Masat e sigurisë në aeroporte janë rritur pas nivelit të lartë të alarmit. Në dy aeroportet e Stambollit kontrollohen tërësisht automjetet që hyjnë dhe dalin, dhe pasagjerët.

Më tej sqarohet se pasagjerët që do të udhëtojnë paralajmërohen të jenë në kohë në aeroport në rast të vonesave të mundshme.

The post Pas sulmit terrorist në Ankara, Turqia ndërmerr veprimin e menjëhershëm appeared first on Albeu.com.

Ai theksoi se 18-vjeçari u arrestua të enjten mbrëma në Vjenë pasi ishte në kontakt me të dyshuarin kryesor, raporton CBS News.

Autoritetet austriake arrestuan më parë një 19-vjeçar nga Maqedonia e Veriut dhe një 18-vjeçar irakian, ndërsa një 15-vjeçar u la i lirë pas marrjes në pyetje.

Hetuesit gjetën materiale për prodhimin e bombave në shtëpitë e njërit prej të dyshuarve, gjë që i shtyu ata të dyshonin se plani i sulmit ishte frymëzuar nga grupet terroriste Shteti Islamik dhe Al Kaeda.

Zyrtarët pohojnë se njëri nga të dyshuarit pranoi se kishte planifikuar të “vriste sa më shumë njerëz jashtë vendit të koncertit”.

Swift ishte dashur të këndonte në stadiumin “Ernst Happel” të Vjenës të enjten, të premten dhe të shtunën, por koncertet u anuluan.

The post Planifikoi një sulm terrorist në koncertin e Taylor Swift, arrestohet i dyshuari i tretë appeared first on Albeu.com.

“Me konfirmimin nga zyrtarët e qeverisë për një sulm të planifikuar terrorist në stadiumin Ernst Happel, ne nuk kemi zgjidhje tjetër veçse të anulojmë tre shfaqjet e planifikuara për sigurinë e të gjithëve,” tha Barracuda Music, organizatori i koncerteve, në një postim në internet .

Njoftimi erdhi menjëherë pasi dy ekstremistë të dyshuar u arrestuan në Austri të mërkurën, njëri prej të cilëve duket se po planifikonte një sulm në një ngjarje të madhe në zonën e Vjenës, siç janë koncertet e Swift gjatë fundjavës, thanë autoritetet.

Xhihadisti 19-vjeçar i cili u arrestua të mërkurën në Austri me akuzën e përgatitjes së një sulmi terrorist në një nga tre koncertet që Taylor Swift do të luante sot, nesër dhe të shtunën në vend është nga Maqedonia e Veriut.

Sipas faqes së internetit Puls24, familja e 19-vjeçarit ishte shpërngulur nga Vjena në qytetin e Ternitz, ku u bë arrestimi. Sipas të njëjtit burim, familja e 19-vjeçarit, kanë nënshtetësi austriake, por janë me origjinën nga Maqedonia e Veriut dhe i kanë rrënjët në Shqipëri. Kujtojmë se xhihadisti që kreu një sulm terrorist në Vjenë më 2 nëntor 2020, ishte me origjinë nga Maqedonia e Veriut, duke rezultuar në katër të vdekur dhe 23 të plagosur . Sipas informacioneve, 19-vjeçari së fundmi mund të jetë ndikuar nga fqinjët e tij ekstremistë, ku papritur një ditë u shfaq me mjekër si talebanët.

Mediat austriake raportojnë gjithashtu se 19-vjeçari punonte në një laborator dhe dyshohet se vidhte kimikate që mund të përdoreshin për të bërë eksplozivë . Kimikatet e tilla janë gjetur në shtëpinë e 19-vjeçarit dhe janë duke u ekzaminuar. Përveç 19-vjeçarit, autoritetet austriake, të cilat, sipas Bild, u informuan për goditjen e planifikuar nga një shërbim sekret i huaj, arrestuan dy 17-vjeçarë si të dyshuar për të njëjtin goditje të planifikuar.

The post Ishin planifikuar sulme terroriste/ Anulohen koncertet e Taylor Swift në Vienë, dy të arrestuar, një ndër to me origjinë shqiptare appeared first on Albeu.com.

Bëhet fjalë për një sulm me thikë, ku një person arriti të therë me thikë dy burra.

Po të mos ishte ushtria që ishte prezentë në këtë qendër tregtare, pasojat sigurisht do të ishin më të mëdha.

Ata arritën të neutralizojnë sulmuesin duke shtënë mbi të. E policia ka njoftuar se nga ky sulm dy persona janë lënduar, ku njëri prej tyre është në gjendje kritike.

