Spanja po përjeton valën e tretë të të nxehtit këtë verë, ndërkohë që shterimi i rezervave ujore ka sjellë miratimin e masave kufizuese për konsumin e ujit në disa zona të vendit.

“Që kur filluam mbledhjen e të dhënave për zonën para gjysmë shekulli, kjo nuk ka ndodhur kurrë për dy vite radhazi, gjë që tregon seriozitetin e situatës me të cilën përballet sistemi i liqenit të Donianës dhe bashkë me të edhe biodiversitetin që varet prej tij”, thotë CSIC në një deklaratë.

Ligatinat e Donianës janë shtëpia e një numri speciesh endemike dhe të rrezikuara, si ngjalat e ujërave të ëmbla dhe breshkat.

Shumica e liqeneve në Doniana janë kalimtare, që do të thotë se shtretërit e tyre mbushen me ujë shiu kur ujërat nëntokësore derdhen në dimër dhe thahen në muajt e ngrohtë. Disa, megjithatë, mbajnë ujë edhe gjatë verës dhe janë një strehë e vlefshme për zogjtë shtegtarë që shkojnë në jug pas lindjes në Evropën veriore.

Sipas studiuesve, Doniana përjetoi vitet e fundit nivelet më të ulëta të reshjeve në një dekadë dhe temperaturat mesatare më të larta të regjistruara ndonjëherë, 18.53°C.

Por liqenet e Donianës nuk kërcënohen vetëm nga thatësira dhe nxehtësia. Ata janë të rrethuar nga një det me serra dhe një sistem tubash labirint që transporton ujë nga puset e paligjshme për të vaditur kulturat e luleshtrydheve.

Qeveria vendore konservatore e Andaluzisë ka në plan të legalizojë tërheqje shtesë të ujit nga Doniana, duke shkaktuar një protestë nga ambientalistët.

The post Spanja në mëshirë të nxehtësisë, thahet plotësisht liqeni në parkun kombëtar appeared first on Albeu.com.

Depot në qytetet Timika dhe Lapangan Sinik janë bosh sepse i gjithë ushqimi ishte “tashmë i shpërndarë”, tha Adrianous Ala, një zyrtar i lartë në Ministrinë e Çështjeve Sociale.

Në këtë rajon të varfër u dërguan gjithsej 17.1 ton ndihma humanitare.

Banorëve u shpërndanë pako me ushqime të gatshme dhe qindra çadra e batanije.

“Çdo vit e njëjta zonë preket, por këtë vit situata është ekstreme ,” tha Suhariado, kreu i agjencisë së menaxhimit të fatkeqësive të Indonezisë (BNPB), në një konferencë për shtyp të hënën.

“Nuk mund të jetoni më në këtë zonë. Por papuanët kanë tradita dhe lidhje kulturore me këtë vend dhe zhvendosja e njerëzve nuk është një detyrë e lehtë ”, shtoi ai.

Sipas BNPB më shumë se 7,500 njerëz janë të prekur nga thatësira. Të paktën gjashtë vdiqën nga uria dhe dehidratimi, sipas numërimit zyrtar.

Autoritetet ia atribuojnë thatësirën fenomenit klimatik El Nino, i cili lidhet me rritjen e temperaturës së sipërfaqes së Oqeanit Paqësor, duke shkaktuar rritjen e temperaturës globale, e cila tashmë po përjeton efektet e ndryshimeve klimatike.

Rajoni i Papuas u godit pak muaj më parë nga një valë e ftohtë ekstreme, e cila shkatërroi të korrat.

Thatësira të ngjashme janë vërejtur edhe në vitin 2015 dhe 2019./Albeu.com/

The post “Situata është ekstreme”, 6 të vdekur nga thatësira në Papua Guinenë e Re appeared first on Albeu.com.

Në rast se kopshtet ose fushat e golfit kanë sisteme të ripërdorimit të ujit, ky reduktim do të rritet në 50%.

Qeveria portugeze njoftoi gjithashtu krijimin e një “force veprimi” për burimet ujore të Algarve, e përbërë nga anëtarë të Agjencisë Portugeze të Mjedisit (APA) dhe Drejtorisë së Përgjithshme të Bujqësisë për të rishikuar lejet e nxjerrjes së ujit në zonë.

