Lajmin e bëri të ditur drejtoresha e ISHP-së, Eugenia Tomini, e ftuar në ABC News.

Tomini shtoi se “Delta” vijon të jetë dominant, ndërsa piku i “Omicron” sipas saj mund të arrihet në janar.

“Nuk mund ta quaj kulm, për vetë faktin se prezenca e Deltës është dominonte. Niveli i transmetueshmërisë në shumë vende të botës po shkon në mënyrë të përshkallëzuar. Fakti është që edhe në kuadër të pandemisë, apo valëve sigurisht që kemi pasur edhe periudha të shkëputura. Këto periudha përkojnë edhe me prezencën edhe me dendësinë. Me hyrjen e vaksinimit, në këto tetë javë jemi në situatë të qëndrueshme.

Prezenca edhe e virozëve të tjera është një tendencë në dobësim i Covid. Edhe OBSH ka shprehur që janari mund të jetë piku i Omicron, por gjithsesi këto janë gjasa. Gjithçka ka treguar që janë  janar-shkurt, kur edhe vetë klima favorizon grumbullime prishet distancimi, nuk respektohen masat, por më e rëndësishme është vaksinimi”, deklaroi Tomini./albeu.com/

The post Eugenia Tomini tregon kur do të jetë piku i Omicron appeared first on Albeu.com.

Më shumë se 88 mijë persona ishin të infektuarit e sotëm sipas autoriteteve, duke shënuar një rritje drastike me 74% gjatë javës së fundit, dhe 12% nga dita e djeshme, që kishte shënuar rekordin e mëparshëm.

Një nga arsyet vjen sigurisht nga përhapja e variantit tëri të koronavirusit, ai Omicron që sipas një studimi të ri të realizuar në Hong Kong, edhe pse me pasoja më të lehta, ka gjithsesi një aftësi shpërndarjeje deri në 70 herë më të madhe se varianti Delta.

Po kur do shpëtojë bota nga pandemia dhe varianti i tij i fundit, por edhe nga të tjera që mund të krijohen ndërkohë në çdo cep të botës?

Profesor Chris ëhitty, një nga ekspertët më të njohur britanik në këtë fushë, ka paralajmëruar se ndoshta do të duhet një periudhë që shkon të paktën në 16 muaj për të parë një vaksinë që përfshin variantet si dhe ato që mund të formësohen ndërkohë.

“Do kemi vaksina polivalente, por edhe disa antiviralë si dhe mjekime të reja që do të mund të mbulojnë pjesën më të madhe të infektimeve.

Por ndërkohë, duhen mbajtur masat e parandalimit si dhe vaksinimi. Edhe me këto përkujdesje, gjithsesi, përhapja e varianteve si Omicron që duket se i shmangin vaksinat mund të çoj, të paktën në Angli, në hospitalizimin e 22% të personave sipër 65 vjeçët./albeu.com/

The post Lufta me Covid-19, eksperti tregon vitin kur do të marrë fund lufta me variantet e reja appeared first on Albeu.com.

Ministria e Shëndetësisë ka bërë të ditur se nga 70 mostra pozitive të COVID-19, të dërguara për analizë në Gjermani, 12 raste kanë rezultuar të kenë qenë të variantit Delta Plus.

Sipas MSH-së, nga 70 mostrat të cilat kanë rezultuar pozitive në Kosovë, të dërguara për sekuencionim përmes projektit të ECDC në laboratorët Eurofin, Gjermani, sekuencionimi është bërë në 59 raste, prej të cilave në 12 raste (20.33%) është detektuar varianti Delta Plus dhe në 47 raste është detektuar varianti Delta (79,66%)

Ministria e Shëndetësisë informon se Instituti Kombëtar i Shëndetësisë Publike të Kosovës ka pranuar rezultatet për mostrat e dërguara në dërgesën e pestë për sekuencionim përmes projektit ECDC në Eurofin Genomics, Gjermani.

