Gjatë procesit në KPK, Kasajt, i cili u hetua fillimisht vetëm për kriterin e pasurisë dhe më pas për dy kriteret e tjera, iu vunë në dukje disa transaksione të komplikuara dhe mungesë burimesh për të mbuluar pasurinë.

Komisioni, që i kishte kaluar prokurorit barrë prove për deklarim të rremë dhe mungesë burimesh financiare, pati analizuar se përfshirja e prokurorit në këto transaksione kishin sjellë “cënim të besimit të publikut te drejtësia”.

Emror Kasaj, e ka nisur karrierën në sistemin e drejtësisë në vitin 2000, si oficer i Policisë Gjyqësore.

Prej vitit 2015, ai ushtronte funksionin e prokurorit në Prokurorinë e Rrethit Gjirokastër.

Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Albana Shtylla relatore, Ina Rama, Natasha Mulaj, Sokol Çomo anëtarë, vendosi dje unanimisht lënien në fuqi të vendimit nr. 529, datë 09.05.2022 të KPK-së.

Vendimi:

Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Albana Shtylla relatore, Ina Rama, Natasha Mulaj, Sokol Çomo anëtarë, shpalli vendimin për çështjen nr. 31/2022, datë 13.07.2022, që i përket ankimit të subjektit të rivlerësimit Emror Kasaj kundër vendimit të Komisionit të Pavarur të Kualifikimit nr. 529, datë 09.05.2022.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 529, datë 09.05.2022 të Komisionit të Pavarur të Kualifikimit, që i përket subjektit të rivlerësimit Emror Kasaj.

Ky vendim është përfundimtar dhe ka efekt të menjëhershëm.

U shpall në Tiranë, më datë 23.04.2025.

The post Vettingu/ Prokurori i Gjirokastrës, Emror Kasaj del nga sistemi i drejtësisë appeared first on Albeu.com.

Për 32 prej tyre treshja e vlerësimit ka dhënë përgjigje pozitive, duke i konfirmuar në detyrë.

I vetmi deri më tani që është përjashtuar për shkak të Vettingut është Theodhori Gravani, pasi u gjet i përshtatshëm për të ushtruar detyrën.

Ndërsa ish-drejtori i Lezhës Vehbi Bushati, ka zgjedhur me dëshirë për t`u larguar me qëllim mos nënshtrimin e procesit.

Ndërkohë procesi i Vettingut është ndërprere për 12 ish-drejtues, pasi nuk janë subjekt i nënshtrimit të këtij procesi.

Ndërkohë, AMP në javët në vijim do të shpallë vendimin edhe për 3 drejtues të tjera për të cilën kanë dhënë shpjegimi para komisionit të vlerësimit

I pari që iu nënshtrua këtij procesi, ishte drejtori i Shkodrës Edmond Sulaj që pasi u verifikua në tri kritere rezultoi i pastër.

Pas shortit të hedhur nga ish ministri Bledi Cuca me 11 prill 2023, u përcaktuan 36 subjektet e para të vlerësimit. E ndërsa po me këtë mënyrë do të veprohet edhe me drejtuesit e tjerë.

The post 10 muaj nga “ringjallja” e Vettingut/ Vetëm 1 polic i përjashtuar, u konfirmuan në detyrë 32 drejtues appeared first on Albeu.com.

Thodhori Gravani, mbante pozicionin e Drejtorit të Drejtorisë së Bashkëpunimit Ndërkombëtar në Departamentin për Marrëdhëniet Ndërkombëtare në Drejtorinë e Përgjithshme të Policisë së Shtetit.

Më 23 janar, AMP ka mbajtur seancë publike edhe për Edmond Rizajn, Drejtor i Drejtorisë së Hetimit, në Departamentin e Policisë Kriminale, pranë Drejtorisë së Përgjithshme të Policisë së Shtetit, dhe edhe në këtë rast media nuk është njoftuar.

The post Vettingu në polici, shkarkohet nga detyra Thodhori Gravani appeared first on Albeu.com.

Në seancën publike trupi gjykues, është shprehur se hetimi i tij u bë në tri kriteret, pastërtinë e figurës, profesionalizëm dhe kriterin e pasurisë, ku vlerësimi ka qenë pozitiv.

Trupa e Vlerësimit përbëhej nga Suela Bulku,  Kryesuese, dhe relatori Arben Sefaj e anëtarja Denisa Sina.

Kujtojmë që më 18 dhjetor, u konfirmua në detyrë edhe Kreu i policisë së Shkodrës, Edmond Sulaj.

Ndërkohë, një tjetër drejtues do të kalojë në ‘sitë’ gjatë kësaj jave.