Qeveria do të duhet të kuptojë se cilat leje mund të revokohen në mënyrë që të reduktojë përdorimin e ujit nga rezervuari me 15 për qind.

Sipas qeverisë, 36% e territorit të Portugalisë është aktualisht në një gjendje thatësire të rëndë ose ekstreme, kryesisht rajonet Alentejo dhe Algarve në jug të vendit. Të martën në kabinet, Portugalia paraqiti zyrtarisht një kërkesë për ndihmë në Bruksel për të aktivizuar rezervën bujqësore evropiane, kujtoi ministrja e Bujqësisë Maria do Seu Antunes.

Sipas Observatorit Evropian të Kopernikut, 91.9% e territorit portugez është prekur nga thatësira, nga të cilat 25.8% janë në gatishmëri. Gadishulli Iberik është rajoni më i prekur i Evropës nga ky fenomen.

The post Portugalia merr masa ekstreme nga thatësira, fillon racionimi i furnizimit me ujë appeared first on Albeu.com.

Sipas një raporti të publikuar të hënën nga Organizata Botërore e Shëndetësisë dhe UNICEF, numri i të vdekurve në vitin 2022 për shkak të thatësirës në Somali ishte në dhjetëra mijëra, por problemi vazhdon pasi dhjetëra mijëra njerëz vlerësohet të humbasin jetën në këtë vend afrikan sërish këtë vit brenda gjysmës së parë të 2023.

“Kriza aktuale është larg përfundimit”, thekson raporti përkatës, sipas të cilit numri i të vdekurve nga thatësira vlerësohet të arrij 18,000 deri në 34,000 vetëm në gjysmën e parë të vitit.

“Somalia dhe fqinjët e saj Etiopia dhe Kenia po përballen me një sezon problematik të gjashtë radhazi me shi, ndërsa rritja e çmimeve globale të ushqimeve dhe lufta në Ukrainë po komplikojnë krizën ushqimore,” vëren Associated Press.

“Kriza është përkeqësuar nga rritja e çmimeve të ushqimeve në mbarë botën. Ndërkohë, Somalia është e uritur nga ndihma humanitare pasi donatorët i japin përparësi Ukrainës,”vë në dukje në artikullin e vet faqja e internetit Gzero e Eurasia Network.

The post Thatësira ekstreme u merre jetën mijëra njerëzve në Somali appeared first on Albeu.com.

Në Francë, Zvicër, Itali dhe disa pjesë të Austrisë, ka shumë më pak borë sesa mesatarja, ka thënë meteorologu Klaus Haslinger nga shërbimi shtetëror i motit në Austri.

Në Itali, organizata joqeveritare, Legambiente, është duke paralajmëruar që 53 për qind më pak borë ka rënë në Alpet italiane në muajt e fundit.

Problemi nuk qëndron vetëm te mungesa e borës, por edhe te mungesa e shiut.

Në Francë, pas disa javëve pa shi, ka shqetësime për një verë të dytë me thatësira dhe kufizime në ujë.

Haslinger ka thënë se të dhënat tregojnë se ngrohja globale është duke favorizuar këto temperatura, duke krijuar më shumë kushte për thatësira në të ardhmen.

“Nëse moti në pranverë do të jetë i ngjashëm me atë të vitit 2022, thatësira do të jetë shumë më e keqe”, ka paralajmëruar Josef Eitzinger, meteorolog në Universitetin për Burime Natyrore në Vjenë.

Së fundi është raportuar se kanalet më të famshme në Venecias janë tharë dhe se i gjithë veriu i Italisë është duke u përballur me probleme të lidhura me motin.

The post Mungesa e borës në Evropë, paralajmërim për thatësirë ekstreme appeared first on Albeu.com.

Në një intervistë për radiostacionin Radio 24, ai iu referua uljes së nivelit të ujit në shumë liqene dhe lumenj të vendit dhe masave që duhet të marrë qeveria për të mbrojtur qytetarët nga thatësira.

“Në javët në vijim do të duhet të bëhet një vlerësim i gjithë situatës dhe, nëse është e nevojshme, furnizimi me ujë mund të kufizohet në zona të caktuara”, tha Piqueto Fratin.

“Ndërkohë, në dy-tre muajt e ardhshëm shpresojmë që të mbushen digat , priten edhe reshje shiu. Përndryshe mund të ketë pasoja”, theksoi ministri italian, sipas të cilit “duhen bërë një sërë lëvizjesh me synimin për të mbushur sa më shumë digat”.

