Me sa duket nuk kemi të bëjmë me një rastësi. Klodian Taçe i kontaktuar nga gazetarja e Gazetës Expres për Shqipërinë Beklie Koltraka duke mos preferuar të drejtojë gishtin pa përfunduar hetimet, ka deklaruar se ai më parë ka qenë drejtori i uzinës mekanike të armëve që u sulmua nga rusët.

“Nuk besoj se vjedhja e profilit tim në rrjete sociale ka lidhje me sulmin në uzinë. Pavarësisht se duhet të them se unë kam qenë drejtori i uzinës mekanike e armëve në Çekin por nuk kam diçka për të thënë derisa të rikthehet faqja”, tha ai për Gazetën Express.

Nisur nga ky fakt lindin dyshime se sulmi ndaj faqes së tij në rrjete sociale mund të ketë lidhje me ngjarjen në uzinën e Gramshit. Gjithçka mbetet në kuadrin e dyshimeve.

Kryetari i bashkisë konfirmoi për Express se faqja i është hakuar që prej mbrëmjes së djeshme ndërsa ende nuk kanë mundur ta rimarrin.

“Hakimi i faqes është bërë që mbrëmë. Ende nuk e kemi rimarrë, po punon stafi për ta rikthyer”, tha ai për Express.

Prononcimi i Klodian Taçe për Gazetën Express

Po qarkullon lajmi se është hakuar faqja juaj zyrtare në rrjete sociale? A është i vërtetë?

Taçe: E vërtetë është që faqja ime është hakuar por nuk kam ndonjë deklaratë për të bërë. I gjithë stafi është vënë në dispozicion për ta kthyer pas.

Vjedhja e adresës është bërë sot apo ditë më parë?

Taçe: Hakimi i faqes është bërë që mbrëmë.

A keni arritur që ta rimerrni?

Taçe: Ende nuk e kemi rimarrë, po punon stafi për ta rikthyer.

Kush dyshoni se e ka hakuar?

Taçe: Nuk kam diçka tjetër për të thënë. Nuk mund t’ju them diçka derisa të rikthehet faqja. Nuk mund të shpreh dyshimet pa e vërtetuar.

A mendoni se kjo ka lidhje me ngjarjen e ndodhur të shtunën ku dy shtetas rusë dhe një ukrainas tentuan të hyjnë në uzinën e armëve në Gramsh?

Taçe: Nuk besoj se vjedhja e profilit tim në rrjete sociale ka lidhje me sulmin në uzinë. Pavarësisht se duhet të them se unë kam qenë drejtori i uzinës mekanike e armëve në Çekin por nuk kam diçka për të thënë derisa të rikthehet faqja. Nuk mund të flas pa përfunduar hetimet.

Në uzinën mekanike e armëve në Gramsh nuk prodhohen armë që prej vitit 1993 por ka armatime të ushtrisë brenda saj dhe është objekt i rëndësisë së veçantë prandaj ruhet nga ushtria shqiptare.

Mënyra se si të huajt tentuan të futen me forcë në uzinë ngjalli dyshime se ata punojnë për shërbimet sekrete ruse. Gjykata e Elbasanit ka caktuar ditën e djeshme masën e sigurisë arrest me burg për ta.

Akuza kryesore ndaj tyre është ajo e spiunazhit. Nga 3 vepra penale që ishin regjistruar në fillim për këta shtetas, tashmë hetimi për ta do të vazhdojë për 2 vepra penale, sigurimi dhe dhënia e informacioneve ushtarake një shteti të huaj, e kryer në bashkepunim dhe goditje për shkak të detyres.

Në dosjen e Prokurorisë së Elbasanit thuhet se tre të huajt deri në këtë fazë të hetimit dyshohet që të kenë ardhur në vendin tonë me mision, të rekrutuar nga shërbimet e inteligjencës ruse, me detyra të përcaktuara. Dy rusët dhe ukrainasi u arrestuan të shtunën pasdite teksa fotografonin në uzinën e armëve në Gramsh. Njëri prej tyre sulmoi rojet e sigurisë që tentuan ta ndalonin. Nisur nga pozicioni që ka pasur më herët në uzinë kryebashkiaku mbetet për t’u parë nëse ka lidhje me ngjarjen e të shtunës në Uzinë./Gazeta Express

The post Iu hakerua faqja pas sulmit të “spiunëve”, kryebashkiaku i Gramshit zbulon lidhjen: Kam qenë drejtor i uzinës së armëve appeared first on Albeu.com.

Me anë të një statusi në Facebook, deputetja shprehet se e gjitha është rezultat i faktit që kryeministri nuk e mori seriozisht paralajmërimin dhe kërkesën e presidentit ukrainas Volodymir Zelensky, i cili në adresimin për Parlamentin shqiptar tha se në vend nuk duhej të pranoheshin turistët rusë.

Postimi i plotë:

Kapitullim!!

Dy ushtarë në repart ushtarak, sulmohen me kimikate nga “turistë” rusë, që i vijnë qark uzinës së armëve, repartit ushtarak, me ditë e ditë, e fotografojnë e vëzhgojnë, dhe kanë edhe guximin të sulmojnë me kimikate ushtarë me uniformë.

Kjo është mbrojtja e vendit!!!

Kapitullim!

Gjithçka ka rënë!

Mbrojtja, shërbimet informative, siguria në parandalim.

Muaj më parë, e thamë dhe theksuam, që kërkesës se Zelenskit drejtuar parlamentit shqiptar, që mos të pranoheshin turistë rusë, sepse rreziku që spiunazhi, apo kriminelë të luftës të hynin si turistë ishte i lartë, duhet ti përgjigjeshim menjeherë pozitivisht.

