Mes tjerash, Putin ka thënë se secili agresion kundër Bjellorusisë do të konsiderohet sulm ndaj Rusisë, dhe se Moska do ta mbronte shtetin fqinj me të gjitha mjetet që i ka në dispozicion.

Komiteti i Sigurisë në Varshavë ka marrë vendim të mërkurën për t’i dërguar disa njësite ushtarake në lindje të Polonisë pasi anëtarë të grupit mercenar rus Wagner kanë arritur në Bjellorusi, ka thënë agjencia shtetërore e lajmeve PAP, duke e cituar sekretarin e komitetit.

Të mërkurën, shefi i Wagnerit, Yevgeny Prigozhin, është parë në një video duke i mirëpritur luftëtarët e tij në Bjellorusi, duke u thënë se nuk do të marrin më pjesë në luftën në Ukrainë, mirëpo do të përgatiten për Afrikë teksa e stërvitin ushtrinë bjelloruse.

Prigozhin ka thënë se Wagner, i cili ka zhvilluar luftë të ashpër në qytetin ukrainas të Bahmutit, është forca luftarake më efektive e Rusisë.

Mirëpo përplasjet e shpeshta me udhëheqësinë ushtarake në Moskë, kanë rezultuar me nisjen e një rebelimi nga ana e tij, katër javë më parë.

Rebelimi ka përfunduar me një marrëveshje që parasheh largimin e Wagnerit në Bjellorusi, apo anëtarësimin e pjesëtarëve të grupit në ushtrinë ruse.

Putin ka thënë se ka raportime në media se një njësit polako-lituanez do të shfrytëzohet për operacionet në perëndim të Ukrainës – pjesë të së cilës dikur i kanë takuar Polonisë – dhe që ta pushtojë territorin atje.

“Dihet mirë se ata ëndërrojnë edhe tokën bjelloruse”, ka thënë ai, pa ofruar ndonjë të dhënë.

Polonia, në anën tjetër, ka hënë se nuk ka ambicie territoriale në Bjellorusi./rel

The post Putin, Polonisë: Çdo agresion kundër Bjellorusisë është sulm ndaj Rusisë appeared first on Albeu.com.

“Presidenti Putin bëri disa gabime të mëdha kur pushtoi Ukrainën, gabime strategjike”, tha Sekretari i Përgjithshëm i NATO-s për mediat jashtë zyrës së kryeminsitrit britanik në Londër gjatë një vizite në Mbretërinë e Bashkuar.

“Një gabim ishte nënvlerësimi i ukrainasve, guximi i tyre, angazhimi i tyre për të luftuar dhe mbrojtur vendin e tyre, ndërsa gabimi tjetër që ai bëri ishte nënvlerësimi i aleatëve, partnerëve të NATO-s, në aftësinë tonë për të mbështetur Ukrainën”, u shpreh Stoltenberg.

“Ajo që kemi parë është se aleatët dhe partnerët e NATO-s kanë ofruar mbështetje të paprecedentë për Ukrainën. Dhe ajo që shohim kur shikoni sondazhet e opinionit, mesazhet politike nga vende të ndryshme aleate të NATO-s, është se ne jemi të gatshëm të vazhdojmë të ofrojmë mbështetje për aq kohë sa të duhet.”

Ai tha se ka “gjithmonë disa zëra që kanë një mendim të ndryshëm”, por “mesazhi i qartë” nga shumica është se “ne do të vazhdojmë të mbështesim Ukrainën”.

The post Lufta në Unkrainë, Stoltenberg: Putin bëri gabim, nuk duhet të kishin nënvlerësuar NATO-n dhe ukrainasit appeared first on Albeu.com.

Në të njëjtin njoftim, Rexhep Tajip Erdogan përsëriti se është i gatshëm të bëjë gjithçka që mundet për zgjidhjen paqësore të çështjes së Ukrainës për të mirën e të gjithëve, shkruajnë mediat greke.

The post Pas përfundimit të samitit të Pragës, Erdogan telefonon Putin-in, çfarë diskutuan appeared first on Albeu.com.

Dekreti, që u nënshkrua më 31 korrik në Ditën e Marinës, hyn në fuqi menjëherë.

Në doktrinë përmenden aktivitetet dhe rritja e mundshme e aleancës ushtarake të NATO-s, dëshira e pretenduar e SHBA-së për të dominuar detet dhe supozimet se dëshiron të ketë pretendime mbi territorin e Rusisë. Në doktrinë po ashtu përmenden si kërcënim për sigurinë e Rusisë një sërë shtetesh të huaja.

Duke folur në shënimin e Ditës së Marinës, Putin tha se kjo doktrinë thotë se Arktiku, Deti i Zi, ai i Okhotskit dhe Beringut, si dhe ngushticat e Baltikut dhe Kurilit, janë zona me interes kombëtar.

Ai tha se aftësia e marinës ruse për t’iu përgjigjur kërcënimeve menjëherë është kyçe në mbrojtjen e sovranitetit dhe lirive në Rusi. Putin shtoi se forcat detare, tokësore, ajrore dhe nëndetëset janë në gatishmëri të lartë dhe “vazhdimisht po përmirësohen”.

Presidenti rus premtoi se do të ketë ndërtim në shkallë të gjerë të anijeve dhe do të investohet në programet për kërkime shkencore detare.

Doktrina detare ruse fillimisht ishte miratuar më 2001. Ky dokument u përditësua në verën e vitit 2015, pas aneksimit të paligjshëm rus të Gadishullit ukrainas të Krimesë./REL/

The post Putin nënshkruan dekretin: NATO dhe SHBA kërcënimet kryesore appeared first on Albeu.com.