Bashkëshortja e mbrojtësit, Maja Lindelof ka postuar në Instagramin e saj lajmin traumatik të së mërkurës mbrëma.

Ajo dhe dy fëmijët e saj të vegjël u detyruan të fshiheshin dhe të mbylleshin në një dhomë ndërsa banditë bastisnin shtëpinë e tyre në Manchester.

Qendërmbrojtësi i Manchester United, po luante në Brentford në atë kohë, duke ndihmuar skuadrën të fitonte 3-1.

Maja shkroi në rrjetet sociale: “Gjatë ndeshjes së Victor-it këtë të mërkurë mbrëma, ne patëm një bastisje në shtëpinë tonë në Manchester.

Isha vetëm në shtëpi me të dy fëmijët, por arritëm të fshiheshim dhe të mbylleshim në një dhomë përpara se ata të hynin në shtëpinë tonë”.

Ajo tha se ajo dhe fëmijët e saj ishin të traumatizuar nga “momenti i frikshëm” dhe familja tani po kalon kohë jashtë në Suedi.

Maja, e cila u martua me futbollistin në vitin 2018, shtoi: “Ne jemi mirë në këto rrethana, por padyshim që ishte një moment shumë traumatik dhe i frikshëm si për mua ashtu edhe për fëmijët e mi të vegjël.

Tani jemi në Suedi dhe po kalojmë pak kohë me familjet tona”.

Mbrojtësi suedez luajti 90 minutat e plota kundër Brentford të mërkurën dhe i ndihmoi ata të fitonin, pasi familja e tij u përball tragjikisht me grabitjen traumatike në shtëpi. Klubi tani po mbështet familjen dhe ka konfirmuar se Lindelof do të lihet jashtë skuadrës për ndeshjen e tyre të ardhshme kundër West Ham.

Tekniku Ralf Rangnick tha: “Kam folur me të gjatë në fluturimin tonë të kthimit në shtëpi nga Londra dhe gjithashtu këtë mëngjes.

Folëm 20 apo 25 minuta, më tha se çfarë ndodhi në të vërtetë, se kjo ishte një ngjarje traumatike, sidomos për gruan dhe djalin e tij tre vjeç. Më tha që tani duhet të rrijë në shtëpi, nuk dëshiron ta lërë vetë gruan dhe familjen, gjë që e kuptoj plotësisht, duke qenë edhe vetë baba i dy fëmijëve.

Deklarata e klubit tha: “Ne mund të konfirmojmë se një grabitje ndodhi në shtëpinë e Victor Lindelof gjatë ndeshjes jashtë vendit kundër Brentford.

Familja e tij, e cila ishte në shtëpi në atë moment, ishte e padëmtuar, por qartësisht e tronditur.

Kjo ishte një përvojë shqetësuese për ta, dhe për Victorin kur mësoi për këtë pas ndeshjes, dhe klubi po u ofron atyre mbështetjen tonë të plotë.

Ne inkurajojmë këdo që ka informacion në lidhje me krimin të kontaktojë policinë.”/ h.ll/albeu.com

The post Grabitet shtëpia e lojtarit të Man United, fëmijët dhe gruaja ndodheshin në shtëpi (FOTO LAJM) appeared first on Albeu.com.

Provat sugjerojnë se pandemia – dhe e gjithë frika, stresi, izolimi dhe trishtimi që ka shkaktuar – ka qenë një stresues kryesor traumatik. Disa shenja të cilat duhet t’i parasysh:

1. Reagime të shpeshta emocionale

Pasi përjetojnë një ngjarje traumatike, shumë njerëz priren që më vonë të kenë probleme me përqendrimin dhe në situata a marrëdhënie të ndryshme. Për shkak se e gjithë energjia jonë përqendrohet te mbijetesa, hipervigjilenca mund të çojë në vështirësi në përqendrim. Për shumë njerëz, kjo simptomë manifestohet si reagime të mëdha emocionale ndaj çështjeve të vogla ose stresorëve. Gjithashtu mund të përjetoni shqetësime të theksuara kur dikush kollitet ose tështin pranë jush.

2. Lodhja

Lodhja emocionale dhe rraskapitja fizike nuk janë përgjigje tradicionale të stresit post-traumatik, por në kontekstin e pandemisë – ku stresorët traumatik janë në vazhdim – shumë njerëz ndihen veçanërisht të lodhur.