Ja rezultati, sot çdo përdredhje e Ramës “ishin nuk ishin”; nuk mbulon dështimin që e ka vënë sigurinë kombëtare në pikëpyetje.

E gjitha sepse Rama, nuk ndan dot çfarë shitet e çfarë nuk shitet, çfarë mbrohet e çfarë nuk tenderohet mbi Shqipërinë.

The post “Gjithçka ka rënë!”, Duma për ngjarjen në Gramsh: Rama të dëgjonte Zelenskyn, turistët rusë nuk duhej të lejoheshin në vend appeared first on Albeu.com.

Sulmi që la të lënduar dy ushtarë shqiptarë nisi ditën e djeshme rreth orës 17:40. Ka qenë roja i Uzinës së armëve në Gramsh, ai që ka vënë re i pari lëvizjet e dyshimta rreth objektit. Ai ka njoftuar përgjegjësin e rojeve se një person ka hyrë drenda territorit dhe ka tentuar të bëjë foto. Si përgjegjësi ashtu edhe efektivi që ruan objektin kanë zbatuar rregulloren dhe i kanë bërë thirrje personit që po bëne foto që të ndalonte.

Ata i kanë bërë thirrje, por, personi në fjalë është kundërpërgjigjur me spraj neoparalizues. Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin. Ushtarët shqiptarë nuk janë ndalur me kaq. Ata kanë parë mjetin “Chevrolet”, Brenda të cilit ndodhej rusja Svetlana Timofoeva 33 vjeçe dhe ukrainasi F. A., 25 vjec. Dy ushtarakët e plagosur janë dërguar në spital e ndodhen jashtë rrezikut për jetën.

The post Incidenti me rusët në Gramsh, dy ushtarët shqiptarë lënë spitalin appeared first on Albeu.com.

Ndërsa i riu rus është shoqëruar në komisariatin e Gramshit, policia ushtarake, ka vërejtur dhe dy persona të tjerë, që dyshoheshin se po shoqëronin të riun rus që kishte hyrë në Uzinë. Sipas njoftimit të ministrisë së Mbrojtjes, gruaja ruse 33 vjeçare dhe ukrainasi 25 vjeçar, janë ndaluar nga policia jo shumë larg Uzinës, ndërsa udhëtonin me një automjet sportiv me targa të Ukrainës.

Të dy ushtarakët që bënë të mundur ndalimin e të riut që kishte hyrë në Uzinë, u trasportuan me shpejtësi në një spital të kryeqytetit, për shkak të problemeve me shikimin, të provokuara nga spray paralizues.

“Ekipet e specializuara të Toksikologjisë, Djegie-Plastikës dhe ORL kanë kryer konsultat dhe ekzaminimet e plota për dy ushtarakët e ekspozuar ndaj gazit irritues, të cilët po marrin trajtimin e nevojshëm mjekësor dhe janë në gjendje të qëndrueshme, pa probleme akute të helmimit”, bëri të ditur në një njoftim të sajin Ministria e Shëndetësisë.

Ministri i Mbrojtjes Niko Peleshi, kontaktoi personalisht me dy ushtarakët duke u shprehur atyre “mirënjohjen që sakrifikuan për të mbrojtur një objekt strategjik”. Ndërsa shefi i shtabit të përgjithshëm të ushtrisë gjeneral brigade Arben Kingji, i vizitoi ata në spital.

Për momentin nuk dihet se cili ka qenë qëllimi i shtetasve rusë dhe ukrainas të arrestuar. Në një reagim për ngjarjen kryeministri Edi Rama deklaroi se ata “dyshohen për spiunazh”, duke folur për “një ngjarje delikate”. Për zbardhjen e saj janë angazhuar përfaqësuesë të Policisë Ushtarake dhe Agjencisë së Inteligjencës dhe Sigurisë së Mbrojtjes dhe në bashkëpunim me Departamentin e Policisë Kriminale dhe Drejtorisë së Antiterrorit në Policinë e Shtetit.

Autoritetet shqiptare i janë drejtuar zyrtarisht ambasadës ruse në Tiranë, duke kërkuar informacion dhe shpjegime për shtetasit e arrestuar në mbrëmje.

Uzina e Gramshit, e ndërtuar në vitin 1962, ka prodhuar në të kaluarën armë, fillimisht pushkë të tipir “Simonov”, kalibër 7.62 mm, dhe më pas kallashnikovë. Më pas ajo është përdorur për të ofruar shërbime prodhuese për industrinë e mbrojtjes me makineritë e saj të precizionit të lartë apo dhe riparime. Ndërsa deri në një vit më parë është përdorur për demontimin e armëve të tepërta./VOA

The post Incidenti në Uzinën e armëve në Gramsh, një person ka hyrë brenda territorit dhe ka tentuar të bëjë fotografi appeared first on Albeu.com.

I kontaktuar nga Abc, Drejtori u Uzinës së Armëve në Gramsh, Lorenc Zani, theksoi se 3 persona janë afruar pranë Uzinës, dhe në momentin që janë pikasur nga ushtarët ka patur një përplasje fizike mes tyre.

Gjatë përleshjes dy nga ushtarët shqiptarë kanë mbetur të plagosur, pasi një nga personat civilë ka përdorur spraj ndaj tyre.

Ndërkohë që Drejtuesi i Prokurorisë së Elbasanit, kreshnik Ajzai, ka konfirmuar, se tre personat që kanë tentuar të hyjnë në Uzinën e Armëve janë shtetas rusë.

Sipas Prokurorit Ajazi ata dyshohet të jenë agjentë, ndërkohë që ngjarja po hetohet nga antiterrori./Abcnews.al/

The post Tre rusë tentojnë të hyjnë fshehurazi në Uzinën e Armëve në Gramsh, kapen nga anti-terrori, por bëjnë për spital ushtarët tanë appeared first on Albeu.com.