Shefi i Qeverisë së Kosovës iu bëri thirrje sërish ndërkombëtarëve që “ta dënojnë agresionin e Serbisë më 14 qershor”, raporton Gazeta Express.

“Jemi duke bërë gjithçka që ata të lirohen sa më shpejt, të pacenuar, ndërkaq në anën tjetër, i ftojmë edhe njëherë faktorët ndërkombëtarë që ta dënojnë agresionin e Serbisë më 14 qershor kur njësitet e tyre speciale dhe ushtarake dhe policore rrëmbyen policët tanë – njësiti antiterror dhe ai Kobra i ushtrisë tre policët tanë në Leposaviq të cilët ndodheshin pikërisht te një rrugë e mbyllur ilegale e kontrabandës”, tha ai.

Kurti tha se “sipas të gjitha gjasave”, shefi i Zyrës Ndërlidhëse të Republikës së Kosovës në Beograd, Jetish Jashari në fillim të javës do të mund t’i vizitojë policët e paraburgosur në Serbi.

“Sipas të gjitha gjasave, në bazë të lajmeve që kemi, në fillim të javës që vjen, ambasadori Jetish Jashari, i cili përndryshe është shef i zyrës ndërlidhëse të Kosovës në Beograd do të arrijë t’i vizitojë këta tre policë”, tha kryeministri./Express/

The post Rrëmbimi i tre policëve nga serbët, Kurti: Po bëjmë gjithçka që të lirohen appeared first on Albeu.com.

Kurti tha se nuk do të përfshihet në dialog me Serbinë nëse nu ki plotësohen disa kushte. Ai përmendi ndër të tjera kërkim falje nga Serbia për krimet e kryera në Kosovë, ndërrimin e Kushtetutës nga Serbia, kthimin e të pagjeturve, pagimin e dëmeve të luftës dhe pa e njohur pavarësinë e Kosovës.

Kurti shtoi se Kosova “duhet të përballet me ekstremistët e dhunshëm, ultra-nacionalistët, të djathtët që besojnë në ‘botën serbe’ dhe e shikojnë atë me botën ruse… këta janë njerëz që e admirojnë Millosheviqin apo Putinin”, theksoi ai.

Shtetet e Bashkuara të Amerikës (SHBA) dhe Bashkimi Evropian (BE), më herët, i kanë bërë thirrje Kurtit që të largojë kryetarët e komunave nga objektet komunale në komunat veriore dhe njësitë speciale të policisë, të cilat ndihmuan vendosjen e tyre në ato objekte.

“Bashkimi Evropian është projekti më i rëndësishëm i paqes dhe të ardhmes që nga Lufta e Dytë Botërore”, ka thënë Kurti duke shtuar se i është bashkuar dialogut me Serbinë sepse ai “organizohet nga Bashkimi Evropian, që është lehtësues i bisedimeve”, citon Radio Televizioni i Kroacisë.

Një deklaratë e tillë e kryeministrit Albin Kurti vjen në një moment mjaft delikat ku gjendet procesi i negociatave, pas ngjarjeve të fundit në veri dhe pas acaraimit të raporteve me Shtetet e Bashkuara të Amerikës.albeu.com/

The post Kurti në Dubrovnik: Të zbatohet marrëveshja për normalizim, ja çfarë pres nga Serbia appeared first on Albeu.com.

Atë ditë protestuesit serbë janë përleshur me pjesëtarë të KFOR-it, dhe të plagosur ka pasur prej të dyja anëve. Në një konferencë për media, Gallieni, i ka komentuar të premten ngjarjet që kanë ndodhur në veri të Kosovës, prej 29 majit.

“Është shumë e rëndësishme që të gjitha palët të përmbahen nga veprimet hakmarrëse. Sepse, siç e kanë dëshmuar edhe këto ngjarje, gjithçka mund të përshkallëzohet në nivel të madh të dhunës, prandaj është shumë e rëndësishme që të gjitha palët t’i kenë parasysh pasojat dhe rreziqet e veprimeve të tyre”.

Ai ka thënë se të dyja palët duhet të mbajnë përgjegjësi.

“Njëra palë, për marrjen e vendimeve, pa e marrë parasysh shkallën e sigurisë, dhe pala tjetër të reagojë për veprimet e dhunshme që janë parë në mesin e protestuesve”.

Serbët lokalë janë duke vazhduar protestat në tri komunat në veri të Kosovës, Zveçan, Zubin Potok dhe Leposaviq, edhe më 9 qershor.

