Në fjalimin e tij në mbrëmje, Zelenskyy tha se kohët e fundit zhvilloi gati 20 biseda me partnerë ndërkombëtarë, të cilët shprehën mbështetje të fortë për qëndrueshmërinë e Ukrainës nën presion të vazhdueshëm. Ai theksoi nevojën për forcë dhe unitet të brendshëm në një moment kur aktiviteti diplomatik po përshpejtohet, duke thënë se zyra presidenciale do t’i nënshtrohet një rivendosjeje të plotë.

Ai konfirmoi dorëheqjen e Yermak dhe tha se konsultimet për një pasardhës do të fillojnë të shtunën. Zelenskyy vuri në dukje se delegacioni i Ukrainës për bisedimet e ardhshme do të përfshijë komandantin e përgjithshëm, përfaqësues nga Ministria e Jashtme, Këshilli i Sigurisë dhe Mbrojtjes Kombëtare dhe shërbimet e inteligjencës. Ai theksoi se të gjitha përpjekjet e brendshme tani duhet të përqendrohen tërësisht në mbrojtjen e Ukrainës dhe mbështetjen e shtytjes së saj diplomatike.

Raundi i ardhshëm i kontakteve me Uashingtonin vjen pas diskutimeve të fundit SHBA-Ukrainë në Gjenevë mbi një propozim paqeje prej 28 pikash. Presidenti i SHBA-së, Donald Trump, tha këtë javë se “diçka e mirë” mund të dalë në pah në negociata, megjithëse paralajmëroi se progresi duhet të gjykohet vetëm nga rezultatet e prekshme.

The post I akuzuar për korrupsion, jep dorëheqjen shefi i stafit të presidentit Volodymyr Zelenskyy appeared first on Albeu.com.

“I bëj thirrje aleatëve të bëjnë më shumë. Është në të gjitha interesat tona të sigurisë të sigurohemi që Ukraina të mbizotërojë dhe Presidenti rus Vladimir Putin të mos fitojë”, i tha Stoltenberg agjencisë gjermane të lajmeve DPA.

Ai tha se ishte ndoshta edhe më e rëndësishme që Ukraina të merrte municion të mjaftueshëm për sistemet tashmë të vendosura, duke shtuar se nevoja për municion dhe pjesë këmbimi ishte “shumë e madhe”. Javën e kaluar, presidenti ukrainas Volodymyr Zelenskyy në një fjalim para një grupi liderësh perëndimorë kërkoi një gamë të gjerë armësh dhe sistemesh të mbrojtjes ajrore për të ndihmuar përpjekjet për të kundërshtuar pushtimin rus.

Gjithashtu, Shtetet e Bashkuara javën e kaluar njoftuan gati 2 miliardë dollarë ndihmë ushtarake shtesë, duke përfshirë Sistemin e Mbrojtjes Ajrore Patriot, i cili ofron mbrojtje kundër avionëve, raketave lundruese dhe balistike. Stoltenberg tha se mbështetja ushtarake për Ukrainën ishte rruga më e shpejtë drejt paqes.

“Ne e dimë se shumica e luftërave përfundojnë në tryezën e bisedimeve ndoshta edhe kjo luftë  por ne e dimë se ajo që mund të arrijë Ukraina në këto negociata varet pazgjidhshmërisht nga situata ushtarake”, tha ai.

Rusia pushtoi Ukrainën më 24 shkurt në atë që Putin e quan një “operacion special ushtarak” kundër asaj që ai e percepton si kërcënim për sigurinë ruse. Ukraina dhe aleatët e saj perëndimorë kanë denoncuar veprimet e Rusisë si një rrëmbim toke të stilit imperialist dhe kanë vendosur sanksione në përpjekje për të ndërprerë fushatën.

Lufta 11-mujore ka vrarë dhjetëra mijëra njerëz, ka dëbuar miliona nga shtëpitë e tyre, ka lënë qytete në gërmadha dhe ka tronditur ekonominë globale, duke rritur çmimet e energjisë dhe ushqimeve./ REL

The post Stoltenberg thirrje NATO-s: Furnizoni me armë Ukrainën, Putin nuk duhet të fitojë! appeared first on Albeu.com.

“Ta provojmë këtë atëherë: vullneti i popullit që jetojnë në Donbas dhe Krime do të duhej të vendosë nëse duan të jenë pjesë e Rusisë apo Ukrainës,” ishte pyetja e Musk.