Kamerat e sigurisë kanë kapur momentin brenda një butiku, ku shihet sulmuesi duke iu vërsulur me thikë qytetarëve dhe ushtarët që reagojnë menjëherë duke e vrarë.

https://x.com/manniefabian/status/1808437244006408608

The post Sulm terrorist në një qendër tregtare në Izrael, theren më thikë dy persona – ushtria neutralizon sulmuesin appeared first on Albeu.com.

18-vjeçari me origjinë çeçene u kap në Saint-Etienne më 22 maj, por lajmi është bërë i ditur sot. Referuar burimeve zyrtare thuhet se autoritetet gjetën prova të një sulmi të frymëzuar nga islamistët ekstremistë.

Ministri i Brendshëm francez, Gérard Darmanin vlerësoi shërbimet e inteligjencës, që sipas tij prishën planet e një sulmi, që kishin synim Lojërat Olimpike. Franca është në gatishmëri të lartë në prag të Lojërave Olimpike, të cilat fillojnë më 26 korrik.

Sipas mediave franceze, personi, emri i të cilit nuk është bërë i ditur u kap pasi kishte shkëmbyer mesazhe të koduara me terroristë të njohur. Fotografitë dhe videot e stadiumit dyshohet se janë gjetur edhe në telefonin dhe kompjuterin e tij.

Ministri Darmanin tha se i dyshuari donte të sulmonte spektatorët dhe forcat e sigurisë në stadiumin ‘Geoffroy-Guichard’, stadiumi kryesor i qytetit, ku do të zhvillohen një numër lojërash futbolli. Ai ishte “i frymëzuar nga ideologjia islamike”, shtoi ministri i Brendshëm.

The post Francë/ Kishte planifikuar një sulm terrorist gjatë Lojërave Olimpike, policia franceze arreston 18-vjeçarin appeared first on Albeu.com.

Të dyshuarit, 24 dhe 18 vjeç, u arrestuan gjatë operacioneve të veçanta policore në shtetin Baden-ëuerttember në fillim të këtij muaji, njoftoi agjencia gjermane e lajmeve dpa, duke cituar prokurorët e shtetit dhe policinë.

Ata diskutuan “vrasjen e një ose më shumë vizitorëve në sulmin në sinagogë e ndjekur nga vdekja si martirë, ku dy personat donin të qëlloheshin për vdekje nga policia”, thanë autoritetet në një deklaratë.

Ata mund të përballen me akuza, duke përfshirë komplotin për të kryer vrasje. Policia zbuloi komplotin kur kontrolloi shtëpinë e njërit prej të dyshuarve më 3 maj. Provat e sekuestruara përfshinin një shkëmbim të mesazheve në internet midis dy të dyshuarve në prill, ku ata diskutuan sulmin e mundshëm në sinagogë.

Udhëheqësit gjermanë kanë paralajmëruar për rreziqet e sulmeve ndaj hebrenjve dhe kanë dënuar një rritje të antisemitizmit pas luftës së vazhdueshme midis Izraelit dhe Hamasit.

The post Planifikuan sulm në një sinagogë, arrestohen dy të rinj në Gjermani appeared first on Albeu.com.

Vrasja e vitit 2013 e ish-liderit opozitar Chokri Belaid u pretendua nga militantë islamistë dhe i dha një goditje te rende demokracisë së dobët në vend të vendosur pas përmbysjes së diktatorit Ben Ali në 2011.

48 vjeçari i ndjerë Belaid ishte kritik i partisë islamiste të Ennahdha, që dominonte politikën në vend.

Ai u vra më 6 shkurt jashtë shtëpisë së tij.

Të afërmit e tij thonin sot se ishin të lehtësuar nga verdikti dhe se shpresonin për gjykime më të drejta në të ardhmen.

“Ky verdikt na jep pak besim të sistemi i drejtësisë në Tunizi”, tha vëllai i të ndjerit Abdelmajid Belaid. “Ndoshta në të ardhmen mund të keni vendime të drejta e domethënëse, sepse këtë duan të gjithë tunizianët”, tha ai.

Përveç të dënuarve me vdekje, 19 të tjerë morën dënime me burg për akuza si “pjesëmarrje në grup terrorist” dhe “vrasje me paramendim”.

The post Gjykata dënon me vdekje katër të akuzuar për vrasjen e opozitarit në Tunizi appeared first on Albeu.com.

