Berisha theksoi se shumë vende janë shprehur skeptikë për raportin e IBAR, kushtet e ndërmjetme për integrimin në BE, ndërsa shtoi se “një breshëri të re kushtesh e kërkesash që do t’i vendosen Shqipërisë.”

Kryedemokrati ironizoi kryeministrin, teksa tha se duke deklaruar se ka më pak korrupsion po bëhet më i besueshëm, duke iu referuar deklaratave që ka mbajtur ditët e fundit në takimet që ka mbajtur me socialistët.

“Ka mbi një muaj që në Bruksel, përfaqësues të të gjitha vendeve anëtare, kanë bërë gjer dje 5 takime dhe prapë Shqipëria mbetet në klasë për shkak të vjedhjes së Ramës e Ballukut e AKSHI-t të Lindave. Ai është një raport i ndërmjetëm, nuk është përfundimtar dhe as të ndërmjetmë, nuk e kanë pranuar. Janë bërë një grup i madh vendesh, të cilët kanë sjellë dje një breshëri të re kushtesh e kërkesash që do t’i vendosen Shqipërisë në rrugën e integrimit. Të gjitha këto për vjedhjet e Ramës me Lubi Ballukun e Lindat e tij. Dhe del nga një sallë në një tjetër me patronazhistët hajdutë, e kriminelë elektoralë, duke akuzuar dhe mbrojtur korrupsionin, duke deklaruar se nuk kemi shumë korrupsion.

Kujton se nuk e ka parë bota lakuriq atë kur i bllokoi heqjen e imunitetit të Balluku, mendon se të tjerët nuk e dinë se mbrojti veten e tij e jo Lubinë, mendon se nuk e dinë se Linda e AKSHI-t nuk është gjë tjetër vetëm maska e Lindës së Surrelit. E vërteta është që Shqipëria po ndëshkohet pavarësisht nga mashtrimet e tij, por një breshëri kushtesh të reja vendosen dhe de facto pas proceseve të mundshme të anëtarësimit të Islandës, Shqipëria largohet me Edi Ramën, me shpejtësi mbrapa nga horizonti.

Mendon se duke deklaruar se ka më pak korrupsion seç kishte, bëhet më i besueshëm kur të gjithë e dinë se kryehajduti i vendit është ai. Punët e Ramës janë sarajet e Surrelit, pallati i Linda Ramës pa asnjë faturë, porti i Durrësit që shkon disa miliarda, tuneli i Llogarasë, autostrada Librazhd-Dragostunjë, e shembur sikur t’i kesh hedhur bombën më të madhe që ekziston, rrugët e shembura në të 4 anët e vendit”, tha Berisha.

The post Berisha: Shqipëria ka mbetur në klasë për shkak të vjedhjeve të Ramës dhe Ballukut, një ‘breshëri’ e re kushtesh do të vendosen për integrimin në BE appeared first on Albeu.com.

SPAK ka nisur hetimet për shumë prej tyre, të cilët akuzohen për vepra të rënda penale, që nga vrasjet, vjedhjet, grabitjet me armë, etj.

Njëri prej tyre veçanërisht, është emri më i përmendur i çastit dhe ai më i akuzuari e më i kërkuari nga SPAK: Talo Çela.

Çela ka qenë prej vitesh ndër emrat më të lakuar në botën e krimit në vend.

Në aktakuzën e SPAK, ai përmendet për nëntë krime, që prej vrasjeve, deri tek vjedhjet.

Dëshmia e ish-mikut të Talos, Nuredin Dumanit, pasi ky i fundit u kap në flagrancë në Fier, pikërisht pas një atentati të kryer në Elbasan ndaj Çelës (siç mendohet), e ka bërë figurën e më të kërkuarit nga SPAK të vihet në gojën e në titujt e të gjithë mediave.

Një ndër krimet e para për të cilat ai përmendet, është vrasja me paramendim e Fatmira Habili (Dedaj) në 14 shtator 2013.

Këtë të fundit, Çela (sipas deklaratës së Dumanit), e ka vrarë duke e kapur në garazhin e shtëpisë së saj. Më pas, ai e ka rrahur e më tej e ka prerë në qafë me një thikë. Gjithçka, për t’u bërë të dukej si një tentativë grabitjeje e shkuar në fatalitet.

Një tjetër ngjarje është ajo e vrasjes së shtetasit Andy Zylyfi dhe plagosjes së Ardit Uruçit.

Tjetër vrasje që sipas Dumanit e ka kryer Çela, këtë herë për arsye hakmarrjeje, është ajo e Arben Çetës, më 14 nëntor 2013.

Më pas, vijohet me disa vjedhje.

E para ka të bëjë me një vjedhje me armë të kryer në bashkëpunim, ndaj shtetasit Xhemal Liçi, në 19 dhjetor 2012.

Tjetër ngjarje është ajo e vjedhjes në dëm të Hamit Haxhisë, kryer më 11 shkurt 2013.

Katër vjedhje të tjera, të shtrira në kohë, i atribuohen po Talo Çelës, nga dëshmia e Nuredin Dumanit.

Kështu, figura e ndërtuar rreth tij është kthyer në një mit të vërtetë në botën e krimit.

Dyshime ka edhe se Çela është pjesëmarrësi kryesor i vjedhjes së një shume të madhe parash nga një avion në pistën e Rinasit, pavarësisht se ai e ka mohuar çdo akuzë.

Megjithatë ai sot është njeriu më i kërkuar nga SPAK dhe askush nuk e di se ku ndodhet. Kujtojmë gjithashtu se gazetari Artan Hoxha u shpreh në një studio televizive se mund të mos e shohim më kurrë Talo Çelën.

The post Nga vrasjet te grabitjet me armë, pse Talo Çela është njeriu më i kërkuar në Shqipëri appeared first on Albeu.com.