Pas kësaj, Musk mori shumë kritika nga ukrainasit, por dhe nga vet Presidenti Volodymyr Zelenskyy. Po ashtu ka ardhur dhe një reagim nga këshilltari i presidentit ukrainas Mihail Podolyak, duke thënë se është duke legjitimua pseudoreferendumet.

“A je duke provuar që të legjitimosh pseudo-referendume që u kryen nën kërcënim armësh e nën kushte persekutimi, ekzekutimi masiv dhe torturë? Nismë e gabuar,” shktoi ai.

Musk iu përgjigj duke sqaruar se e mendoi si zgjidhje një votë në mbikëqyrjen e OKB-s. Po ashtu ai shtoi se sheh të përshtatshme qasjen si në Kosovë.

“Jo unë po sugjeroj që të votohet nën mbikëqyrjen e OKB’së (zgjedh entitetin politik tënd më të besueshëm ose shtetin)”. Te jetë një qasje e njëjtë me Kosovën,” shkroi Musk.

The post Musk merr shembull Kosovën, e krahason me pseudo-referendumet ruse në Ukrainë appeared first on Albeu.com.

Zelensky shtoi se rezultati varej nga dërgimi i shpejtë i armëve të huaja në vendin e tij.

Kjo vjen pasi Rusia u detyrua të tërhiqte forcat e saj nga zona të mëdha të Ukrainës verilindore javën e kaluar pas një kundërofensivë të shpejtë ukrainase.

Lëvizja e Ukrainës për të rimarrë kontrollin e disa qyteteve dhe fshatrave të pushtuara nga Rusia shënoi pengesën më të madhe ushtarake për Moskën që kur forcat e saj duhej të tërhiqeshin nga zonat afër kryeqytetit në fillim të luftës.

Ukraina ka rimarrë rreth 3,400 milje katrorë (9,000 km katror) territor, sipas zyrtarëve.

The post Tërheqja e Rusisë nga disa zona, Zelenskyy: Po ju tregoj nga varet rrjedha e luftës appeared first on Albeu.com.

Sipas tyre, përpjekja e fundit ishte e dështuar për të nisur evakuimin e qindra mijëra civilëve nga zonat e rrethuara nga forcat ruse, duke përfshirë portin jugor të Mariupolit.

Rusia njoftoi një tjetër armëpushim dhe hapjen e korridoreve humanitare për të lejuar civilët të largohen nga Ukraina të hënën, por asgjë nuk ka ndodhur deri më tani.

Dy përpjekjet e mëparshme për armëpushim kanë dështuar dhe forcat ruse vazhdojnë të godasin qytetet ukrainase me raketa. Presidenti ukrainas Volodymyr Zelenskyy ka bërë thirrje për një bojkot global të të gjitha produkteve ruse, përfshirë naftën, përpara një raundi të tretë bisedimesh midis zyrtarëve rusë dhe aktyre ukrainas të planifikuar për të hënën.

Kremlini ka kërcënuar se do të ndërpresë furnizimin me gaz në Evropë dhe ka paralajmëruar se çmimi i naftës mund të rritet në 300 dollarë për fuçi nëse aleatët perëndimorë rritin luftën e tyre ekonomike kundër Rusisë duke ndaluar importet e energjisë.

The post Vritet gjenerali rus në Ukrainë, Rusia kërcënon të ndërpresë furnizimin me gaz në Evropë appeared first on Albeu.com.

Kjo është ajo që ai tha:

“Sot iniciova një telefonatë me presidentin e Federatës Ruse. Rezultati ishte heshtja. Edhe pse heshtja duhet të jetë në Donbas. Kjo është arsyeja pse unë dua t’i drejtohem sot popullit të Rusisë. Unë ju drejtohem jo si president, po ju drejtohem si qytetar i Ukrainës.

Më shumë se 2000 km të kufirit të përbashkët po na ndajnë. Përgjatë këtij kufiri janë vendosur trupat tuaja, gati 200,000 ushtarë, mijëra automjete ushtarake. Udhëheqësit tuaj i miratuan që të bëjnë një hap përpara, në territorin e një vendi tjetër. Dhe ky hap mund të jetë fillimi i një lufte të madhe në kontinentin evropian.