Ndërkohë Fondacioni Italian i Kërkimeve theksoi se 15% e popullsisë së vendit jeton në zona të kërcënuara nga thatësira.

Gazeta Corriere della Sera shton se, për shkak të ndryshimeve klimatike, 3.5 milionë italianë rrezikojnë të mbeten pa ujë të pijshëm.

Më konkretisht, në shumë pjesë të tij lumi Po (më i madhi në vend) këto ditë është tërësisht i thatë, ndërsa për tre liqenet më të mëdhenj në vend situata paraqitet si më poshtë: në liqenin e Gardës niveli i ujit është regjistrohet në 38 %, në atë të Komos 20 % dhe në liqenin Maggiore 38 %./albeu.com/ 

The post Thatësira kërcënon 15% të popullsisë në Itali appeared first on Albeu.com.

Gjurmët parahistorike të lëna në shtratin e lumit nga një akrokantosaur i vetëm në Parkun Shtetëror të Luginës së Dinozaurëve janë disa nga më të ruajturat në botë, sipas mbikëqyrësit të parkut, Jeff Davis.

Gjurmët masive të këmbëve ishin errësuar nën ujë dhe disa shtresa sedimenti që nga viti 2000. Thatësira e fundit bëri që niveli i lumit Paluxy të bjerë ndjeshëm.

E quajtur “Lone Ranger trackway” gjurmët e ekspozuara së fundmi i përkisnin një akrokantozauri që eci atë shteg për rreth 30 metra, duke e bërë atë një nga shtigjet më të gjata të dinozaurëve në botë.

“Pra, lumi Paluxy është tharë shumë,” tha Paul Baker i Friends of Dinosaur Valley State Park, një organizatë jofitimprurëse që punon me parkun, në pamjet e gjurmëve të shpërndara në Facebook.

Acrocanthosaurus, një theropod më i njohur për gjembat e gjata në shumë prej rruazave të tij, la rreth

Vullnetarët dhe stafi i parkut punuan shpejt për të hartuar dhe monitoruar pistën e dinozaurëve përpara se gjurmët të varroseshin përsëri pranë lumit./albeu.com

The post Thatësira në Teksas bën zbulimin e papritur, dalin gjurmë të dinozaurëve 113 milionë vjet më parë appeared first on Albeu.com.

Ky reagim vjen teksa të dhënat e fundit shkencore kanë treguar se pothuajse dy e treta e kontinentit ndodhet në gjendje të jashtëzakonshme sa i përket thatësisë apo për shkak të valëve të të nxehtit dhe mungesës së reshjeve të shiut.

Raporti i publikuar në gusht nga Vëzhguesi Evropian i Thatësisë (EDO), trup që mbikëqyret nga Komisioni Evropian, tha se 47 për qind e Evropës po përballet me temperatura të nxehta, me deficit të theksuar të lagështisë, ndërkaq 17 për qind është në gjendje emergjente dhe në këto zona, për shkak të motit, është prekur vegjetacioni.

Thatësia “duket të jetë më e rënda në të paktën 500 vjetët e fundit”, tha zëdhënësi i EDO-s, Johannes Bahrke, duke iu referuar gjetjeve të raportit.

“Ky është vlerësimi i parë dhe ne duhet ta konfirmojmë këtë gjetje me të dhënat përfundimtare që do të nxirren në fund të sezonit”, shtoi ai.

Në raport thuhet se sezoni i mbjelljes gjatë verës është prekur nga moti ekstrem, teksa rendimentet e misrit, sojës dhe lulediellit pritet të bien për 15 për qind.

Transportet ujore të mallrave, si për shembull përmes lumit Danub, janë penguar për shkak të nivelit të ulët të ujit.

Reshjet e shiut në mes të gushtit mund të kenë zbutur gjendjen me thatësinë, por në disa raste stuhitë e shiut kanë shkaktuar dëme të tjera, thuhet në raport.

Rajonet që janë goditur më së keqi nga thatësira në verë, ishin prekur nga thatësira edhe në pranverë. Këtu përfshihen Italia, juglindja e Francës dhe disa zona në Hungari dhe Rumani.

