Sot, edhe pse një euro këmbëhet mesatarisht me 107 lekë, çdokush që kalon traun në Kalimash dhe nuk ka euro, por lekë me vete, nuk paguan 535 lekë sipas kursit të këmbimit, por 660 lekë!

Duket e çuditshme, madje në shkelje të plotë të kontratës koncensionare mes Albanian Highëay Concenssion dhe shtetit shqiptar, por ja që ndodh ditën për diell dhe askush nuk merr guximin të detyrojë privatin të zbatojë atë që ka firmosur vetë qeveria shqiptare.

Si zhvaten kot 125 lekë/ për çdo makinë që kalon

Aktualisht, tarifa e kalimit të rrugës paguhet në euro dhe konvertohet në lekë për ata që përdorin monedhën vendase sipas një kursi fiks këmbimi, të caktuar që në momentin kur filloi vjelja e detyrimit.

Klauzola 11 e Marrëveshjes Koncesionare parashikon rishikimin e kursit të këmbimit në rast të një ndryshimi me 5% të raportit mes euros dhe lekut, por ky rishikim nuk ka ndodhur.

Të dhënat nga Banka e Shqipërisë konfirmojnë një zhvlerësim të konsiderueshëm të euros në raport me lekun gjatë viteve të fundit. Megjithatë, kursi i këmbimit në traun ku bëhet pagesa për përdorimin e rrugës, është mbajtur fiks gjatë gjithë periudhës, që prej fillimit të vjeljes së tarifës në shtator të vitit 2018.

Sipas kontratës, motoçikletat paguajnë 2.5 euro; auto-veturat, 5 euro; autobusët dhe kamionçinat, 11.25 euro; kamionët, 16.25 euro dhe kamionët e rëndë paguajnë 22.5 euro.

Ironia qëndron në faktin se një qytetar, i cili bën rrugën Tiranë-Kukës vajtje-ardhje, mund të paguajë tjetër çmim në vajtje dhe tjetër në ardhje, nëse në njërën nga udhëtimet nuk i gjenden euro me vete.

Kjo ndodh për shkak se kompania aplikon një kurs këmbimi 1 euro=132 lekë, duke e çuar koston totale të një autoveture në 660 lekë.

Gjithçka ndodh në Rrugën e Kombit bëhet me miratimin e Ministrisë së Infrastrukturës, e cila është organi përgjegjës për zbatimin e kontratës koncensionare./ E.Senja-albeu.com

Lexoni INVESTIGIMIN  mbi mirëmbajtjen e Rrugës së Kombit 

The post Shkelet kontrata koncensionare, si po zhvaten te trau përdoruesit e Rrugës së Kombit appeared first on Albeu.com.

Sipas kryedemokratit vota për PD është ta për heqjen e traut dhe çdo pengese tjetër.

“Shikojeni edhe tre javë këtë tra. Më 25 prill Shqipëria voton ndryshimin. Kukësi voton ndryshimin dhe ndryshimi i parë për çdo shqiptar nga Konispoli në Podujevë do të jetë heqja e traut. Nuk ka kaluar shumë kohë nga ai moment që na i mbushi zemrat me një besim si qytetarë të një kombi që ndërtoi tunelin më të gjatë në Ballkan dhe lidhi Shqipërinë me Kosovën. Vota për nr 9 është vota për heqjen e traut dhe çdo pengese,” tha Basha.

Kreu i demokratëve është pritur me ovacione nga simpatizantët ndërsa u bëri thirrje që të ruajnë distancën dhe të mbajnë maskën.

The post Basha jep premtimin nga Kukësi: Do hiqet trau i Kalimashit! appeared first on Albeu.com.