Një 60-vjeçar, që dyshohet të ketë ndërruar jetë që prej muajit dhjetor, u zbulua vetëm pak ditë më parë e gjithashtu një tjetër rast, ai i një 70-vjeçari, u evidentua së fundmi nga policia.

Dy jetë të shuara në heshtje,në shtëpi ku nuk trokiti askush.

Ngjarjet kanë ngjallur reagime të shumta, duke risjellë në vëmendje një plagë të madhe shoqërore,vetminë e të moshuarve.

Ky fenomen lidhet me braktisjen,emigracionin e brezave të rinj dhe mungesën e politikave sociale.

Në qarkun Korçë ekziston edhe një shtëpi për të moshuarit, në të cilën çdo vit e më shumë shtohen kërkesat për strehim, kryesisht nga fëmijë që jetojnë në emigracion dhe që nuk kanë mundësi të kujdesen për prindërit e tyre.

Kapaciteti i rezidencës është vetëm 31 persona, një shifër shumë e ulët në krahasim me të moshuarit që e gjejnë veten duke u përballur çdo ditë me sfidën më të madhe: vetminë.

Këto ngjarje janë një këmbanë alarmi për institucionet, të cilat duhet të jenë më të përgjegjëshme kur bëhet fjalë për gjurmimin dhe identifikimin e personave të moshuar që kanë nevojë për ndihmë.

The post Plaga e emigracionit, vetmia që po vret të moshuarit appeared first on Albeu.com.

”Qytetarët vuajnë në bankat tona, s’ka transparencë bankare, komisione e kaluzole të fshehta.

Institucione financiare, e ndërsa ju që duhet t’i mbikqyrni s’keni bërë asgjë.

Saqë shumë familjeve u janë marrë shtëpitë, të tjera edhe janë flijuar e vetëvrarë për shkak të këtyre makinacioneve.

Banka ka rregullat e veta, por ka edhe mbikqyrje nga banka e shtetit që të mos ketë norma të larta interesi që të rinjtë të marirn kredi për një banesë për të ndërtuar familje.

Ka lloj lloj mekanizmash që ua keni sjellë shqiptarëve me i dalë shpirti përmes këtyre bankave e vetë s’dini ku i keni paratë, biznesi po falimenton nga këto kredi për banka.

Taksat e larta i detyrojnë të marrin kedi që më pas s’i paguajnë, shteti është për të kontrolluar që njerëzit të marrin kredi për biznes e shtëpi, e më pas të kenë mundësi të paguajnë.

Qyetarët e Kamzës s’kanë drita, fiken sot më 2025. S’ka kanalizime, plehrat ishin kudo.

Të moshuar duke zgjedhur ushqim në plehra për të jetuar. Ky është shteti?! Ndaj kemi këkruar minimumin jetik”.

The post Në Kamëz s’ka drita, Asllan Dogjani: Ku është shteti? Të moshuarit po kërkojnë në mbeturina për ushqim… appeared first on Albeu.com.

Në videon e postuar në X, shihet 17-vjeçari teksa i afrohet të moshuarit, i cili po fliste në celular në një rrugë në Sao Paulo të premten.

NEW: 17-year-old teen steals a cell phone and then immediately gets hit by a bus after he tried running off with it.

The incident reportedly happened in São Paulo, Brazil.

A 71-year-old man was seen walking down the street talking on the phone when the teenager snatched it out… pic.twitter.com/ctgB1SN8f1

— Collin Rugg (@CollinRugg) July 20, 2024

Në një moment 17-vjeçari shkon drejt të moshuarit, i kap celularin dhe largohet me vrap.

Mirëpo, adoleshenti nuk e vuri re është se në rrugën që tentoi të arrestisej, po kalonte autobusi.

Siç shihet edhe në video, drejtuesi i autobusit nuk ka pasur kohë të frenojë pasi i riu është hedhur në rrugë duke shkaktuar lëndime fatale.

Sipas informacioneve, 17-vjeçari është dërguar në spital, pasi është marrë me vete dhe aty ka dhënë frymën e fundit për shkak të plagëve të rënda.