“Nga 70 mostra, të dërguara ditë më parë për sekuencionim përmes projektit të ECDC në laboratorët Eurofin, Gjermani, sekuencionimi është bërë në 59 raste, prej të cilave në 12 raste (20.33%) është detektuar varianti Delta Plus (AY.4-like) dhe në 47 raste është detektuar varianti Delta (79,66%). IKSHPK planifikon që të hënën më 15.11.2021 të dërgojë mostrat e tjera pozitive me SARS-CoV-2 të mbledhura gjatë dy javëve të fundit, përmes të njëjtit projekt, me qëllim të mbikëqyrjes virologjike të varianteve të SARS-CoV-2 në qarkullim në Kosovë”, thuhet nga MSH.

Sipas kësaj ministrie, situata me COVID-19 në Kosovë, sipas analizës së situatës epidemiologjike me COVID-19 paraqet rënie të numrit të rasteve për 19.11% krahasuar me dy javët e fundit. Gjithashtu edhe trendi i rasteve të vdekjeve të raportuara nga SHSKUK dhe spitalet që trajtojnë pacientët me COVID-19.

“Ekipet e IKSHPK’së po hulumtojnë dhe gjurmojnë pandërprerë të gjitha burimet e mundshme për të parandaluar përhapjen e mëtutjeshme të rasteve, detektimin e hershëm të rasteve dhe implikimet e mundshme në shëndetin e njeriut për variantin e ri Delta PLUS. Pasi që janë detektuar 12 raste SARS CoV-2 varianti AY.4-like Delta Plus në Kosovë (20.33%), edhe-pse varianti Delta akoma është dominant (79.66%), ekziston rreziku i përhapjes së shpejtë të variantit të ri Delta Plus”, thuhet nga MSH.

Duke pasur parasysh akoma numrin e lartë të personave aktiv që mund të bartin infeksionin dhe të panjohurat për shpërndarjen e shpejtë të COVID-19, Ministria e Shëndetësisë u bën thirrje të gjithëve që t’i zbatojnë vendimeve të fundit të Qeverisë dhe të bëhet monitorimi i vazhdueshëm i masave me një dinamikë të shtuar të kontrollit nga ana e Inspektorateve dhe Policisë së Kosovës për të pasur efekt në uljen e lakores epidemiologjike dhe në uljen e numrit të vdekjeve.

Gjithashtu, i bëhet thirrje qytetarëve që ende nuk janë vaksinuar që ta bëjnë këtë sa më parë me qëllim të mbrojtjes nga secili variant i SARS-COV-2 dhe arritjen sa më të shpejtë të imunitetit me vaksinën kundër Covid-19 duke u vaksinuar plotësisht./GazetaExpress

The post Konfirmohet varianti “Delta Plus” në Kosovë appeared first on Albeu.com.

Agjencia e Sigurisë Shëndetësore në Mbretërinë e Bashkuar (UKHSA) e ka zhvendosur atë në kategorinë “variant nën hetim”, për të pasqyruar këtë rrezik të mundshëm.

Ndërkohë, nuk ka ende asnjë provë që mund të jetë më e rëndë.

Megjithatë, shkencëtarët janë të bindur se vaksinat ekzistuese ende funksionojnë mirë për të mbrojtur njerëzit.

Edhe pse Delta e rregullt ende përbën shumicën e infeksioneve Covid në Mbretërinë e Bashkuar, rastet e “Delta Plus” ose AY.4.2 kanë ardhur në rritje./albeu.com

The post Ekspertët britanikë: Varianti Delta ‘Plus’ mund të jetë më i transmetueshëm appeared first on Albeu.com.

“Më pak se 1% ka mbetur aktualisht në qarkullim nga variantet alfa, beta dhe gama. Është vërtet delta që dominon në të gjithë botën”, tha Maria Van Kerkhove, drejtuese teknike për COVID-19ën në Organizatën Botërore të Shëndetësisë.

Sipas zonjës Van Kerkhove, varianti delta është aq i transmetueshëm sa që ka zëvendësuar variantet e tjera që qarkullojnë në të gjithë botën.

Qindra njerëz demonstruan të martën në qytetin e dytë më të madh të Australisë kundër kufizimeve të koronavirusit që qeveria vendosi për industrinë e ndërtimit.

Zyrtarët njoftuan se kantieret e ndërtimit në Melburn do të mbyllen për dy javë mes shqetësimeve se lëvizja e punëtorëve po kontribuonte në përhapjen e COVID-19.

