Protestat janë thirrur nga Komisioni i Rithemelimit dhe po zhvillon në heshtje në sloganin “ Stop vrasjeve në Komisariate”.

Në Fier janë mbledhur qytetarët, të cilët shoqëroheshin nga deputeti demokrat Luan Baçi. Ata vendosën qirinj në hyrje të komisariatit dhe më pas u shpërndanë.

Edhe në Vlorë janë mbledhur qytetarët para komisariatit të cilët po ashtu protestuan në mënyrë paqësore dhe vendosën qirinj.

Protesta janë zhvilluar dhe në Shkodër, Sarandë, Librazhd, Korçë, Durrës, Kukës etj.

Kujtojmë se Ilvi Meta, 31 vjeç, vdiq disa ditë më parë në paraburgimin e komisariatit të policisë së Kavajës, Për këtë ngjarje policia thotë se është vetëvarur me lidhësen e kapuçit të xhupi, ndërsa familja e tij thotë se ka vdekur nga dhuna e policëve./albeu.com

The post Vdekja e Ilvi Metës, nisin protestat në të gjithë komisariatet e vendit (VIDEO) appeared first on Albeu.com.

Abc ka zbardhur bisedën telefonike të bërë mes një prej policëve të arrestuar për ngjarjen dhe vëllait të tij.

“Ndaj të riut është ushtruar dhunë psikologjike gjatë kohës që është marrë në pyetje, është sharë dhe ofenduar rëndë. Na e sollën të dhunuar psikologjikisht dhe na e lanë neve”, ky ka qenë komunikimi që një nga 3 policët e arrestuar i ka thënë vëllait të tij, për ngjarjen e ditës së djeshme. Dhuna psikologjike që i është ushtruar dyshohet të jetë dhe shkaku që e ka çuar të riun drejt aktit të rëndë.

Ndërkohë që një nga familjarët e Ilivi Metës ka thënë në media ditën e sotme, se një nga policët që e ka arrestuar i ka thënë vëllait të tij në telefon se po e arrestojnë kot.

Gjithashtu të njëjtat burime bëjnë me dije për Abc se personi që e ka marrë në pyetje të riun veç dhunës psikologjike dyshohet t’i ketë fikur edhe cigaren në trup, por për këtë gjë pritet të dalë raporti përfundimtar i mjekësisë ligjore.

The post “E dhunuan psikologjikisht dhe i fikën cigaren në trup”, zbardhet biseda mes policëve të arrestuar dhe familjarit për vdekjen Ilvi Metës appeared first on Albeu.com.

Kjo deklaratë e tij bëri bujë në media, ndërsa ai ka reaguar sërish për emisionin “Në shënjestër” duke sqaruar pse besonte se ai ishte vrarë nga policët e komisariatit.

“Unë nuk mund të tregoj burimin, por duke qenë në detyrën e deputetit pata një telefonatë nga një person brenda policisë. Ngjarja i ka mbetur në dorë policisë. Kjo ngjalli irritim. Detyra jonë si politikan dhe opozitë është të vendosim alarmin dhe të dalë e vërteta ashtu sic është. Segmente të caktuara kanë dashur të mbulojnë ngjarje të tilla, siç është rasti i Klodian Rashës. Nuk ka asgjë më shumë. Nuk ka akuza të drejtpërdrejta për persona të caktuar. Është e rëndësishme të hetohet, të dalë e vërteta. Kjo është e rëndësishme. Kam pyetur edhe dy tre burime të tjera dhe japin indicie që është ushtruar dhunë ndaj viktimës. Mund të mos ketë ardhur vdekja nga ushtrimi i dhunës. Rastet që kanë ndodhur apo dinamikat e ngjarjes duhet të hetohen në detaje. Apeli është për të gjithë punonjësit e shtetit. Të hetohet me ndershmëri, pastërti dhe drejtësi. Të njëjtin apel kam edhe për Prokurorinë e Kavajës. Të dalë e vërteta ashtu siç është Nëse autopsia nxjerr që është ushtruar dhunë të gjithë personat që kanë shkelur ligjin duhet të mbajnë përgjegjësi,” tha Sula./albeu.com

The post “31-vjeçari nuk u vetëvar, e vranë”, deputeti demokrat sqaron deklaratën: Telefonata që mora nga brenda policisë appeared first on Albeu.com.