The post Tensionet në Kosovë/ KFOR: Grupet kriminale kanë qenë pas protestave të dhunshme në Zveçan appeared first on Albeu.com.

Ndihmës-sekretari në Byronë Ndërkombëtare të Narkotikëve dhe Çështjeve të Zbatimit të Ligjit, Todd Robinson, më 3 qershor 2023 do të ateronte për vizitë zyrtare në Prishtinë.

Vetëm pak ditë para nisjes drejt Kosovës, ku do të qëndronte deri më 7 qershor 2023, Robinson anuloi udhëtimin duke e shtyrë vizitën e tij. Krejt kjo shkaku i gjendjes që u krijua në veri, e që çoi Kosovën në ndëshkime nga SHBA-ja, aleati kryesor i vendit.

Se situata në veri të Kosovës – e përshkallëzuar qysh më 26 maj 2023 kur kryetarët e tre komunave veriore, nën shoqërimin e Njësisë Speciale të Kosovës provuan të hyjnë në objektet komunale – ka qenë arsyeja e shtyrjes së vizitës së zyrtarit të lartë të administratës së Biden e ka konfirmuar të enjtenvet ambasada e SHBA’së në Prishtinë.

“Për shkak të krizës aktuale në veri të Kosovës, Ndihmës Sekretari Robinson e shtyu udhëtimin e tij në Kosovë. Ne po u bëjmë thirrje të gjitha palëve që të ndërmarrin hapa të menjëhershëm për të ulur tensionet dhe për t’u kthyer në dialogun e lehtësuar nga BE-ja”, tha për Reporteri një zëdhënës i ambasadës së SHBA’ve në Kosovë.

Në vizitën e tij 4 ditorë në Prishtinë, Ndihmës-sekretari në Byronë Ndërkombëtare të Narkotikëve dhe Çështjeve të Zbatimit të Ligjit, Todd Robinson, kishte paraparë një sërë takimesh me shefat e shtetit dhe qeveritarë dhe vizita në institucionet e ndryshme të sigurisë dhe sundimit të ligjit në Kosovë.

Siç ka marrë vesh gazeta online Reporteri.net, Robinson në fillim të kësaj jave, në agjendë kishte edhe një takim me Kryeministrin Albin Kurti. Ai po ashtu do të pritej në zyrën e saj edhe nga Presidentja Vjosa Osmani.

Në agjendën e takimeve Robinson kishte të paraparë edhe takim me Ministren e Drejtësisë Albulena Haxhiu, ndërsa i shoqëruar nga Ministri i Brendshëm Xhelal Sveçla, zyrtari i lartë amerikan planifikonte të vizitonte edhe Akademinë e Kosovës për Siguri Publike në Vushtrri.

Ardhja e Robinson në Kosovë u shty me një “njoftim ndëshkues” nga erdhi nga SHBA’ja me 29 maj 2023, ku përveç se bllokoi vizitat zyrtare të qeveritareve mes Prishtinës e Washingtonit, e la Kosovën jashtë pjesëmarrjes “Defender Europe 23” – stërvitjes ushtarake e përbashkët shumëkombëshe drejtuar e Komanda Evropiane e SHBA “Defender Europe”.

Ndëshkimet amerikane për Kosovën, pas trazirave në veri

Krejt këto ndëshkime, që për shumëkëd shihen si sanksione të SHBA’së ndaj Kosovës, erdhën pas trazirave të fundit në veri të Kosovës. Aleatët perëndimor të vendit po e mbajnë përgjegjëse Kosovën dhe Qeverinë e Albin Kurtit për përshkallëzimin në dhunë të situatës atje. Dhjetëra pjesëtarë të KFOR’it janë lënduar gjatë një përleshje të tyre me protestuesit e dhunshëm serbë. Këta të fundit kanë sulmuar edhe Policinë e Kosovës dhe gazetarët e ekipet e mediave kosovare.

“Më duhet të them, se tani për tani, nuk ka entuziazëm shumë të madh te Shtetet e Bashkuara për t’iu përgjigjur disa prej interesave të tjera të Kosovës, siç janë angazhimi me shtetet jo njohëse, apo puna aktive për ta avancuar trajektoren evropiane apo euro-atlantike të Kosovës”, e njoftoi si ndëshkim të tretë për Kosovës, ambasadori amerikan Jeff Hovenier, në një intervistë dhënë për disa gazetarë kosovarë më 30 maj 2023.

“Më duhet ta them se kemi kërkuar nga kryeministri Kurti, në mënyrë shumë direkte, të ndërmarrë hapa të menjëhershëm për të arritur deri te një depërshkallëzim në veri. Ai nuk i është përgjigjur këtyre kërkesave”.