Punëtorët e ndërtimit gjithashtu tani kërkohet të kenë marrë të paktën një dozë të vaksinës së koronavirusit para se të lejohen të kthehen në punë.

Shteti Victoria, ku ndodhet Melburni, raportoi 603 raste të reja të martën, niveli më i lartë deri më tani i infektimeve ditore gjatë këtij viti.

Në Zelandën e Re, kryeministrja Jacinda Ardern njoftoi të martën se gjobat për prishjen e protokolleve të koronavirusit do të rriten duke filluar në nëntor.

Ndryshimet do të rrisin gjobën për dikë që qëllimisht nuk respekton rregullat për COVID-19ën, nga rreth 2,800 dollarë në 8,400 dollarë. Ata që shkelin kufizimet gjithashtu mund të përballen me deri në gjashtë muaj burg.

Bizneset që shkelin kufizimet e koronavirusit mund të përballen me gjoba deri në 10,500 dollarë.

“Suksesi ynë është bazuar vërtet në faktin se njerëzit në përgjithësi kanë zbatuar rregullat”, tha zonja Ardern në një konferencë shtypi. “Sidoqoftë, ka patur tek-tuk ndonjë person që ka thyer rregullat dhe i ka vënë të tjerët në rrezik”.

Ndërkohë, Guvernatori Jay Inslee, i shtetit perëndimor të Uashingtonit, i kërkoi qeverisë federale ndihmë që të përballohet ngarkesa e spitaleve, pasi varianti delta ka shkaktuar një numër të madh infektimesh.

Zoti Inslee i dërgoi një letër të hënën koordinatorit për pandeminë në Shtëpinë e Bardhë, Jeffrey Zients duke thënë se spitalet në shtetin e tij kanë arritur ose tejkaluar kapacitetin dhe se ai ka nevojë për personel ushtarak që të ndihmojë stafin e spitaleve.

“Sapo varianti delta goditi shtetin e Uashingtonit, shtrimet në spital për COVID-19ën u rritën”, tha zoti Inslee. “Nga mesi i korrikut deri në fund të gushtit, pamë që shtrimet në spital dyfishoheshin çdo dy javë. Spitalet janë munduar të shtojnë shtretërit dhe kanë anuluar shumicën e procedurave jo urgjente, por janë akoma mbi kapacitetin në të gjithë shtetin”.

Infektimet e reja ditore dhe numri i njerëzve të shtruar në shtetin Uashington kanë arritur ose janë afër niveleve të tyre më të larta gjatë pandemisë.

Zyrtarët e shëndetësisë të shtetit Uashington raportojnë se 69% e njerëzve të moshës 12 vjeç e lart në këtë shtet janë plotësisht të vaksinuar.

Kjo është më e lartë se shifra kombëtare, me Qendrat për Kontrollin dhe Parandalimin e Sëmundjeve që raportojnë se 64% e popullsisë të moshës 12 vjeç e lart janë vaksinuar plotësisht.

Numri i vdekjeve të reja nga virusi në Shtetet e Bashkuara ishte 2.302 të hënën – më i larti i regjistruar që nga marsi, sipas të dhënave nga Qendra e Burimeve të Koronavirusit të Universitetit Johns Hopkins./VOA

The post OBSH: Delta, varianti dominues në mbarë globin appeared first on Albeu.com.

Më tej në postim, shefi i qeverisë shkruan se, deri më tani janë kryer mbi 1 milion e 350 mijë vaksinime.

Postimi i Ramës:

MIRËMËNGJES

dhe me ftesën për çdo qytetar për të shfrytëzuar deri në fund MUAJIN E HAPUR TË VAKSINIMIT, edhe sepse situata e epidemisë në vend me variantin e ri të koronavirusit, i cili po shqetëson seriozisht të gjitha vendet, kërkon prej të gjithëve një akt moral e qytetar për mbrojtjen e shëndetit, po edhe të të tjerëve, ju uroj një ditë të mbarë

*** vaksinimi ndaj #Covid19 bëhet në qendrat shëndetësore, poliklinika si dhe në pikat e vaksinimit të përqëndruar.

Deri tani mbi 1 milion e 350 mijë vaksinime të kryera. /albeu.com

The post Rama: Varianti i ri është shumë shqetësues, vaksinohuni appeared first on Albeu.com.