The post Vettingu në Policinë e Shtetit, konfirmohet në detyrë Drejtori i Kufirit dhe Migracionit në Gjirokastër appeared first on Albeu.com.

Sipas Ballës, për këtë qëllim do të vijojë Vettingu i funksioneve drejtuese në Policinë e Shtetit, si një mekanizëm i domosdoshëm vlerësimi.

Deklarata e Ballës:

“Procesi i vetëpastrimit të Policisë së Shtetit lidhet ngushtësisht me garantimin e integritetit të drejtuesve të Policisë. Për këtë qëllim do të vijojë vetingu i funksioneve drejtuese në Policinë e Shtetit si një mekanizëm i domosdoshëm vlerësimi, i cili rrit besueshmërinë e drejtuesve brenda organizatës, por edhe forcon besimin e qytetarëve. Përgëzime Trupave Vlerësuese dhe drejtuesve të AMP për punën voluminoze”, shprehet Balla.

The post Vettingu në polici, flet Balla: Mekanizëm i domosdoshëm vlerësimi appeared first on Albeu.com.

Ministria e Brendshme, bën me dije se janë 3 drejtues të lartë të Policisë dhe AMP që do të përballen me gjetjet e Trupës Vlerësuese.

Një prej tyre do të jetë Edmond Sulaj, me funksion Drejtor i Drejtorisë Vendore të Policisë Shkodër, në Policinë e Shtetit.

Trupa e Vlerësimit: Arben Sefaj, kryesues, Denisa Sina, relatorë dhe Suela Bulku, anëtare.

Sulaj më herët, ka mbajtur detyrën e drejtuesit në Drejtorisë kundër Krimeve ndaj Personit dhe Pasurisë, në Departamentin e Policisë Kriminale, në Drejtori të Përgjithshme, apo drejtues në disa qarqe.

Drejtuesit do të japin shpjegime në tre shtylla hetimi, pasuri, aftësi profesionale dhe pastërti figure.

Salla është vendosur të jetë ajo e konferencave në Ministrinë e Brendshme, për shkak të hapësirës së mjaftueshme për komisionin, subjektet, publikun dhe median.

Veting-u në Policinë e Shtetit rikthehet kësaj radhe për t’u bërë nga AMP, pas pushimit së ekzistuari të Komisionit të Jashtëm të Vlerësimit, që kishte vonesa të shumta.

Seancat e ditëve të para do të jenë për 36 subjekte, mes të cilëve drejtorë në aparatin qendror të policisë dhe drejtoritë e qarqeve, shorti i të cilave është hedhur në muajin prill, por sipas burimeve pranë AMP, akoma nuk janë vendosur emrat e parë.

Deri në këtë fazë, nga prilli kur AMP nisi vettingun në nivelet drejtuese janë marrë 3 vendime pa hetim.

I pari për Vehbi Bushatin ish-drejtues i Lezhës, i cili hoqi dorë nga policia dhe mori detyrën administrative si këshilltar i kreut të policisë, Muhamet Rrumbullaku.

I dyti për Oltion Bistrin, i cili fillimisht si drejtues i Operacionales ishte subjekt hetimi, por  ulja në detyrë si specialist te Krimet në Volum e përjashtonte nga kontrolli.

Bistri u arrestua disa ditë më vonë në muajin korrik.

I njëjti kusht ishte edhe për ish-drejtuesen e Infrastrukturës, Nevila Xoxa. Vetingu në Policinë e Shtetit rikthehet në një periudhë të nxehtë për strukturën, e cila po përballet me SPAK, pas arrestimit të disa prej eksponentëve të saj në lidhje të ngushtë me krimin.

The post Vettingu në Policinë e Shtetit, 3 drejtues të Lartë të Policisë dhe AMP-së dalin sot para trupës Vlerësuese appeared first on Albeu.com.

Njoftimi:

“Vetëpastrimi i Policisë së Shtetit po kalon në një fazë të re. Javën e ardhshme, duke nisur nga data 18 dhjetor, ora 09:00, do të nisin seancat publike me subjektet e vlerësimit kalimtar, që pas ndryshimeve të fundit ligjore, kryhen nga Trupa e Vlerësimit që është ngritur pranë Agjencisë së Mbikëqyrjes Policore.

Janë 3 drejtues të lartë të Policisë dhe AMP që do të përballen me gjetjet e Trupës Vlerësuese. Seancat publike do të mbahen në sallën e konferencave të Ministrisë së Brendshme dhe janë të hapura për publikun e median. Për më shumë detaje ndiqni faqen zyrtare të Agjencisë: www.amp.gov.al”, thuhet në njoftim.