Burri dhe gruaja u vranë gjatë një “përpjekjeje për të sulmuar” një pikë kontrolli të sigurisë në gjykatën e Caglayan në orën 11:46, shkroi Yerlikaya në mediat sociale.

Gjashtë persona të tjerë mbetën të plagosur, në mesin e tyre tre policë.

“I uroj shërim të shpejtë të plagosurve tanë”, tha ministri duke përgëzuar policët të cilët i quajti heronj.

Caglayan, i cili njihet si Pallati i Drejtësisë në Stamboll, është një kompleks i madh gjykatash në rrethin Kagithane, në anën evropiane të qytetit.

Yerlikaya më vonë i identifikoi sulmuesit si anëtarë të Frontit Revolucionar për Çlirim, ose DHKP/C – grupi i cili nga Turqia dhe Shtetet e Bashkuara konsiderohet organizatë terroriste.

Sulmi ndodhi në ditën kur Turqia po përkujtonte përvjetorin e një tërmeti që vrau mijëra njerëz në jug të vendit.

Pjesëtarë të Policisë së Turqisë duke qëndruar pranë kishës ku ndodhi sulmi i armatosur në Stamboll. 28 janar 2024. DHKP/C ka qenë kryesisht joaktive në vjetët e fundit.

Në mars të vitit 2015, grupi mori peng një prokuror duke kërkuar detaje për vrasjen e një adoleshenti nga policia, gjatë protestave antiqeveritare një vit më parë.

Dy persona të armatosur vdiqën pasi policia hyri në ndërtesë, dhe prokurori vdiq më vonë si pasojë e plagëve.

Grupi gjithashtu mori përgjegjësinë për një sulm vetëvrasës me bombë në shkurt të vitit 2013, në Ambasadën e SHBA-së në Ankara, ku një roje e sigurisë u vra dhe katër persona të tjerë u plagosën.

Muajin e kaluar, një burrë u qëllua dhe u vra në një kishë të Stambollit në një sulm që u mor përsipër nga grupi militant, Shteti Islamik (IS).

Dy burra u arrestuan më vonë si të dyshuar për vrasjen e Tuncer Cihan, 52 vjeç, më 28 janar në kishën Santa Maria në lagjen Buyukdere.

Dhjetëra anëtarë dhe mbështetës të dyshuar të IS-it, gjithashtu, u arrestuan.

The post Panik në Stamboll, sulm terrorist para Gjykatës, dy të vrarë dhe gjashtë të plagosur appeared first on Albeu.com.

Marrja në pyetje e 200 të dyshuarve të rinj u njoftua në një deklaratë të përbashkët të shtunën nga ushtria izraelite dhe shërbimi i sigurisë së brendshme Shin Bet.

BBC raporton se në deklaratë thuhej se disa nga të dyshuarit ishin fshehur në mesin e popullatës civile dhe ishin dorëzuar vullnetarisht, ndërsa theksohej se ata ishin ndër mes qindra të dyshuarve të përfshirë në aktivitete terroriste”.

Izraeli thotë se 700 militantë palestinezë janë arrestuar që kur filloi operacionin e tij ushtarak dhe pushtimin e Gazës me qëllim të eliminimit të Hamasit. Nga ana tjetër, grupi i Hamasi thotë se gra dhe fëmijë po vriten nga sulmet e izraelit.

Izraeli ka theksuar më parë se ndërmerr hapa për të shmangur viktimat civile dhe fajëson Hamasin për përfshirjen e tij në zonat me popullsi të dendur, shkruan më tej BBC.

Izraeli filloi operacionin e tij hakmarrës pasi luftëtarët e Hamasit kaluan nga Gaza në Izraelin jugor më 7 tetor, duke vrarë 1200 njerëz dhe duke marrë rreth 240 pengje. Më shumë se 20,000 njerëz janë vrarë dhe 53,000 janë plagosur në Gaza që atëherë, sipas ministrisë së shëndetësisë të drejtuar nga Hamasi.

Përditësimi i tij të shtunën tha se 201 njerëz të tjerë ishin vrarë dhe 368 të tjerë u plagosën vetëm një ditë më parë OKB-ja njoftoi më herët se punonjësi i saj i ndihmës Issam al-Mughrabi, 56 vjeç, ishte vrarë në një sulm – së bashku me gruan, fëmijët dhe më shumë se 70 anëtarë të familjes së tij të gjerë.

Izraeli njoftoi se pesë nga ushtarët e tij ishin vrarë në luftimet në Gaza, duke e çuar totalin në 144 që nga fillimi i operacionit tokësor, ndërkohë që ushtria ka vazhduar fushatën e saj të bombardimeve në Gaza, duke urdhëruar civilët të largohen.

