Duke folur para Parlamentit gjerman, ai ka thënë se Gjermania e ka liruar veten nga varësia në gazin rus, mirëpo është duke punuar në uljen e çmimeve, përfshirë sigurimin e kontratave të reja për furnizim me gaz nga shtetet tjera.

Ushtria ruse e ka dëmtuar rëndë infrastrukturën e energjisë në Ukrainë ditëve të fundit, duke nxitur autoritetet ukrainase që të vendosin kufizime në konsum të rrymës, për herë të parë prej nisjes së luftës.

Rusia, në anën tjetër, e ka mohuar se shënjestron civilët.

“Ne nuk do ta lëmë pa përgjigje përshkallëzimin e fundit të Moskës… taktikat e tokës së djegur nuk do t’i ndihmojnë Rusisë që të fitojë luftën. Ne vetëm do të vazhdojmë forcimin e unitetit dhe vendosmërinë e Ukrainës e të partnerëve të saj”, ka thënë Scholz para Parlamentit gjerman.

“Të gjitha gënjeshtrat dhe propaganda, bisedimet për ‘operacione speciale’ dhe fitoret e shpejta – të gjitha janë fasadë”.

Më 20 tetor, kompania ukrainase e rrjetit energjetik, Ukrenergo, u ka bërë thirrje banorëve që të “mbushin të gjitha bateritë” para nisjes së kufizimeve në furnizim me energji, duke paralajmëruar edhe për ndërprerje totale të energjisë, nëse nuk kursehet rryma.

Oleksandr Kharchenko, këshilltar në Ministrinë e Energjisë, ka thënë më 19 tetor se, sipas të dhënave të reja, rreth 40 për qind e infrastrukturës totale është dëmtuar seriozisht.

Lufta në Ukrainë ka nisur më 24 shkurt. Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

The post Scholz: Taktikat e tokës së djegur nuk do t’i ndihmojnë Putinit appeared first on Albeu.com.

Vladimir Putin njihet për dashurinë e tij për një mënyrë jetese aktive, por si fillon dita e tij dhe kur është më i fokusuar në marrjen e vendimeve më të rëndësishme të Rusisë?

Pas konfliktit midis Rusisë dhe Ukrainës, jeta e Vladimir Put intrigon më tej njerëzit në mbarë botën.

Si duket rutina e përditshme e presidentit rus?

Putini zgjohet më vonë në mëngjes dhe ha mëngjes rreth mesditës.

Më shpesh, mëngjesi është një omëletë ose vezë të ziera në kombinim me lëng të freskët.

Ushqimi për vaktet e tij është nga ferma e liderit fetar të Rusisë, Patriarkut Kirill, pohojnë disa media ruse.

Më pas vijon një not 2-orësh, të cilin e konsideron si momentin më të mirë për të marrë vendime të rëndësishme për Rusinë.

 Pastaj ai ngre pesha në palestër.

Edhe pse është 65 vjeç, dashuria e tij për jetën aktive dhe sportin është e madhe.

Në vitin 2015, ai u fotografua duke u praktikuar me kryeministrin rus Dmitry Medvedev.

Ai ka një stil konservator të modës, i pëlqen kostumet e thjeshta dhe klasike.

Putin thuhet se fillon punën edhe pasdite, duke u ulur në zyrë dhe duke lexuar.

Ai lexon raporte nga shërbime të ndryshme, por edhe publikime në media.

Gjatë udhëtimit, ekipi i tij kryen kontrolle serioze të dhomave në të cilat ai qëndron dhe ushqimeve që i serviret.

Putini nuk pi alkool, përveçse në disa pritje zyrtare.

Ai është fetar. I pëlqen të pushojë me hokej mbi akull.

Vladimir Putin ishte i martuar për 30 vjet me Lyudmila Putin, me të cilën kishte dy vajza dhe në vitin 2014 ajo u zhduk nga jeta e tij dhe publiku. Pas divorcit nga Ludmila, ata e lidhën atë me shumë gra, por më shpesh do të dëgjoni emrin e Alina Kabayeva, kampiones botërore në gjimnastikë nga Rusia, në tregimet për Putinin. U përfol se ajo lindi binjakë për të dhe më pas u zhduk.

Askush nuk e di nëse Vladimir Putin është i martuar dhe sa fëmijë ka, dhe e vetmja grua që prezantoi para publikut është Lyudmila Putin, me të cilën është i martuar prej 30 vitesh dhe së bashku kanë dy vajza, Maria dhe Katerina.

Maria sot është 36 vjeç dhe jeton në Moskë me bashkëshortin e saj Jorit Fasen, holandez. Dyshohet se çifti ka një fëmijë, sepse në vitin 2017, Putin i pranoi regjisorit Oliver Stone se ai ishte gjysh. Kur Stone e pyeti nëse luante me nipin e tij, Putini u përgjigj: “Shumë rrallë, për fat të keq”.

Katerina  vajza tjetër thuhet se e jeton jetën në nivele të larta, në një apartament luksoz dhe ka grumbulluar pasuri të madhe.

Ajo është një kërcimtare akrobatike 34-vjeçare me përvojë, e cila mban një pozicion të lartë në Universitetin Shtetëror të Moskës.

Ajo u martua me miliarderin rus Kirill Shamalov në vitin 2013, por ata u divorcuan në vitin 2018. Padia e divorcit zbuloi se pasuria e tyre vlerësohet në dy miliardë dollarë.

Nga gruaja e tij Lyudmila, Putin u divorcua në vitin 2013, pas 30 vitesh martesë.

“E kuptoj se nuk do të martohem kurrë nëse nuk e bëj këtë në dy ose tre vitet e ardhshme. Edhe pse, sigurisht, jam mësuar të jetoj vetëm”, tha Putin për Washington Post.

Ka pasur spekulime publike se martesa e tyre u gjykua nga të dashurat e ndryshme të Putinit ndër vite. G.D/albeu.com/

The post Vladimir Putin, detaje intriguese nga jeta e Presidentit të Rusisë appeared first on Albeu.com.