The post VIDEO/ Tentoi t’i vidhte celularin të moshuarit, 17-vjeçari tërhiqet zvarrë nga autobusi, humb jetën appeared first on Albeu.com.

Policia ka dhënë detaje për vrasjen e çiftit Kosta e Kleoniqi Ilia, 80 e 84 vjeç në Dropull. Në pranga ka rënë bashkëfshatari Thoma Mastora, 69 vjeç.

Deklarata e policisë:

Nga veprimet hetimore të kryera u arrit në konkluzionin se viktimat ishin goditur me sende të forta dhe prerëse. Nga kontrolli i ushtruar në banesë u gjet dhe u sekuestrua dhe një vlerë rreth 5 mln lekë të reja që çifti kishte në banesë. U shoqëruan 35 persona, u kryen kontrolle, u bë eksperiment hetimor, Nga hetimet intensive u arrit të sqarohet motivi i ngjarjes dhe të dokumentimit autori i ngjarjes së rëndë,. Autori i këtij krimi dyshohet të jetë Thoma Mastora 69-vjeç banues po në këtë fshat. Ndalimi i tij u bë për veprën penale vrasje në rrethana të tjera cilësuese.

Konflikti është për motive të dobëta dhe mosmarrëveshje të mëprashme. Është për shkaqe të dobëta dhe konflikt i çastit. Janë sekuestruar prova dhe mjeti me të cilin dyshohet se është kryer krimi dhe është dërguar për ekzaminim.

The post EMRI/ Piu kafe dhe më pas i vrau, zbardhet vrasja e çiftit të moshuar në Dropull! Arrestohet autori appeared first on Albeu.com.

Në tremujorin e fundit të vitit të kaluar, 18% e personave mbi 65-vjeç ishin të punësuar, niveli më i lartë që nga tremujori i tretë 2022.

Më 2023, shkalla e punësimit mbi moshën 65-vjeç ishte mesatarisht 16.3%, nga rreth 14.8% në vitin 2022.

Siç shihet nga grafiku i mëposhtëm, punësimi i pensionistëve nisi të rritej pas vitit 2016, kur nisi fluksi i azilkërkuesve në Europë.

Më pas, rritja e punësimit në moshën e tretë nisi të forcohej pas pandemisë, kur flukset e emigrimit filluan të rriten sërish, duke lënë mangësi në tregun e punës.

Në njërën anë, hapësirat e lëna bosh nga të rinjtë në tregun e punës dhe në tjetrën pensionet e ulëta, po shtyjnë gjithnjë e më shumë pensionistët të punojnë.

Puna pas pensionit është e pranishme në të gjithë sektorët, madje edhe në sektorin publik.

Në qarqet e vendit, ende shumë pensionistë punojnë në sektorët e arsimit, shëndetësisë, etj., për shkak se nuk ka të rinj për t’i zëvendësuar.

Në të njëjtën periudhë, tregu i punës është bërë më pak tërheqës për të rinjtë.

Gjatë periudhës tetor-dhjetor të vitit 2023, sipas të dhënave nga Anketa e Forcës së Punës, ishin të punësuar mbi 253,5 mijë persona të moshës 15-29-vjeç, ose 21 mijë më pak se në të njëjtën periudhë të vitit 2022.

Të dhëna të detajuara nga INSTAT, tregojnë se punësimi në këtë kategori ra me -7.7%.

Me përjashtim të periudhës korrik-shtator, kur është kulmi i turizmit, në tre tremujorët e tretë, numri i të punësuarve të grupmoshës 15-29 vjeç erdhi në rënie.

Rënia e punësimit në moshat e reja, u shoqërua me rritje jo të zakontë të punësimit të pensionistëve (grupmosha mbi 64 vjeç).

Sipas INSTAT, punësimi në këtë grup pati një zgjerim vjetor me gati 50% në tremujorin e fundit të vitit 2023.

Gati 82 mijë persona mbi 64-vjeç ishin në punë në tetor-dhjetor 2023, nga 54,5 mijë që ishin në të njëjtën periudhë të vitit 2022.