Të shtunën, ushtria izraelite tha se një nga avionët e saj luftarakë kishte vrarë Hassah Atrash, një njeri që e akuzoi për kontrabandë armësh në Gaza për të armatosur Hamasin, por për diçka të tillë nuk kishte asnjë konfirmim nga Hamasi.

Ushtria izraelite ka thënë se ka pothuajse kontrollin e plotë operacional të veriut të Rripit të Gazës dhe po shton operacionet në jug.

The post Të dyshuar si të përfshirë në aktivitete terroriste, Izraeli arreston qindra anëtarë të Hamasit dhe Xhihadit Islamik: Do i marrim në pyetje appeared first on Albeu.com.

Reagimi i Vuçiçit vjen pasi ministri i Punëve të Brendshme të Kosovës, Xhelal Sveçla, tha se në sulmin në Banjskë mori pjesë Millorad Jevtiç, që sipas tij, njihet si një ndër bashkëpunëtorët më të afërt të Danilo Vuçiq, djalit të presidentit serb, Aleksandar Vuçiç.

“Mbetet që organet e sigurisë dhe hetimet të zbulojnë se përveç Vuçiqit dhe strukturave të larta shtetërore serbe, a ka qenë edhe djali i tij [i përfshirë] në planifikimin dhe organizimin e sulmit terrorist në Banjskë të Zveçanit”, shkroi Sveçla në Facebook.

Vuçiç përmes një reagimi në llogarinë e tij në Instagram tha se djali i tij nuk ka lidhje me sulmin në Banjskë, përveç se ai e do Serbinë dhe ‘Kosovën e Metohinë’ si pjesë të saj, në linjë me Kartën e Kombeve të Bashkuara.

“Karakteristika e parë e një frikacaku është kur dikush sulmon familjen e tjetrit, fëmijët e tij, sepse ata gjithmonë janë shënjestra më e lehtë”, shkroi Vuçiç, duke iu drejtuar kryeministrit të Kosovës, Albin Kurti, pavarësisht se ky i fundit nuk ka komentuar lidhur me deklaratat e bëra nga ministri Sveçla për djalin e presidentit serb.

Sveçla tha se pas sulmit në Banjskë autoritetet gjetën një dokument personal të Jevtiqit, i cili sipas tij, “nga pesë vizitat e fundit të djalit të Vuçiçit në Kosovë, katër herë ata kanë qenë bashkë në të njëjtën veturë”.

Më 24 shtator, një grup i armatosur sulmoi një njësi patrulluese të policisë së Kosovës në një rrugë në fshatin Banjskë, duke vrarë rreshterin Afrim Bunjaku.

Më pas, grupi i sulmuesve u strehua në manastirin në Banjskë, prej ku vazhdoi përleshjet me zyrtarët policorë.

Gjatë përleshjeve, sipas autoriteteve kosovare, janë vrarë tre sulmues. Kosova ka fajësuar për këtë sulm – që e cilëson terrorist – Serbinë, por Beogradi ka mohuar se ka gisht në të. Milan Radoiçiç, ish-nënkryetar i Listës Serbe – partisë kryesore të serbëve në Kosovë që ka mbështetjen e Beogradit zyrtar – ka pranuar se ka organizuar dhe ka marrë pjesë në sulmin në Banjskë.

Kosova ka publikuar dëshmi për përfshirjen e Radoiçiqit në ngjarjet në veri, përfshirë edhe pamje të incizuara me dron ku ai shihet i veshur me uniformë dhe i armatosur në manastirin e Banjskës më 24 shtator.

Pas sulmit, Kuvendi i Kosovës ka miratuar një rezolutë e cila kërkon një hetim ndërkombëtar për të përcaktuar rolin e Serbisë në sulmin në Banjskë.

Shtetet e Bashkuara dhe Bashkimi Evropian kanë dënuar ashpër sulmin, teksa u kanë bërë thirrje palëve që të kthehen në dialogun për normalizimin e raporteve që ndërmjetësohet nga Brukseli.

Në BE po ashtu disa shtete kanë kërkuar që Serbia të ndëshkohet nëse vërtetohet se ka qenë e përfshirë në sulm. Blloku evropian ka deklaruar se po pret përfundimin e hetimeve dhe më pas do të vendosë se çfarë hapash do të ndërmarrë.

The post Sulmi terrosistë në Kosovë, Vuçiç: Djali im nuk ishte në Banjskë appeared first on Albeu.com.