Hulumtuesit parashikojnë se temperatura të larta dhe të thata do të mbretërojnë deri në nëntor në rajonin e Mesdheut dhe Evropës Perëndimore./REL

The post KE: Evropa po përballet me thatësirën më të rëndë në 500 vjet appeared first on Albeu.com.

Pas më shumë se dy dekadash reshjesh të reduktuara, niveli i ujit të  lumit Kolorado  – jetik për shtetet perëndimore të SHBA-së ka  rënë në një nivel alarmues. Ciklet e thatësirës po përkeqësohen për shkak të ndryshimeve klimatike.

Pavarësisht paralajmërimeve prej vitesh, shtetet që varen nga lumi nuk e kanë ulur mjaftueshëm konsumin e ujit, duke bërë që autoritetet federale të vendosin kufizime ditën e djeshme. Arizona, deri në vitin 2023 do të reduktojnë ujin me 21%,  Nevada  me 8% dhe Meksika me 7%.

Kalifornia, e cila është më e varur nga uji i lumit Kolorado dhe është shteti më i populluar në SHBA, nuk do të preket vitin e ardhshëm nga këto reduktime. Në të njëjtën kohë, janë marrë masa në nivel lokal edhe në qytetet që  marrin ujin nga lumi, si për shembull në Los  Angeles  ku u vendosën kufizime për ujitjen e kopshteve.

Lumi  Kolorado  e ka burimin në Malet Shkëmbore dhe rrjedh nëpër  Kolorado, Utah, Arizona, Nevada , Kaliforni dhe Meksikën veriore ku më pas derdhet në det.

Lumi ushqehet kryesisht nga bora që grumbullohet në lartësi të mëdha gjatë dimrit dhe shkrihet gradualisht në muajt e ngrohtë. Por për shkak të ndryshimeve klimatike, reshjet janë ulur dhe bora po shkrihet më shpejt, duke ulur vëllimin e ujit në lumë, i cili furnizon miliona njerëz.

Shtetet perëndimore të SHBA po përballen me vitin e 23-të të thatësirës, ​​më e madhja në më shumë se 1000 vite. Thatësira shton edhe intensitetin e zjarreve në pyje, të cilat po bëhen gjithnjë e më shkatërruese.

The post Thatësira më e madhe në 1000 vite, SHBA nis reduktimin e ujit appeared first on Albeu.com.

Agjencia e Mjedisit e qeverisë britanike bëri të ditur se “pragu i shkaktimit të thatësirës ishte arritur” në tetë rajone të Anglisë teksa në raport shkruhej se vendi po përjetonte sezonin më të thatë që nga viti 1935.

Moti i thatë dhe temperaturat e larta kanë bërë që edhe Franca të përballet gjithashtu me një thatësirë rekord teksa po lufton me zjarre të mëdha.

Autoriteti meteorologjik i Mbretërisë së Bashkuar, tha se gjatë periudhës nga janari deri në qershor të këtij viti u regjistruan reshjet më të pakta në Angli dhe Uells që nga viti 1976.

Në deklaratën e qeverisë thuhet se marrja e vendimit për të shpallur statusin e thatësirës bazohej në faktorë të tillë si reshjet, rrjedhat e lumenjve dhe nivelet e ujërave nëntokësore dhe rezervuarëve dhe ndikimi i tyre në furnizimin publik me ujë.

“Ne i bëjmë thirrje të gjithëve të menaxhojnë sasinë e ujit që po përdorin në këtë periudhë jashtëzakonisht të thatë,” deklaroi kryetari i Grupit Kombëtar të Thatësirës, Harvey Bradshaw.

Agjencia e Mjedisit dhe kompanitë e ujit “do të shtojnë masat e tyre për të menaxhuar ndikimet” dhe do të vazhdojnë me planet e tyre të publikuara për thatësirën, duke përfshirë racionimin e ujit.

Ai theksoi se “furnizimet thelbësore të ujit të pijshëm janë të sigurta”.

Qendra Kombëtare e Informacionit për Klimën tha se temperatura të tilla të larta në Mbretërinë e Bashkuar ishin të mundshme vetëm për shkak të ndryshimeve klimatike të shkaktuara nga njerëzit./REL

The post Temperatura ekstreme, qeveria britanike shpall gjendjen e thatësirës në disa zona të vendit appeared first on Albeu.com.