The post Rinis “vettingu” në Policinë e Shtetit appeared first on Albeu.com.

Kështu, ish-prokurorja do të marrë nga shteti shqiptar shumën prej 24600 euro.

Në vendimin e qeverise thuhet se 19 600 do ti marrë në lidhje me dëmin pasuror dhe jopasuror, si dhe në shumën 5 000 euro, në lidhje me kostot dhe shpenzimet, plus çdo taksë që mund të jetë e aplikueshme.

“Pagimi i shumës të depozituar, sipas përcaktimeve në pikën 3, të këtij vendimi, në favor të kërkueses Antoneta Sevdari, bëhet nga Ministria e Financave dhe Ekonomisë, pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i gjykatës është bërë përfundimtar”, thotë qeveria.

Po ashtu në vendimin e qeverisë thuhet se “Mbi shumën e përcaktuar në pikën 1, të këtij vendimi, duke filluar nga data 13.6.2023 deri në datën e ekzekutimit të këtij vendimi, paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3 (tre) %”.

VENDIMI

EKZEKUTIMIN E VENDIMIT TË GJYKATËS EVROPIANE PËR TË DREJTAT E NJERIUT, DATË 13.12.2022, PËR ÇËSHTJEN “SEVDARI KUNDËR SHQIPËRISË” (PËR KËRKESËN NR.40662/19)

Në mbështetje të nenit 100 të Kushtetutës, të nenit 46, të Konventës Evropiane për Mbrojtjen e të Drejtave të Njeriut dhe Lirive Themelore, ratifikuar me ligjin nr.8137, datë 31.7.1996, “Për ratifikimin e Konventës Evropiane për Mbrojtjen e të Drejtave të Njeriut dhe Lirive Themelore”, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.84/2022, “Për buxhetin e vitit 2023”, me propozimin e Kryeministrit, Këshilli i Ministrave

V E N D O S I:

Ekzekutimin e vendimit të Gjykatës Evropiane për të Drejtat e Njeriut, datë 13.12.2022, për çështjen “Sevdari kundër Shqipërisë”, kërkesa nr.40662/19, përfundimtar në datën 13.3.2023, në shumën 19 600 (nëntëmbëdhjetë mijë e gjashtëqind) euro, në lidhje me dëmin pasuror dhe jopasuror, si dhe në shumën 5 000 (pesë mijë) euro, në lidhje me kostot dhe shpenzimet, plus çdo taksë që mund të jetë e aplikueshme.

Vlera e përcaktuar si detyrim në pikën 1, të këtij vendimi, konvertohet në lekë, në bazë të kursit të këmbimit të bankës ku depozitohet shuma në datën e kryerjes së pagesës.

Vlera e përcaktuar si detyrim në pikën 1, të këtij vendimi, depozitohet në një nga bankat e nivelit të dytë, në emër të kërkueses Antoneta Sevdari, në vlerën që shteti shqiptar detyrohet, sipas vendimit përfundimtar të Gjykatës Evropiane për të Drejtat e Njeriut, datë 13.12.2022, “Sevdari kundër Shqipërisë”, kërkesa nr.40662/19.

Pagimi i shumës të depozituar, sipas përcaktimeve në pikën 3, të këtij vendimi, në favor të kërkueses Antoneta Sevdari, bëhet nga Ministria e Financave dhe Ekonomisë, pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i gjykatës është bërë përfundimtar.

Mbi shumën e përcaktuar në pikën 1, të këtij vendimi, duke filluar nga data 13.6.2023 deri në datën e ekzekutimit të këtij vendimi, paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3 (tre) %.

Efektet financiare, të parashikuara për ekzekutimin e këtij vendimi, përballohen nga fondi rezervë i buxhetit të shtetit, për vitin 2023.

Ngarkohet Ministria e Financave dhe Ekonomisë për zbatimin e këtij vendimi.

The post U dogj nga Vettingu por fitoi gjyqin në Strasburg, qeveria i jep 24 mijë euro ish-prokurores Antoneta Sevdari appeared first on Albeu.com.

I pyetur nga gazetarët nëse nëpunësit e administratës duhet t’i nënshtrohen vettingut, Manja tha se ky proces nuk i ndalon fenomenet kriminale.

Pyetje: A duhet Vetting për nënpunësit e administratës civile që mos ndodhe që në nëpunëse që fillon punë në 2016, pas 6 vitsh pastruesja t’i vjedhë qindar miliona euro në shtëpi?

