalizimi i marrëdhënieve është kushti kyç për të dy vendet për të ecur përpara në përpjekjet e tyre për t’u bashkuar me BE. Edhe kryeministri i Luksemburgut Bettel u bëri thirrje të dy palëve të veprojnë. “Fjalët janë të mira, veprimet janë më të mira,” tha ai. “Dhe ne duhet të avancojnë në këto tema, edhe për të treguar se ekziston një vullnet për ulje tensionesh”.

Vuçiç shprehu shpresën se vizita e dy kryeministrave në Serbi dhe Kosovë do të ndihmojë: “Unë premtova se Serbia do të bëjë gjithçka që mundet për të ruajtur paqen dhe stabilitetin,” tha ai.

Në fund të javës krerët e shteteve të BE-së e kishin kërcënuar Kosovën dhe Serbinë me masa ndëshkuese nëse ato nuk bëjnë përpjekje për shtensionim. Kancelari gjerman Olaf Scholz, një javë më parë pat thënë sefalë angazhimit të shumë vendeve shpreson se të dyja palët do të bien dakord për marrëdhënie të mira fqinjësore.

The post Beograd: Rutte dhe Bettel bëjnë thirrje për çtensionim appeared first on Albeu.com.

Rutte dhe Bettel fillimisht do të vizitojnë Zagrebin dhe të hënën do të qëndrojnë në Beograd, ku do të takohen me presidentin serb, Aleksandar Vuçiq, dhe kryeministren Ana Bërnabiq.

Një ditë më vonë do të qëndrojnë në Prishtinë dhe do të takohen me presidenten e Kosovës, Vjosa Osmani, dhe kryeministrin Albin Kurti.

Vizita e dy kryeministrave evropianë ishte planifikuar para disa muajsh. Por, ata do ta shfrytëzojnë këtë udhëtim për të dërguarin mesazhin e Bashkimit Evropian dhe NATO-s ndaj liderëve në Kosovë dhe Serbi për nevojën e uljes së tensioneve, qetësimin e situatës në veri të Kosovës dhe kthimin në dialogun që ndërmjetësohet nga Brukseli.

Në këtë vizitë ishte paraparë të merrte pjesë edhe kryeministri i Belgjikës, Alexander De Croo. Por, ai e ka anuluar pjesëmarrjen për shkak të një krize të brendshme politike.

Kjo vizitë nga këto tri shteteve, sipas burimeve diplomatike, ishte planifikuar si “një qasje e përbashkët e Beneluksit” në disa çështje të rëndësishme në rajonin e Ballkanit Perëndimor. Këto tri shtete janë shumë të interesuara për një bashkëpunim të ngushtë, sidomos në çështjet që kanë të bëjnë me migrimin.

Përveç procesit të integrimit evropian të shteteve të rajonit, vendet e Beneluksit gjithmonë kanë qenë të interesuara që këto shtete të bashkëpunojnë në ndaljen e migrimit masiv drejt BE-së, riatdhesimin e qytetarëve të tyre që ilegalisht qëndrojnë në BE dhe bashkëpunimin me këto vende në luftimin e trafikimit.

Edhe pse në këtë vizitë nuk do të jetë kryeministri belg, shefat e qeverive të Holandës dhe Luksemburgut do të paraqesin edhe qëndrimet e Belgjikës. Këto tri shtete tradicionalisht bashkëveprojnë në shumë çështje të politikës së jashtme dhe kanë qëndrim të përbashkët edhe brenda BE-së sa herë që kjo përshtatet e interesat e tyre kombëtare.

Vizita e liderëve të Holandës dhe Luksemburgut vjen në kohën kur tensionet mes Kosovës dhe Serbisë janë rritur.

Tensionet nisën në fund të majit, kur kryetarët e rinj shqiptarë të Zveçanit, Leposaviqit dhe Zubin Potokut – nën asistimin e policisë – hynë në ndërtesat komunale, pavarësisht kundërshtimit të serbëve lokalë.

Bashkësia ndërkombëtare ka kërkuar nga Kosova dhe Serbia që të ulin tensionet dhe të organizohen zgjedhje të reja në katër komunat në veri./REL

The post Kryeministrat e Holandës dhe Luksemburgut në Kosovë dhe Serbi për uljen e tensioneve appeared first on Albeu.com.

Komentet ai i bëri gjatë vizitës që po zhvillon në Shqipëri, ku në fund të takimeve ai ka dalë në një konferencë të përbashkët me homologun e tij shqiptar, Edi Rama.

I ndalur tek situata në rajon, ai tha se Ballkani Perëndimor është parë si një fuçi baruti, duke shtuar se duhet të arrihet në një zgjidhje edhe mes Kosovës dhe Serbisë dhe se sovraniteti nuk duhet të vihet në pikëpyetje.

“Të jetosh në një situatë është diçka tjetër. Rruga që keni bërë gjatë kësaj kohë është e jashtëzakonshme, por ka akoma potencial.

Ne kemi firma nga Luksemburgu që po investojnë në rajon. Unë shpresoj që ju të vini sa më shpejt në Luksemburg dhe të shohim një mundësi se si t’i bindim për të krijuar të tjera hapësira. Ka itenerare kulturore ku mund të punojmë bashkë. Mund të ketë shkëmbime mes universiteteve, gjithashtu është edhe turizmi.