Kush është Todd Robinson?

Ambasadori Todd D. Robinson u betua si Ndihmës Sekretar në Byronë Ndërkombëtare të Narkotikëve dhe Çështjeve të Zbatimit të Ligjit më 30 shtator 2021.

Robinson shërbeu për herë të fundit si Drejtor i Zyrës Ndërkombëtare të Menaxhimit të Studentëve në Universitetin e Mbrojtjes Kombëtare. Përpara detyrës së tij në NDU, ai shërbeu si Këshilltar i Lartë për Amerikën Qendrore në Byronë e Çështjeve të Hemisferës Perëndimore në Washington, DC.

Ambasadori Robinson ishte më parë i Ngarkuar me Punë në Karakas, Venezuelë nga 18 dhjetori 2017 deri më 22 maj 2018, kur u dëbua nga Presidenti Maduro. Ai ka qenë më parë ambasador i SHBA në Republikën e Guatemalës nga 16 shtatori 2014 deri më 20 shtator 2017.

Robinson është një diplomat karriere me gradën Ministri i Karrierës.

The post Zyrtari i lartë i administratës së Biden shtyu vizitën në Kosovë: Në agjendë kishte takime me Kurtin, Osmanin, Sveçlën e Haxhiun appeared first on Albeu.com.

“Mosbesim deri në pabesi nga ana e kryetarit të Qeverisë së Kosovës ndaj aleatëve të sigurisë, që janë ende garanci e sigurisë sonë. Kush përfiton nga kjo, përveç presidentit të Rusisë, Vladimir] Putinit dhe Rusisë? Për këtë ju kërkoj të shkojmë në mocion dhe ta ndërpresim mosbesimin deri në pabesi dhe ta shkarkojmë Qeverinë Kurti”, tha Haradinaj në seancën e Kuvendit, të thirrur për situatën në veri.

Protestat kundër kryetarëve shqiptarë të komunave me shumicë serbe në veri të Kosovës vazhdojnë edhe sot për të pestën ditë me radhë.

Numri i protestuesve ka qenë më i ulët dje, krahasuar me ditët paraprake. Kosova është vënë nën presion diplomatik për të shtensionuar situatën, shkeuan REL. Bashkimi Evropian iu bashkua thirrjeve të Francës dhe Gjermanisë për të mbajtur zgjedhje të reja në veri.

3 kërkesa që BE-ja ka për Kosovën:
• Zgjedhje të reja tani
• Të sigurohet pjesëmarrja e serbëve të Kosovës në to
• Të nisë puna për themelimin e Asociacionit të komunave me shumicë serbe

“Dështimi për t’i bërë këto, do të ketë pasoja serioze në marrëdhëniet tona”, tha shefi i politikës së jashtme të BE-së, Joseph Borrell.

Që prej 26 majit situata në veri të Kosovës është tensionuar, pasi qytetarët serbë nisën protestat kundër kryetarëve shqiptarë të komunave me shumicë serbe Zveçan, Zubin Potok dhe Leposaviq.

Si pasojë e tensioneve SHBA-ja, mbështetësja më e madhe e pavarësisë së Kosovës, vendosi të anulojë pjesëmarrjen e Kosovës në një stërvitje ushtarake të NATO-s, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit./albeu.com/

The post Tensionet në veri/ Haradinaj kërkon nisjen e mocionit për shkarkimin e Qeverisë Kurti appeared first on Albeu.com.

Për pasojë atje ka prezencë të shtuar nës KFOR-it dhe policisë së Kosovës, ndërsa në Zveçan policia ka hedhur gaz lotsjellës për të shpërndarë turmën.

Mediet në Kosovë raportojnë se deputeti i Lëvizjes Vetëvendosje është filmuar teksa futet në komunën e Leposaviqit bashkë me kryetarin e kësaj komune.

Deputeti është futur në kohën kur KFOR-i ka krijuar një kordon me gjemba afër kësaj komune.
Përleshjet që shpërthyen midis protestuesve serbë dhe policisë bënë që Serbia të ngrejë gatishmërinë luftarake të ushtrisë së saj.

Bashkësia ndërkombëtare e dënoi fuqishëm vendimin e Qeverisë së Kosovës për të hyrë me forcë në ndërtesat komunale në veri. NATO-ja kërkoi shtensionimin e menjëhershëm të situatës.