Më poshtë mund të lezoni të dhënat e studimit të publikuara në shqip nga  kreu i Urgjencës në Shqipëri, Skënder Brataj.

Postimi i plotë:

Përhapja e variantit Delta kërcënon strategjitë e vaksinimit që synojnë imunitetin e tufës kundër Sars-cov-2. Në fakt, e njëjta ngarkesë virale u zbulua midis personave të vaksinuar dhe të pavaksinuar, që  infektohen me variantin Delta. Kjo theksohet nga një artikull i botuar në British Medical Journal (BMJ), në lidhje me të dhënat që dolën nga një shtim i numrit të infeksioneve në Massachusetts. Në thelb, vaksinimi mbetet mbrojtës shumë i lartë, por nuk është i mjaftueshëm për të ndaluar përhapjen e variantit delta.

Testet e kryera nga data 3 deri në 17 korrik midis banorëve të Massachusetts në Provincetoën, një vend i njohur pushimesh në Shtetet e Bashkuara, zbuluan se 75 % e njerëzve të infektuar ishin të vaksinuar. Midis të vaksinuarve  dhe të pa vaksinuarve ngarkesa virale ishte e njëjtë. Ky zbulim sugjeron që të dy grupet kanë të njëjtën ngarkesë virale dhe përhapja e infeksionit është pothuajse e njëjtë nga të dy grupet ka paralajmëruar Qendra Amerikane për Kontrollin dhe Parandalimin e Sëmundjeve (CDC).

Rezultatet vërtetojnë se të vaksinuarit gjatë verës po luajnë një rol të rëndësishëm në përhapjen e infeksionit të variantit delta, prandaj CDC rekomandon që personat e vaksinuar të mbajnë maska në ambjente të mbyllura. Por CDC konfirmon se vaksina vazhdon të ofrojë mbrojtje të fortë kundër formave të rënda të sëmundjes. Nga 346 personat e vaksinuar që rezultuan pozitivë në epideminë e Provincetoën, 79% e tyre ishin simptomatikë dhe testi i gjenomës tregoi se 90% kishin variantin delta. Vlen për tu theksuar se vetëm katër të infektuar u shtruan në spital dhe nuk pati asnjë humbje jete.

Disa ditë më parë, profesor Anthony Fauci, konsulent i Presidentit amerikan Joe Biden, paralajmëroi se varianti Delta mund të shkaktojë të njëjtin nivel infektimi si te personat e vaksinuar dhe te ata të pavaksinuar.

Disa të dhëna nga rezultatet e testit të ngarkesës virale ishin marrë paraprakisht nga Ëashington Post, e cila u konsultua me epidemiologët e njohur në këtë fushë. Jeffrey Shaman, epidemiolog në Universitetin e Columbias, komenton se vaksinimi tani ka të bëjë me mbrojtjen personale, mbrojtjen nga format e rënda të sëmundjes. Imuniteti i tufës nuk është i rëndësishëm pasi po shohim dëshmi të shumta të infeksioneve edhe në të vaksinuar.

Drejtoresha e Qendrës për Kontrollin e Sëmundjeve (CDC), Rochelle Ëalensky deklaroi se, ky zbulim është shqetësues dhe ka qenë një faktor që ka çuar në udhëzimet e reja, që rekomandojnë përdorimin e maskave në ambiente të mbyllura edhe për personat e vaksinuar.

Dr.Skender Brataj ./albeu.com

The post Studimi i fundit britanik për “Deltën”: Të infektuarit e vaksinuar dhe të pa vaksinuar kanë të njëjtën ngarkesë virale appeared first on Albeu.com.

Kurti nëpërmjet një postimi në Facebook ka bërë thirrje që të caktoni terminet për vaksinim në platformën https://ekosova.rks-gov.net, sepse varianti Delta është i pandalshëm.

“Të përgjegjshëm individualisht dhe për njëri-tjetrin, bashkë ia dalim”, ka shkruar ai.

Postimi i plotë i Kurtit:

Distanca fizike, maskat dhe higjiena personale janë të domosdoshme, por detyrë mbi çdo detyrë për të gjithë ne si qytetarë të përgjegjshëm të Republikës së Kosovës është vaksinimi.