Të dhënat tregojnë se ishin punësuar mbi 27 mijë pensionistë më shumë se në tremujorin e fundit të vitit 2022.

Ka një tendencë vitet e fundit se kur bie punësimi i të rinjve, ka më shumë të punësuar mes pensionistëve.

Punësimi i të rinjve po has në vështirësi vitet e fundit, duke reflektuar rikthimin e papunësisë, edhe pse tregu i punës ka shfaqur kërkesë të fortë, sidomos pas pandemisë./Monitor

The post Të rinjtë po ikin në emigracion, të moshuarit punojnë appeared first on Albeu.com.

Të dhënat zyrtare të Institutit të Sigurimeve Shoqërore, tregojnë se që nga zbatimi i reformës së pensioneve, përqindja e pensionistëve me pagesë të pjesshme është rritur ndjeshëm.

Më 2014 kishte 460,736 pensione pleqërie gjithsej, teksa 28% e tyre, ose 128,214 morën pagesa të pjesshme.

Përqindja e pensionistëve me pagesa të pjesshme nga 28% në vitin 2014, arriti në 50% më 2024.

Ekspertët e sigurimeve shoqërore, pohojnë se kjo përqindje do të zgjerohet më tej gjatë viteve në vijim, pasi aktualisht po del në pension brezi i tranzicionit që ka punuar në të zezë, ose ka paguar shumë pak sigurime, duke mos përmbushur kriteret.

Shumica e pensionistëve, po përfundojnë me pagesa mujore afër pensionit minimal dhe atij social.

Personat që dolën në pension gjatë vitit 2023, morën pagesë mesatare rreth 15,569 lekë, vlerë kjo 15% më e ulët se pensioni mesatar për të gjithë pensionistët.

Teksa një numër gjithnjë e më i madh pensionistësh po marrin pagesa të pjesshme, nga ana tjetër, qeveria dhe sektori privat kanë përshpejtuar ritmet e rritjes së pagave, duke thelluar më tej pabarazinë në të ardhura ndërmjet pensionistëve dhe të punësuarve.

Mosplotësimi i kritereve për pension të plotë rrezikon të rrisë varfërinë në moshat e vjetra, teksa vendi ynë nuk ka të zhvilluar mbrojtjen sociale dhe qendrat e kujdesit për të moshuarit.

Gjithashtu, shoqëria civile mbetet e paorganizuar për të ofruar mbështetje për moshat e treta, si në vendet e tjera të zhvilluara.

Skema e sigurimeve shoqërore, lejon që të gjithë personat të cilët nuk i kanë plotësuar vitet e nevojshme të punës sipas ligjit, të përfitojnë pension të pjesshëm të pleqërisë.

Kjo do të thotë se ata do të marrin pensionin për aq vite pune sa kanë investuar në skemë, por jo më pak se 15 vite gjithsej.

Personat që kanë periudha sigurimi, kanë të drejtën e përfitimit të pensionit të pjesshëm të pleqërisë kur plotësojnë moshën 65 vjeç për burrat dhe 60 vjeç për gratë.

Sipas ligjit për Sigurimet Shoqërore, ata duhet të kenë jo më pak se 15 vjet periudha sigurimi dhe jo më shumë se 35 vjet periudha sigurimi dhe të jenë tërhequr nga veprimtaria ekonomike.

Për përfitimin e pensionit të plotë të pleqërisë, duhen së paku 38.2 vite sigurime këtë vit për të përfituar pension të plotë dhe deri në vitin 2030 do të duhen 40 vite punë me sigurime, kritere që nuk po përmbushen nga pjesa më e madhe e personave që dalin aktualisht në pension./Monitor

The post Varfëria mbërthen të moshuarit/ Gjysma e pensionistëve sot po marrin pagesa të pjesshme appeared first on Albeu.com.

“Vetëm dyfishimi i pensioneve është zgjidhje që të blejmë produktet ushqimore pasi nga pagesa e faturave dhe ilaçeve, nuk mbetet çfarë të ushqehemi gjithë muajin”, shprehen të moshuarit.

Tregtaret në Durrës, shprehen se fuqia blerëse ka rënë në maksimum, aq sa në një dite normale numri i tregtarëve është me i madh sesa i blerësve.

