Konflikti ka nisur tre javë më parë, pasi Bledar Muça dhe persona të tjerë kanë prishur marrëdhëniet e biznesit të lojërave të fatit me një grup nga Vlora, të cilët pas përplasjeve kanë rrahur ndërmjetësin i cili njihet me nofkën “Tolja”.

Personi që u dhunua fizikisht, pra “Tolja” ka qenë kumbari mes grupit nga Vlora dhe viktimës Bledar Muça që në Lushnje të hapeshin kazino dhe për këtë disa persona të identifikuar nga policia nga qyteti Vlorës kanë hyrë në kontakte me lushnjarin dhe persona të tjerë.

Kazinotë u hapën në lokale dhe kamufloheshin me emrin e barit “Ador” kafe por në fakt brenda ishin makinetat e lojërave të fatit. Konflikti mes vlonjatët nisi pasi Bledar Muça dhe “Tolja” e morën vetë menaxhimin e lojërave të fatit në Lushnje dhe aksin Rrogozhinë-Fier duke i nxjerrë jashtë loje.

Kjo është pista kryesore ku po heton aktualisht prokuroria dhe policia për të shkuar te autorët e vrasjes./albcnews.al

The post Përplasja për bixhozin pas vrasjes së biznesmenit, roli i “Toles”, kumbari që lidhi Muçën me vlonjatët appeared first on Albeu.com.

Në makinën nga e cila qëlluan autorët e atentatit të mbrëmshëm në Lushnje u gjetën dy kallashnikovë. Por nga të dhënat e deritanishme rezulton se 21 plumbat qëlluar drejt lokalit të Bledar Muçës kanë dalë nga e njëjta armë. Kallashnikovi i dytë mund të ketë qenë rezervë, në mënyrë që autorët t’i paraprinin ndonjë situate të papritur.

Makina e atentatorëve që u gjet e djegur në Thanasaj të Lushnjes disa orë pas krimit, është shkrumbuar plotësisht duke mos u lënë hetuesve thuajse asnjë mundësi të gjejnë brenda saj ndonjë provë që i çon tek autorët.

Burimet nga hetimi i thanë ABC se mjeti Golf 5 ishte vjedhur në Vlorë dhe kishte targa italiane.

Nga këqyrja e kamerave të sigurisë ka rezultuar se autorët kanë ardhur me makinën e tyre nga rruga e stadiumit, drejt qendrës. Pasi kanë shkrehur armët në drejtim te “Bar Pedonalja”, janë larguar duke dalë në autostradë drejt fshatit Thanasaj ku dogjën mjetin dhe humbën gjurmët. Nga 21 të shtënat me kallashnikov, sipas burimeve nga grupi hetimor, 4 plumba kanë përshkuar në trup 34 -vjeçarin Bledar Muça, duke i shkaktuar vdekjen. Muça ishte i ulur në këtë tavolinë me kunatin e tij, Judmir Velo i cili është plagosur rëndë në këmbë dhe është dërguar në spitalin e traumës në Tiranë.
Plumbat kanë plagosur dhe katër klientë brenda lokalit të ulur në dy tavolina teksa konsumonin ëmbëlsira. Të plagosurit e tjerë janë jashtë rrezikut për jetën.

Policia ka mbledhur pamje nga 40 kamera sigurie në rrugën që ka përshkuar mjeti i atentatorëve. Deri tani prokuroria po heton në dy pista për këtë ngjarje, larja e hesapeve për prishjen e pazareve të drogës si dhe lidhja familjare me një nga ish-anëtarët e grupit Hakmarrja për Drejtësi. Mësohet se viktima ishte martuar me mbesën e Roland Shytit, i njohur me nofkën mustaqekuqi. Sipas policisë, viktima nuk ka pasur precedentë penale/abcnews.al

The post Atentati në Lushnjë, makina e autorëve me targa italiane ishte vjedhur në Vlorë, policia “skanon” kamerat appeared first on Albeu.com.

Eksara Liçi, 24 vjeçe ishte një nga pesë personat që u plagos nga breshëria e plumbave të kallashnikovit. Në një postim në rrjetet sociale, Liçi shprehet se ka parë vdekjen me sy dhe falënderon Zotin që i dha një mundësi të dytë për të jetuar.

“Kam parë vdekjen me sy, Zoti më dha një mundësi të dytë. Faleminderit Ledi, Eni dhe një person që më çoi në spital. Shërim sa më të shpejtë të gjithëve si puna ime” shkruan ajo./albeu.com

The post “O Zot, kam parë vdekjen me sy”, vajza që mbeti e plagosur nga ngjarja në Lushnjë rrëfen tmerrin e përjetuar appeared first on Albeu.com.