Varianti Delta i virusit Corona tanimë është varianti dominues në Kosovë. Ashtu siç është parë edhe në botë, kjo valë është më dramatike se secila valë tjetër, për shkak të përhapjes shumë të shpejtë të virusit.

Vaksinimi është e vetmja mënyrë për të parandaluar. Sipas raporteve që kemi asnjë të vdekur nuk e kemi nga ata që janë vaksinuar. Kemi shumë pak të hospitalizuar nga ata që janë vaksinuar dhe të hospitalizuarit e vaksinuar po e përballojnë shumë më lehtë.

Pavarësisht se ne kemi filluar më së voni me procesin e vaksinimit për shkak të mungesave që i kemi gjetur, me ritmin dhe dinamikën e ditëve të fundit, kemi arritur të vaksinojmë një numër të konsiderueshëm të qytetarëve tanë. Janë administruar mbi 635 mijë vaksina, ndërsa mbi 220 mijë qytetarë janë vaksinuar më të dy dozat.

Për menaxhimin e pandemisë dhe në përkrahje të procesit të vaksinimit kundër COVID-19, në mbledhjen e sotme të Qeverisë së Republikës së Kosovës, morëm vendim për angazhimin e 1.116 profesionistëve shëndetësor dhe stafit mbështetës për tre muaj, me mundësi vazhdimi edhe për tre muaj shtesë, në shumë totale prej 3.192.854 euro.

Në anën tjetër, përkundër asaj se vaksinimi po shkon mirë, e kemi të detyrueshme ndërmarrjen e masave të reja të cilat do ta ngadalësojnë ritmin e infeksioneve dhe me këtë të ruajmë shëndetin publik. Prandaj, duke ju referuar të dhënave aktuale mbi situatën epidemiologjike, morëm vendim për masa të reja për kontrollin, parandalimin dhe luftimin e pandemisë COVID-19.

Përballë përhapjes eksplozive të variantit Delta të virusit, krahas respektimit të masave, për secilin prej nesh mburoja është vaksina, kurse për të gjithë së bashku vaksinimi masiv.

Ju bëj thirrje që të caktoni terminet për vaksinim në platformën https://ekosova.rks-gov.net dhe të vazhdojmë me procesin e vaksinimit, sepse varianti Delta është i pandalshëm.

Të përgjegjshëm individualisht dhe për njëri-tjetrin, bashkë ia dalim!

The post Kurti: Varianti Delta me përhapje eksplozive, mburoja është vaksina appeared first on Albeu.com.

Masat do të hyjnë në fuqi nga 20 gushti janë:

Sallat e dasmave të punojnë deri në orën 22:30 me kapacitet të klientëve 150 të pranishëm.

Klubet e natës dhe diskotekat mbyllen deri më datë 01.09.2021.

Të gjithë restorantet ditore, kafiteritë etj. punojnë deri në orën 22:30.

Nga data 20.08.2021 pa dëshmi vaksinimi apo test PCR nuk lejohen klientët në ambiente hoteliere-gastronomike./albeu.com

The post Përhapja e variantit Delta në masë, Kosova miraton sot masat e reja anti-Covid appeared first on Albeu.com.

Konkretisht:

Varianti Delta tani është përgjegjës për mbi 75% të rasteve të fundit me COVID-19 në SHBA dhe sipas vlerësimeve të ekspertëve kjo përqindje do të rritet më tej.

Varianti Delta: Çfarë duhet të dini

SARS-CoV-2, si të gjithë viruset, po ndryshon vazhdimisht për shkak të mutacioneve në materialin e tyre gjenetik që nuk mund të riparohen.

Delta është një variant i SARS-CoV-2, virusi që shkakton COVID-19.

Delta transmetohet më lehtë se llojet e tjera, që do të thotë se rastet e COVID-19 mund të rriten më lehtë.

Mënyra më e mirë për të ndaluar transmetimin e llojit Delta është vaksinimi kundër SARS-CoV-2.

Vaksinat e miratuara nga Administrata Amerikane e Ushqimit dhe Barnave (FDA) ofrojnë mbrojtje kundër llojit Delta dhe varianteve të tjera të SARS-CoV-2./albeu.com

The post Varianti Delta zë 75% të rasteve të SHBA appeared first on Albeu.com.