Më 26 maj, kryetarët e rinj shqiptarë të Zveçanit, Zubin Potokut dhe Leposaviqit, me asistimin e Policisë së Kosovës hynë në ndërtesat komunale, për të nisur punën, pasi një ditë më parë bënë betimin në shkolla dhe ndërtesa të tjera komunale. Hyrja e tyre në zyrat e komunave u kundërshtua nga grupe të serbëve lokalë. Policia e Kosovës ndërhyri duke përdorur gaz lotsjellës dhe shok-bomba, ndërkaq serbët lokalë hodhën gurë në drejtim të tyre.

Të paktën pesë policë pësuan lëndime. Faktori ndërkombëtar, në krye me Shtetet e Bashkuara, dënuan veprimet e Qeverisë së Kosovës, duke kërkuar që menjëherë të ulen tensionet.
Kryeministri i Kosovës, Albin Kurti, tha se i kupton shqetësimet e partnerëve ndërkombëtarë, megjithatë, sipas tij, çdo opsion tjetër “do të ishte mospërmbushje e obligimeve kushtetuese të Qeverisë sonë ndaj kryetarëve të rinj”.

Ndërkaq, misioni paqeruajtës i NATO-s në Kosovës, KFOR, tha më 26 maj se situata e krijuar “është jashtëzakonisht e rrezikshme për procesin e normalizimit [të marrëdhënieve Kosovë-Serbi” dhe se “rrezikon përshkallëzimin e mëtejshëm të tensioneve”.
KFOR dënoi “aktet e njëanshme”, teksa u bëri thirrje të gjitha palëve që të përmbahen nga dhuna.

Në katër komunat në veri të Kosovës, në zgjedhjet e 23 prillit u zgjodhën katër kryetarë të rinj shqiptarë, pasi në këto zgjedhje të jashtëzakonshme nuk morën pjesë partitë serbe. Zgjedhjet u mbajtën pas dorëheqjes së kryetarëve nga radhët e Listës Serbe – partisë më të madhe të serbëve të Kosovës – në nëntor të vitit të kaluar.

Kjo parti i braktisi të gjitha institucionet e Kosovës, për shkak të vendimit të Qeverisë në Prishtinë për të kryer procesin e riregjistrimit të makinave me targa ilegale serbe. Zgjedhjet u bojkotuan nga popullata shumicë serbe në atë zonë, e cila tani nuk i pranon rezultatet, përkatësisht kryetarët e rinj. Pjesëmarrja në zgjedhjet e prillit ishte 3.47 për qind e numrit të përgjithshëm të votuesve të regjistruar./albeu.com/

The post VIDEO/ Tensionet në veri të Kosovës, deputeti i “Vetëvendosjes” kalon kordonin e KFOR-it, futet në komunën e Leposaviçit appeared first on Albeu.com.

Në njoftimin e fundit që ka lëshuar Policia e Kosovës thuhet se lëndimet e policëve kanë ardhur pasi protestuesit kanë hedhur mjete të ndryshme të forta dhe shok bomba në drejtim të Policisë dhe automjeteve zyrtare.

Sipas Policisë, janë dëmtuar tri vetura të EULEX’it dhe disa vetura civile, përfshirë edhe ato të gazetarëve.

“Si pasojë e sulmeve pesë (5) zyrtarë policorë kanë pësuar lëndime të lehta trupore, janë dëmtuar katër (4) automjete zyrtare, njërës prej tyre iu ishte vënë zjarri duke u dëmtuar në tersi, janë dëmtuar disa vetura civile përfshirë të gazetarëve, si dhe tri (3) vetura të EULEX-it. Po ashtu në disa raste në lokacione të ndryshme janë dëgjuar të shtëna me armë, për të cilat po kryhen hetime në bashkëpunim me organet e drejtësisë”, thuhet në njoftim.

Në njoftim, Policia ka bërë me dije se ka larguar mjetet transportuese që ishin vendosur nëpër rrugë, në formë barrikadash.

“Individë/grupe të caktuara kriminale, përveç sulmeve ndaj zyrtarëve dhe mjeteve, kanë tentuar të bllokojnë rrugë të ndryshme me zhavor/gurë dhe mjete të rënda transportuese.  Policia e Kosovës me qëllim të sigurimit të lëvizjes së lirë të njerëzve dhe mallrave, ka marrë masa për largimin e tyre dhe pastrimin e rrugëve në bashkëpunim dhe koordinim me autoritetet kompetente. Mjetet transportuese janë larguar, rrugët janë të lira për qarkullim, përderisa Policia e Kosovës ka angazhuar njësitet e saja për hetime dhe veprime të mëtejme policore”, thuhet në njoftim.