Produktet vendase dhe të importit janë me shumicë në treg.

Me pakicë është vetëm numri i qytetareve, të cilët janë larguar dhe kanë mbetur kryesisht mosha e tretë e cila nuk ka fuqi blerëse.

Ndërsa tregtarët e pakicës, thonë se ekonomia është ne rënie të vazhdueshme me uljen drastike të popullsisë, e cila reflektohet me mungesën e xhiros.

The post Të moshuarit në Durrës kërkojnë rritjen e pensioneve: Blejmë ilaçet dhe nuk na mbeten para për t’u ushqyer appeared first on Albeu.com.

“Mos prek me dorë”, “Turp t’ju vijë”, u drejtohen protestuesit uniformave blu dhe gardistëve.

Ata janë ngritur në protesta për rritjen e pensioneve dhe statusin e minatorit.

Ndërkohë gardistët kanë shtyrë të moshuarit dhe nuk i kanë lejuar të afrohen drejt oborrit të Parlamentit.

Protestuesit kërkojnë të dalin perpara hyrjes së Kuvendit, por nuk lejohen nga Garda dhe efektivët e policisë./Albeu.com

The post “Mos prek me dorë, turp t’ju vijë”, pensionistët dhe minatorët protestë para Kuvendit, përplasen me policinë! Gardistët shtyjnë të moshuarit appeared first on Albeu.com.

Georgina Scul ka qenë një punonjëse e kujdesit shëndetësor për shumë vite dhe ka qenë pranë shumë të moshuarve sidomos në ditët e fundit të jetës tyre.

Në librin e saj, “Regrets of the Dying”, infermierja ka treguar dëshirat, amanetrt dhe pendesat e të moshuarvë që kanë pasur në çastet e fundit para se të vdisnin.

Dëshira e parë: Do të doja të kisha guximin të bëja atë që doja dhe jo atë që donin të tjerët.

“Kjo ishte keqardhja e të gjithëve. Nuk ka pasur kurrë një pacient që nuk mendonte kështu,”- tha Georgina.

Dëshira e dytë është: Do të doja të mos kisha punuar kaq shumë.

“Të gjithë burrat që trajtova u penduan thellësisht që kaluan kaq shumë nga jeta e tyre në vendin e tyre të punës”, tha infermierja.

Dëshira e tretë: Do të doja të kisha guximin të shprehja ndjenjat e mia.

Dëshira e katërt: Do të doja të kisha mbajtur kontakte me miqtë e mi.

“Shumë ishin kapur aq shumë në jetën e tyre sa kishin lënë miqësitë e shkëlqyera të zhdukeshin me kalimin e viteve,”- shkroi infermierja.

Dëshira e pestë: Do të doja të mos kisha shtirur kurrë dhe të isha gjithmonë vetvetja.

The post Infermierja që puno në azilin e pleqve, tregon dëshirat e fundit të të moshuarve para se të ndërronin jetë appeared first on Albeu.com.

Nga ujë i pijshëm për 24 orë, te transport publik pa pagesë dhe autobusë “super të shpejtë”, pretendentët për bashkitë janë në garë me njëri-tjetrin për t’u ofruar sa më shumë qytetarëve.

Megjithatë, mes gjithë premtimeve, më shumë ka rënë në sy ai i dhënë nga kryebashkiaku aktual dhe i rikandiduari socialist për Kamzën, Rakip Suli.

Ai u ka premtuar të moshuarve të Kamzës se mund të luajnë në këndin e lojërave që do të ndërtohet në zonë, teksa shpjegon planet e tij për qytetin.

“Jemi në përfundimin e rehabilitimit të kësaj zone ku do të ketë me kënd lojërash, me lulishte, flas për të gjitha moshat. Dhe për moshën e tretë që mund të lozin dhe mosha e tretë”, thotë Suli ndër të tjera në video. /albeu.com

The post “Shfrenohen” premtimet për fushatë, habit kryebashkiaku i Kamzës: Do ndërtojmë kënd lojërash për të moshuarit appeared first on Albeu.com.