3. Negativiteti

Njerëzit mund ta kenë të vështirë të shohin të ardhmen dhe të ndihen pozitivë, sidomos në rrethana të tilla. Disa njerëz zhvillojnë një perceptim negativ për veten dhe vetëvlerësimi nuk është si më parë.

4. Dhimbja fizike

Stresi traumatik, veçanërisht kur është i vazhdueshëm dhe kronik, mund të ndikojë në shëndetin fizik. Me kalimin e kohës, stresi dhe trauma mund të rezultojnë në uljen e funksionit imunitar së bashku me rritjen e tensionit dhe dhimbjes në të gjithë trupin.

Kjo dhimbje fizike shfaqet në mënyra të ndryshme – disa njerëz zhvillojnë migrenë dhe dhimbje koke, ndërsa të tjerë përjetojnë probleme me tretjen, rritje të presionit të gjakut, dhimbje shpine ose dhimbje kyçesh.

5. Gjumi

Stresi traumatik mund shkaktojë pagjumësi, probleme me rënien dhe qëndrimin në gjumë, ëndrrat e stresit dhe ankthet.

6. Tërheqja

Shmangia, ose shkëputja e qëllimshme nga të tjerët, është një tjetër efekt i zakonshëm i ekspozimit ndaj traumës. Në mënyrë specifike me Covidin, shumë njerëz kanë probleme të riangazhohen me aktivitete, vende dhe njerëz që dikur i pëlqenin.

Si të menaxhoni këto simptoma

Hapi i parë është njohja kur këto simptoma bëhen problem. Ekziston një nivel i duhur dhe një pikë në të cilën dëmtojnë aftësinë tonë për të funksionuar. Nëse ndonjë nga këto simptoma po ndikon ndjeshëm në jetën tuaj, është koha për të kërkuar ndihmë profesionale.

Është gjithashtu e rëndësishme të zhvillohen mekanizma të shëndetshëm përballues. Riangazhohuni me njerëzit. Ushtrohuni rregullisht. Jini të durueshëm dhe dëgjoni trupin tuaj.

Simptomat mund të shfaqen në çdo kohë, ndonjëherë muaj apo vite pas ngjarjes traumatike. Lëreni veten të shërojë dhe të përpunojë emocionet me ritmin tuaj./HuffPost, WebMD

The post 6 shenja të fshehta që po përjetoni trauma nga pandemia, ndonëse nuk e dini appeared first on Albeu.com.

1. Refuzimi

Kur filluat të ndaheshit nga prindërit, rreth moshës dy vjeç, filluat të kërkonit pranimin e figurave të tjera të rëndësishme për ju, siç janë motrat dhe vëllezërit më të mëdhenj, kushërinjtë, etj.

Nëse keni zgjedhur imazhin e parë, momenti i identifikimit me njerëz të ndryshëm që nuk janë prindërit tuaj ka qenë negativ. Domethënë, jeni ndjerë të refuzuar nga ata që kishin më shumë rëndësi për ju.

Nëse është kështu, ju jeni padyshim një person shumë i pasigurt, me vetëvlerësim të ulët. Është e vështirë të lidheni me të tjerët; në fakt, ju gjithmonë keni frikë nga refuzimi.

Kjo është arsyeja pse, kur dikush ju tregon diçka të keqe, ju e merrni atë shumë personalisht dhe konfirmoni idenë se nuk jeni mjaftueshëm i mirë.

Sfida juaj e madhe është të kuptoni se jeta juaj varet nga ju. Të besoni në aftësitë tuaja është gjëja më e mirë që mund të bëni, që mund t’ju ndihmojë edhe n ndërtimin e marrëdhënieve me të tjerët.

2. Tradhtia

Prindërit shpesh tradhtojnë besimin e fëmijëve të tyre, pothuajse pa e kuptuar. Ata premtojnë diçka që nuk mund t’ua japin ose bëjnë shaka (duke marrë parasysh se po flasin me fëmijë, një “shaka e pafajshme” mund të jetë e rëndë).

Nëse keni zgjedhur imazhin e dytë, është e mundur që në një moment prindërit ose të afërmit tuaj kanë thyer besimin tuaj, dhe kjo është “regjistruar” thellë brenda jush. Pra, ju jeni një person që mendoni se nuk mund t’i besoni askujt.