Rasti është  cilësuar si “Cenim i Rendit Kushtetues & Shkaktim i Rrezikut të Përgjithshëm & Dëmtim Asgjësim i Pasurisë”./express

The post Policë të lënduar e automjete të dëmtuara në veri të Kosovës, Policia: Po kryhen hetime appeared first on Albeu.com.

Në të katër komunat, u dëgjuan fillimisht sirena alarmi, ndërkohë që para objekteve komunale në Zubin Potok, Zveçan dhe Leposaviq u mblodhën edhe qytetarë.

Policia e Kosovës përdori gaz lotsjellës dhe shok-bomba për t’i shpërndarë qytetarët e mbledhur në tubim para objektit komunal në Zveçan, komunë e banuar me shumicë serbe në pjesën veriore të vendit. Gjithashtu se ka pasur të shtëna me armë zjarri, përplasje fizike dhe një makinë e djegur e efektivëve të Policisë së Kosovës. Pesë policë të Kosovës janë lënduar

Sakaq Partia Përparimtare Serbe, e kryesuar nga Vuçiç ka paralajmëruar sot një takim të madh në sheshin Nikola Pashiç në Beograd, para Kuvendit Popullor, duke e cilësuar “takimin më të madh në historinë e Serbisë”.

Që nga mëngjesi i sotëm në Beograd kanë mbërritur autobusët me mbështetës, të cilët do të jenë pjesë të kësaj mbledhjeje.

Presidenti i Serbisë, Aleksandar Vuçiç, ka bërë të ditur se në takim do të flasë si president i vendit, jo si kryetar i partisë dhe do të ofrojë zgjidhje të reja dhe dialog me ata që mendojnë ndryshe. Ai tha se tubimi i sotëm nuk është tubim i SNS-së dhe as kundër tubim.

Një numër i madh i policëve dhe snajperëve janë vendosur në çatitë e ndërtesave përreth Kuvendit të Serbisë, transmeton N1.

Policia me veshje civile është vendosur para Kuvendit. Zyrtarët qeveritarë hyjnë në ndërtesën e Kuvendit Kombëtar nga rruga “Kosovska”.

Liderët e koalicionit “Për të ardhmen e Malit të Zi”, Milan Knezheviç dhe Andrija Mandiç, me ftesë të Vuçiçit do të marrin pjesë në takimin e sonte në Beograd. Edhe Knezheviç në një bisedë telefonike ka konfirmuar për Televizije Vijesti se do të flasë në protestë./albeu.com/ 

The post Tensionet në veri të Kosovës, Vuçiç mbledh mbështetësit në Beograd: Takimi më i madh në historinë e Serbisë appeared first on Albeu.com.

Mbi këtë ngjajre ka reaguar edhe Kryeministri Edi Rama.

Me anë të një postimi në rrjetin social “Facebook”, shprehet se të gjithë janë kthyer në shtëpi secili me fitoren e vet duke e quajtur këtë ngjarje si një shfaqje e cila pati të njëjtin fund.

Postimi i Plotë:

Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë! Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare! Pyetja mbeti po ajo që ishte përpara këtyre barrikadave paqësore e deklaratave armiqësore! Dhe deri kur përgjigjet e ndryshme të nisen po njësoj nga e shkuara, pyetja do të mbetet po aty edhe pas shfaqjes së rradhës, kur barrikadat të thyejnë paqësisht monotoninë e hiçzgjidhjes!/albeu.com

The post Heqja e barrikadave, Rama: Të gjithë u kthyen në shtëpi, shfaqja pati të njëjtin fund appeared first on Albeu.com.

Postimi i Plotë:

“Diplomacia mbizotëroi në uljen e tensioneve në veri të Kosovës. Dhuna nuk mund të jetë kurrë zgjidhje. Mirëpresim lidershipin e përgjegjshëm të Presidentit Vuçiq dhe Kryeministrit Kurti. Një punë e madhe ekipore e BE-së, SHBA-së dhe KFOR-it. Faleminderit të gjithë atyre që u përfshinë. Tani kemi nevojë për progres urgjent në dialog”.

Diplomacy prevailed in de-escalating tensions in north Kosovo. Violence can never be a solution.

Welcome responsible leadership of President Vučić & Prime Minister Kurti.

Great EU, US & @NATO_KFOR teamwork. Thanks to all involved!

We now need urgent progress in the Dialogue.

— Josep Borrell Fontelles (@JosepBorrellF) December 29, 2022

The post Heqja e barrikadave, reagon Borrell: Mbizotëroi diplomacia appeared first on Albeu.com.