Manja: Vettingu ka fituar njëfarë qytetarie dhe thjesht diskutimi i fjalës vetting e jep efektin. A duhe të ketë vetting në të gjitha qelizat e administratës publike? Unë nuk mendoj se vettingu është një masë permanente që parandalon fenomenet kriminale në shoqëri. Është një fotografi e momentit, e një gjendjeje të caktuar për një zyrtar publik. Po pasi të bëhet vettingu çfarë do ndodhë? Se ja rezultoi i pastër një zyrtar e mori certifikaën e pastërtisë, por kjo nuk do të thotë se fitoi imunitet ndaj korrupsionit dhe veprave penale. Kjo është një punë konstante e agjencive ligjzbatuese.

/Albeu.com/ 

The post Vjedhja e 120 mijë eurove nga pastruesja, Vetting administratës? Manja: Nuk parandalon fenomenet kriminale appeared first on Albeu.com.

Strasburgu theksoi se ne lidhje me rastin e Sevradit ka shkelje te nenit 8 dhe se shkarkimi nuk ka qene proporcional. Pavarësisht se Sevdari kaloi shkallën e parë të vettingut dhe u zgjodh anëtare e Këshillit të Lartë të Prokurorisë, prokurorja u shkarkua nga detyra nga KPA.

Por Sevdari nuk u ndal me kaq, duke e çuar çështjen në Gjykatën e Strasburgut.

Procesi i vettingut:

Vendimi për shkarkimin e Sevdarit u mor pas përballjes së saj me Kolegjin e Posaçëm të Apelimit, pasi Komisioneri Publik kërkoi rihapjen e hetimit për të.

Prokurorja Sevdari kaloi pa probleme në Komisionin e Pavarur të Kualifikimit, por Komisioneri Publik deklaroi se vendimi i Shkallës së Parë është marrë pa u bërë fillimisht një hetim i thelluar të paktën në dy kritere.

Me sa duket pasuria e bashkëshortit të saj solli edhe verdiktin final. Por në seancën e fundit drejtuesi i trupit gjykues të KPA-së bëri të ditur se për prokuroren ishte bërë një denoncim i ri në datën 5 shkurt nga një shtetas i quajtur Aleksandër Marku.

Sevdari e ka filluar karrierën si prokurore në Prokurorinë e Rrethit Gjyqësor Durrës në vitin 2002 dhe në vitin 2013 ajo është transferuar në Prokurorinë e Rrethit Gjyqësor Tiranë, ku ka qenë pjesë e task-forcës kundër krimit ekonomik dhe korrupsionit.

Prokurorja Antoneta Sevdari kishte një pasuri të deklaruar prej 4.4 milionë lekë në vitin 2003 – kur deklaroi për herë të parë në Inspektoriatin e Lartë të Deklarimit dhe Kontrollit të Pasurive. Në fund të vitit 2017 pasuria familjare e Znj. Sevdari kap një vlerë prej 20.2 milionë lekë, duke regjistruar një rritje të pasurisë bruto me 4.6 herë. Rritja e mesatare e pasurisë së çiftit Sevdari ka qenë 1.1 milionë lekë në vit.

Pasuria e Znj. Sevdari përbëhet nga pasuri të paluajtshme në vlerë 16.5 milionë lekë, pasuri të luajtshme në vlerë 1.5 milionë lekë, likuiditete në bankë në vlerë 600 mijë lekë dhe likuiditete në cash në vlerë 1.5 milionë lekë.

Pasuritë e paluajtshme konsistojnë në një shtëpi banimi të ndërtuar pa leje në vitin 2001-2002 me vlerë 3 milionë lekë në Durrës dhe legalizuar në vitin 2013 kur zortëron 25%, me burim të ardhurat familjare dhe të ardhurat e bashkëshortit nga emigracioni. Një aparament me vlerë 97,500 euro dhe sipërfaqje 101 m2, plus 12 m2 ammbjente të përbashkëta dhe një tokë truall në fshatin Yzberisht në Tiranë.

Të ardhurat e familjes Sevdari gjatë periudhës 2003-2017 kapin prej afro 57.8 milionë lekë, ku 29.4 milionë lekë ose 49.3 % vijnë nga aktiviteti i bashkëshortit si person fizik, 14.8 milionë lekë ose 29.4 % nga paga dhe shpërblimet e subjektit, 6.3 milionë lekë ose 10.5 % nga pagat e bashkëshortit dhe 15.3 % nga të ardhurat e tjera.

The post U shkarkua nga vettingu, ish-prokurorja Antoneta Sevdari fiton procesin me qeverinë në Strasburg appeared first on Albeu.com.