Ne e dimë me siguri se nuk kemi nevojë për luftë. Jo një luftë e ftohtë, jo një luftë e nxehtë. Jo një hibrid. Por nëse do të sulmohemi nga trupat [armike], nëse ata përpiqen të na heqin vendin tonë, lirinë tonë, jetën tonë, jetën e fëmijëve tanë, ne do të mbrohemi. Jo të sulmojmë, por të mbrohemi. Dhe kur do të na sulmoni, do të shihni fytyrat tona, jo shpinën, por fytyrat tona.

Lufta është një fatkeqësi e madhe dhe kjo fatkeqësi ka një çmim të lartë. Me çdo kuptim të kësaj fjale. Njerëzit humbasin paratë, reputacionin, cilësinë e jetës, humbin lirinë. Por gjëja kryesore është që njerëzit humbasin të dashurit e tyre, ata humbasin veten.

Ata ju thanë se Ukraina është një kërcënim për Rusinë. Nuk ishte kështu në të kaluarën, as në të tashmen, nuk do të jetë në të ardhmen. Ju kërkoni garanci sigurie nga NATO, por ne kërkojmë edhe garanci sigurie. Siguria për Ukrainën nga ju, nga Rusia dhe garanci të tjera të memorandumit të Budapestit.

Por qëllimi ynë kryesor është paqja në Ukrainë dhe siguria e popullit tonë, ukrainasve. Për këtë, ne jemi të gatshëm të bisedojmë me këdo, duke përfshirë edhe ju, në çdo format, në çdo platformë. Lufta do t’i heqë garancitë [siguritë] nga të gjithë – askush nuk do të ketë më garanci për sigurinë. Kush do të vuajë më shumë prej saj? Njerezit. Kush nuk e dëshiron më shumë? Njerezit! Kush mund ta ndalojë? Njerezit. Por a ka ata njerëz mes jush? Jam i sigurt.

E di që ata [shteti rus] nuk do ta shfaqin fjalimin tim në TV rus, por populli rus duhet ta shohë atë. Ata duhet të dinë të vërtetën, dhe e vërteta është se është koha për të ndaluar tani, para se të jetë tepër vonë. Dhe nëse udhëheqësit rusë nuk duan të ulen me ne pas tavolinës për hir të paqes, ndoshta ata do të ulen pas tryezës me ju. A e duan rusët luftën? Unë do të doja të di përgjigjen. Por përgjigja varet vetëm nga ju, qytetarë të Federatës Ruse.

The post “Nëse na sulmoni, do shihni fytyrat tona”, fjalimi emocionues i Presidentit ukrainas: Telefonova Putin, rezultati ishte heshtja appeared first on Albeu.com.

“Unë nuk e di se çfarë do presidenti i Federatës Ruse, kështu që propozoj një takim,” tha zoti Zelenskyy në Konferencën e Sigurisë në Mynih, ku u takua edhe me nënpresidenten amerikane Kamala Harris. Zoti Zelenskyy tha se Rusia mund të zgjedhë vendndodhjen e bisedimeve.

“Ukraina do të vazhdojë të ndjekë vetëm rrugën diplomatike për hir të një zgjidhjeje paqësore”, tha ai.

Kremlini nuk ka dhënë përgjigje.

Zoti Zelenskyy foli disa orë pasi udhëheqësit separatistë në Ukrainën lindore urdhëruan një mobilizim të plotë ushtarak të shtunën, ndërsa udhëheqësit perëndimorë bënë paralajmërime gjithnjë e më alarmante se një pushtim rus i fqinjit të tij dukej i pashmangshëm.

Ndërkohë Gjermania dhe Austria u thanë qytetarëve të tyre të largoheshin nga Ukraina. Agjencia ajrore gjermane Lufthansa anuloi fluturimet për në kryeqytetin Kiev dhe në Odessa, një port i Detit të Zi që mund të jetë një objektiv kyç në rast sulmi.

Zyra ndërlidhëse e NATO-s në Kiev tha se po zhvendoste personelin e saj në Bruksel dhe në qytetin perëndimor të Ukrainës, Lviv. Ndërkohë, zyrtarë të lartë ushtarakë ukrainas u vunë në shënjestër të një sulmi me granata gjatë një turneu në frontin e konfliktit separatist gati tetëvjeçar në Ukrainën lindore.

Zyrtarët hynë në një strehim për t’u mbrojtur nga bombat përpara se të largoheshin nga zona, sipas një gazetari të Associated Press që ishte me ta.