Jeni person shumë i mirë që, megjithëse jeni shumë i shoqërueshëm, kurrë nuk e hapni plotësisht zemrën tuaj. Jeni dëgjues dhe një partner shumë i mirë. Por rrallë ndodh që dikush të prekë shpirtin tuaj dhe të kuptojë se kush jeni në të vërtetë.

3. Poshtërimi

Nëse keni zgjedhur imazhin e tretë, mund të keni kaluar një traumë në lidhje me poshtërimin. Kjo ka ndodhur në një moshë të hershme, kur filluat të identifikoheshit me kolegët dhe njerëz të rëndësishëm në mjedisin tuaj, por dështuat. Ndoshta jeni pak të ngathët.

Sot jeni një person disi i varur, i cili gjithmonë ka nevojë për miratimin e të tjerëve. Jeni aq të shqetësuar se mos nuk jeni perfekt, saqë përpiqeni gjithmonë të bëni më të mirën tuaj; por jo për ju, por për të tjerët.

Është shumë mirë që përpiqeni çdo ditë të jeni versioni më i mirë i vetvetes. Por mos harroni se ky version më i mirë varet nga interesat dhe vërtetësia juaj.

Jini të lirë dhe mos u merrni me atë që thonë të tjerët, përndryshe nuk do të ndiheni kurrë aq të mirë sa duhet.

4. Braktisja

Ndoshta në fëmijërinë tuaj nuk ka pasur prindër të pranishëm, ose ndoshta keni pësuar një humbje të madhe kur keni qenë të vogël. E vërteta është, se nëse zgjidhni “Figurën 4”, ju keni një problem serioz me frikën nga braktisja.

Ju jeni një person shumë i shoqërueshëm, gjithmonë i rrethuar nga miq dhe të afërm. Por e vërteta është që jeni shumë të shqetësuar nëse do të mbeteni vetëm.

Është e vështirë për ju të përballeni me qenien tuaj, sepse keni frikë të gjeni diçka që nuk ju pëlqen, ose më keq, diçka që nuk ju pëlqen të tjerëve.

Mund të keni një tendencë drejt depresionit. E vërteta është se njerëzit hyjnë dhe dalin nga jeta jonë, por nëse jemi autentik, të kujdesshëm dhe të mirë, nuk do të jemi kurrë vetëm. Humbjet mund të jenë të vështira, por ju jeni në gjendje të vazhdoni pavarësisht tyre.

The post Test psikologjik: Imazhi që zgjidhni do të zbulojë traumën që mund të keni kaluar në fëmijëri appeared first on Albeu.com.

Tre javë pasi 6-vjeçarja Suzy Eshkuntana u nxorrë nga rrënojat e shtëpisë së saj, që u shkatërrua nga një sulm ajror izraelit, është ende e traumatizuar.

Suzy dhe i ati tani po jetojnë me xhaxhain e saj, i cili tha se ajo mezi ha, nuk fle mirë dhe nuk ka dëshirën për të luajtur. Psikologët i kanë bërë Suzy-it vizita të rregullta për ta ndihmuar atë të kalojë traumën, duke zhvilluar terapi.

Rreth 500,000 fëmijë sipas UNICEF kanë nevojë për mbështetje psikologjike pas 11 ditësh luftimesh midis sunduesve të Hamasit të Izraelit. Të paktën 66 fëmijë ishin midis mbi 250 palestinezëve të vrarë nga sulmet ajrore izraelite në Gaza. Dy fëmijë ishin midis13 të vrarëve në Izrael nga sulmet me raketa të militantëve të Gazës.

Rreth gjysma e popullsisë dy milionëshe e Gazës janë nën 18 vjeç. Shumë prej tyre mbajnë traumën e tre luftërave të mëparshme dhe disa konflikteve të tjera të dhunshme midis Izraelit dhe grupeve militante të Gazës që nga viti 2008.

Lucia Elmi, përfaqësuesja speciale e UNICEF në territoret palestineze, është shprehur se edhe para luftimeve të zhvilluara muajin e kaluar, një në tre fëmijë kishte nevojë për mbështetje psiko-sociale. Depresioni, varfëria dhe pasiguria janë çështjet më të zakonshme midis fëmijëve të Gazës.

The post Niveli i lartë i traumës tek fëmijët palestinezë pas luftimeve appeared first on Albeu.com.