E tha dhe kryeministri janë hapur negociata për në BE dhe është me rëndësi që vendet nuk mund të mbahen peng për arsye të politikave kombëtare. Të mos harrojmë që në ’57 kur ishte traktati i Romës, Franca dhe Gjermania ishin armiq, dhe që ka ajo kohë arritëm të kemi paqe. Pra kjo është BE, në atë kohë përgjigja ishte arma sot janë shkëmbimet respekti.

Edi është dikush që i thotë gjërat në sy dhe ne nuk mund thjeshtë të ngushëllojmë kur na kërkon diçka. Nuk mund të trajtojmë një vend në këtë mënyrë kur detyrat janë bërë duhet ta njohësh dhe të thuash po do të bëjmë përpara. Nuk duhet të jetë thjeshtë një sallë pritje por në këtë parafamilje, duhet të gjejmë format se si të jemi pjesë, të kemi diçka ku të ecim para në interesa të përbashkëta. Meqë ju thamë që salla e parë e pritjes u krye tani jeni në sallën e dytë.

Ballkani ka qenë një fuçi baruti për kontinentin tonë dhe duhet ta shmangim. E di që Kosova dhe Serbia po diskutojnë sot, por duhet të bëjnë përpara nuk duhet t’i lejojmë vetes tensione shtesë. Sovraniteti nuk duhet të vihet në pikëpyetje. Duhet të gjejmë zgjidhje”, tha ai.

The post Kryeministri i Luksemburgut në Tiranë: Edi t’i thotë gjërat në sy! appeared first on Albeu.com.

Gjatë fjalës së tij Rama e falënderoi publikisht kryeministrin për mbështetjen e tij dhe të shtetit që përfaqëson sa i takon çështjes së integrimit të Shqipërisë në BE.

Rama është shperhur se Bettel është një mik i çmuar dhe avokat i Shqipërisë.

“Është një kënaqësi e veçantë të mirëpres sot me kolegët, kryeministrin e Luksemburgut, mik i çmuar. Mik i çmuar jo sepse fjalët e bukura duhen thënë pasi kërkon politesa e rastit, por Luksemburgu dhe kryeministri kanë qenë mbështetësit më të zëshëm të Shqipërisë dhe Maqedonisë së Veriut për çeljen e negociatave për anëtarësim. E falënderova përsëri dhe dua ta falënderoj publikisht për faktin se në të gjitha instancat, kryeministri ka qenë avokat i ynë kur nuk kemi qenë të pranishëm. Më vjen mirë që kjo vizitë përkon me një vit të veçantë të historisë tonë me Luksemburgut, 100 vjet nga njohja që ky shtet i bëri Shqipërisë.

Kemi folur për vijimësinë në BE, dhe kemi diskutuar edhe për marrëdhëniet bileterale. Barriera e perceptimin që i pengon rëndom të tjerët të vijnë në Shqipëri është kapërcyer. Nuk dua të zgjatem por shtoj se në Luksemburg ka një komunitet shqiptarët dhe kryeministri flet me admirim për shqiptarët që jetojnë në vendin e tij. Falënderoj kryeministrin edhe për interesimin e tij të posaçëm për rajonin, siç e thashë në hyrje Luksemburgu në tryezën e BE është një zë shumë i rëndësishëm. Përpjekja për të nxitur dialogun mes Kosovës dhe Serbisë, për të nxitur përmirësimin e klimës, apo një proces politik sa më stabël në Malin e Zi janë pjesë e agjendës së interesit të Luksemburgut dhe kryeministrit Bettel. E falënderoj për rolin e veçantë në procesin e bindjes së aktorëve të tjerë për të dhënë më në fund vendimin për çeljen e negociatave”, tha Rama./albeu.com/

The post “Mik i çmuar, avokat i Shqipërisë”, Rama i “thur lavde” kryeministrit të Luksemburgut gjatë konferencës së përbashkët (VIDEO) appeared first on Albeu.com.

Ai është pritur me një ceremoni zyrtare nga kryeministri Edi Rama.

Bettel pritet të zhvillojë një sërë takimesh dhe të mbajë edhe një fjalë të përbashkët me kryeministrin Edi Rama./albeu.com/

The post Kryeministri i Luksemburgut në Tiranë, Rama e pret me ceremoni (VIDEO) appeared first on Albeu.com.

Xavier Bettel do t’i nënshtrohet “testeve dhe analizave shtesë” si n dhe do të qëndrojë nën vëzhgim për 24 orë, thuhet në një deklaratë që lëshoi qeveria dje.

Bettel u testua pozitiv në 27 Qershor dhe tha se kishte vetëm simptoma të lehta, si ethe dhe dhimbje koke. Prej asaj dite ai nisi një periudhë 10-ditore të vet izolimit.

Diagnostikimi i 48-vjeçarit erdhi dy ditë pasi ai kishte marrë pjesë në një samit të Këshillit Evropian me udhëheqës të tjerë të BE në Bruksel.

The post I prekur nga COVID-19, përkeqësohet gjendja e kryeministrit e shtrohet me urgjencë në spital appeared first on Albeu.com.