Dhuna në Ukrainën lindore është rritur në ditët e fundit pasi Ukraina dhe dy rajonet e mbajtura nga rebelët akuzuan njëri-tjetrin për përshkallëzim. Rusia tha të shtunën se të paktën dy predha të lëshuara nga një pjesë e kontrolluar nga qeveria e Ukrainës lindore ranë përtej kufirit, por Ministri i Jashtëm ukrainas Dmytro Kuleba e hodhi poshtë këtë pretendim si “një deklaratë të rreme”.

Dhuna sporadike ka shpërthyer prej vitesh përgjatë vijës që ndan forcat ukrainase nga rebelët e mbështetur nga Rusia, por bombardimet e fundit mund të shkaktojnë një luftë në shkallë të gjerë.

Prej disa muajsh Shtetet e Bashkuara dhe shumë vende evropiane po thonë se Rusia, e cila ka zhvendosur rreth 150,000 trupa pranë kufirit me Ukrainën, po përpiqet të krijojë pretekste për të sulmuar.

“Ata janë gati për të goditur,” tha të shtunën Sekretari i Mbrojtjes i SHBA Lloyd Austin gjatë një vizite në Lituani.

Zonja Harris tha në fillim të takimit të saj me zotin Zelenskyy se bota ishte në “një moment vendimtar në histori”.

Zonja Harris tha se Shtetet e Bashkuara do të përforcojnë krahun lindor të NATO-s për të frenuar përparimin e mëtejshëm ushtarak rus, paralalisht me paralajmërimin për sanksione.

“Kufijtë kombëtarë nuk duhet të ndryshohen me forcë,” tha zonja Harris në Konferencën e Sigurisë në Mynih.

“Ne kemi përgatitur masa ekonomike që do të jenë të shpejta, të rënda dhe të koordinuara,” tha ajo. “Ne do të vëmë në shënjestër institucionet financiare dhe industritë kryesore të Rusisë.”

Presidenti amerikan Joe Biden tha të premten se bazuar në informacionet me të fundit të agjencive amerikane të zbulimit, ai ishte “i bindur” se presidenti rus Vladimir Putin ka vendosur të ndërhyjë në Ukrainë dhe të sulmojë kryeqytetin.

“Në këtë moment, jam i bindur se ai e ka marrë vendimin,” tha zoti Biden. “Kemi arsye ta besojmë këtë.” Ai përsëriti se sulmi mund të ndodhë në “ditët e ardhshme”.

Duke nënvizuar shqetësimet e Perëndimit për një pushtim të afërt, një zyrtar amerikan i mbrojtjes tha se rreth 40% deri në 50% e forcave tokësore të dislokuara në afërsi të kufirit ukrainas janë zhvendosur në pozicione sulmi më pranë kufirit.

Zyrtari i mbrojtjes foli në kushte anonimiteti për të diskutuar vlerësimet e brendshme ushtarake të Shteteve të Bashkuara.

Zyrtari tha gjithashtu se numri i njësive tokësore ruse të njohura si grupe taktike batalionesh në zonën kufitare kishte shkuar në 125, nga 83 dy javë më parë. Secili grup ka 750 deri në 1000 ushtarë.

Por udhëheqësit perëndimorë këmbëngulin se ka ende vend për përpjekjet diplomatike.

“Shpresojmë që ai (Putini) të tërhiqet nga pragu i konfliktit,” tha zoti Austin, duke thënë se një sulm ndaj Ukrainës mund të shmangej.

“Historia nuk është shkruar ende: ka një rrugë tjetër që qeveria ruse mund të zgjedhë në çdo kohë,” tha Ministrja e Jashtme gjermane Annalena Baerbock pas një takimi të ministrave të jashtëm perëndimorë.

“Mesazhi ynë i përbashkët për ta është shumë i qartë: Mos e bëni këtë gabim fatal. Tërhiqni trupat. Le të flasim.”

Linjat e komunikimit midis Moskës dhe Perëndimit mbeten të hapura: shefat e mbrojtjes amerikane dhe ruse biseduan të premten. Presidenti francez Emmanuel Macron planifikon një telefonatë me zotin Putin të dielën. Sekretari amerikan i Shtetit Antony Blinken dhe ministri i jashtëm rus Sergey Lavrov ranë dakord të takohen javën e ardhshme. /VOA

The post Sulmet në lindje, presidenti ukrainas kërkon takim me homologun rus Vladimir Putin appeared first on Albeu.com.