Upamecano Archives - Albeu.com

Reali i Madridit synon mbrojtësin e Bayernit

admin — Sun, 21 Sep 2025 12:07:23 +0000

Dayot Upamecano mund të jetë transferimi i radhës me parametër zero i Realit të Madridit. Sipas Marcas, mbrojtësi i qendrës, kontrata e të cilit me Bayernin e Mynihut skadon në fund të sezonit, i ka vënë syrin një transferimi në Bernabeu dhe në thelb ia ka ofruar veten klubit “merengues”.

I lindur në vitin 1998, dhe gjithashtu i lidhur me Interin në merkaton e fundit të verës, lojtari francez ka veshur fanellën e Bayernit që nga viti 2021, pas një transferimi me vlerë afërsisht 43 milionë euro nga Leipzig. Me klubin bavarez, ai fitoi Bundesligën tre herë dhe Superkupën e Gjermanisë tre herë. Interesante është se te Real Madridi, ai do të ribashkohej me David Alabën, i cili iu bashkua spanjollëve në vitin 2021, gjithashtu si transferim i lirë: Upamecano u ble nga Bayern pikërisht për të zëvendësuar austriakun.

Në ditët e fundit, qendërmbrojtësi foli për mundësinë e rinovimit të kontratës së tij me klubin gjerman: “Ndihem rehat këtu dhe jam i lumtur që mund të punoj me një trajner të shkëlqyer dhe lojtarë të shkëlqyer. Agjenti im po flet me drejtuesit e Bayernit. Diskutimet janë duke vazhduar. Nuk ka asgjë tjetër për të thënë. Do të shohim se çfarë ndodh.”

The post Reali i Madridit synon mbrojtësin e Bayernit appeared first on Albeu.com.

Thomas Tuchel me dhimbje koke, do t’i mungojë një tjetër titullar në ndeshjet e fundit të sezonit

Tau Lanti — Fri, 28 Apr 2023 16:10:58 +0000

Thomas Tuchel ka humbur shërbimet e një titullari për shkak dëmtimi.

Dayot Upamecano ka pësuar një tërheqje muskulore në kofshën e djathtë.

Vetë trajneri i Bayern Munchen në konferencën për shtyp përpara ndeshjes ndaj Hertha Berlin, tregoi se kur do të rikthehet francezi.

“Upa pësoi një tërheqje të enjten dhe do të qëndrojë jashtë fushave për rreth dy javë”, deklaroi Tuchel.

Qendërmbrojtësi i bashkohet dyshes Choupo-Moting dhe Davies në infermierinë e kampionëve të Gjermanisë.

Ndërkohë, trajneri i bavarezëve theksoi se Coman dhe Goretzka do të rikuperohen për takimin e fundjavës.

Bayern Munchen-Hertha Berlin do të luhet të dielën në orën 15:30.

Bundesliga kryesohet nga Borussia Dortmund. Verdhezinjtë numërojnë 60 pikë pas javës së 29-të, një më shumë se Bayerni.

The post Thomas Tuchel me dhimbje koke, do t’i mungojë një tjetër titullar në ndeshjet e fundit të sezonit appeared first on Albeu.com.

Covid-19 nuk i “shqitet” Bayernit, infektohen dy yje të tjerë

E S — Tue, 04 Jan 2022 14:25:40 +0000

Bayern Munich njoftoi të martën se dy nga lojtarët e tij janë në izolim pasi kanë rezultuar pozitivë për COVID në dy teste të cilave u janë nënshtruar. Është, siç zbulon skuadra bavareze, Leroy Sane dhe Dayot Upamecano. Të dy, sipas deklaratës së Bayernit, janë në gjendje të mirë shëndetësore dhe në izolim në shtëpi, [...]